Yelemiya 9:1 - Luganuzi Luswanu Kuli Wanhu Wose 2002

¹ Na mbeka, nali nyende u mutwe wangu wanda wuwe yisima lya malenga, ne meso gangu galavye mivwilo ya mahozi, ho sume kulila misi ne cilo, ku soko ye wanhu wangu wono wakondya kuwulagwa.

Yelemiya 9:1 Referans Kwoze

Yelemiya 13:17

Holeka hono mwikale si mumuhulice, nane nolila cinyele ku soko yo wiwoni wenyu, nolila ko wusungu muno, ne mahozi gangu gosulula, ku soko ye wanhu wo Muwaha Mulungu, wono wakondya kusolwa mateka.

Isaya 22:4

Alu ta, mundekaje niwalilile ko wusungu wanhu wangu wose wono wakondya kufwa, hamba mulece kusindamika yaye.

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

Yelemiya 6:26

Nayo u Muwaha Mulungu yakuwatya nhavi, i wanhu wakwe, “Ale, le, muvwale magunila mwivutuse mu mavu. Mulile ko wusungu wuwaha, mulavye ne mahozi nha vyono munojeye, nho mwana we cilume, we ciwene. Ku soko yuyo mono kokuza no wuhile wo kumongomezenyi, nha kosumwa musunho du.

Yelemiya 14:17

U Muwaha Mulungu yakandajiza niwalonjele wanhu zo wukalale wangu niwatye nhavi, “I meso gangu gasuluze mahozi misi ne cilo, galece kuduma yaye, hambi i wanhu wangu nha watuga nghomele kanyhi watamiswe muno muno.

Isaya 16:9

Alu nane nghuyililila Yezeli. Ne mahozi gangu gakusulula so Heshiboni na Eleyale. Hambi nha kusina ndudula yono yowasangalaza wanhu.

Zabuli 119:136

Meso gangu gakuhuluma mahozi nhe kolongo, ku soko vyono wanhu si wakuwukamisa wulajilize wako.

Zabuli 42:3

Mahozi gaweza yo ndigwa yangu ku misi, na ku cilo, vilo vyose lono wakumbuza wakutya, “Yali hayi Mulungu wako?”

Yelemiya 4:19

Nye nghuwona wusungu si! Hamba si nosuma kuwukangalila yaye! Nye nhumbula yangu si! Nhumbula yangu, nha yatowa muno! Nane hamba si nosuma kunyamala yaye. Hambi nha nghuhulika mazi ge zindulele hamonga ne mazozo go wulugu.

Yelemiya 8:18

U wukalale wangu, hasina hamba yunji mono kosuma kuwuwusa yaye, hambi nha nhamigwe mu nhumbula yangu.

Yelemiya 9:18

Nawo wanhu wakutya, “Ale, muwalonjele weyohe, waze wacimbile'se lwimbo lwe maziko, wembe, sunga ne meso getu gameme mahozi, ne zinghope zetu ze meso zisuluze malenga so cililo cetu.”

Zabuli 55:7

Heya, nali mbite kutali muno muno, nghacehe mu nyika.

Yelemiya 3:10

Ninga hamba nhavivyo, mwene Yuda u lumbulye lya Isilayeli mono si mwihuwilwa, nayo yakenoza nha yakumbuyila 'ne, ninga hamba si yali mbeka, langa ko wulambi du. Vyo nghutya ane no Muwaha Mulungu.”

Yelemiya 5:7

Nayo u Muwaha Mulungu yakatya, “Alu mwene, ho nosuma wule kuwanenela wanhu wangu u wubi wawo lo? Hambi wene nha wakondya kundeka'ne nalu wakuyihemba i milungu yo wulambi. Ninga ane ho nawalisa wanhu wangu sunga wakeguta, ninga hamba nhavivyo, wene wakeyinjiza mu wusenyha, wakawa kwikala mu zinyumba hamonga ne wasenyha.

Ezekiyeli 22:12

Na wanji wa muli wanhu wako wakuwa kusolwa no kulipwa malipo, wawa kutumwa wabite wakawulaje munhu. Na wanji wakudaya ngomola so migawa yono wandugu zawo Waisilayeli wawakopile, hanyuma wawa kwigolifya muno so cambuzi cono cikulawa kuli wandugu zawo. Wene wakondya kusemwa'ne.” Vyo yakutya no Muwaha Mulungu.

Hoseya 7:4

Wene wose wakoci, kanyhi hamba si wehuwilwa. Ne likuwo lyawo, likwaka nha moto mu mafigwa, wono si mufwanghane, sunga muteleci kolo yakondya kuwutiwa wusaje we cisase, na kolo wakondya kutumba, ho wutelekwe.