Yelemiya 8:9 - Luganuzi Luswanu Kuli Wanhu Wose 2002

⁹ Ne wanhu wenyu we mahala wakozwa cevu, nalu watimanjila, wegwiza weneco mu mutego. Hambi nha wayilema nghani yangu, alu zili hayi 'mbi, zono wakwiyitya 'ti wena mahala?

Yelemiya 8:9 Referans Kwoze

Yelemiya 6:15

Wule, wukwihwesa wene wakuwona cevu, ku soko ye makani gago ge mawifyo, gono wetumile? Waco! Wayago hamba si waziceleleye yaye, holeka hamba ne cevu, wene si wacimanyile yaye. Holeka ku soko yiyo, nawo wologwa, nhe wayawo wanji vyono wagwa, kolo neza kuza nghuwalipiciza. Na wuwo wo wolowa wo mudumo wawo. Vyo nghutya ane no Muwaha Mulungu.”

Jobu 5:12

Kazimilaga zinzila ze wasugu, ho walece kutuga cambuzi mu milimo yawo.

Yelemiya 6:19

Nagwe go 'si, wuhulicize! Wuwone vyono neza kugalipiciza i mahweso gawo, no kuwongomeza i wanhu wawa, hambi nha wagalema i mejizo gangu, hamba kuzibocela yaye zinghani zangu.

Isaya 19:11

Nawo i walongola wa mwi'kaya lya Sayuni, mbeka walele! Hambi nha wakubocela wulanjizwe wo wulele we wanhu we mahala wa Misili! Ku sokoci wakwijelela kumulonjela mutemi, nha vyono wene wo wahazi we walimu we katali, hamonga ne watemi?

Zabuli 19:7

I lilajilizo lyo Muwaha Mulungu likwilaniciye, nalyo limupelaga munhu vilungo. Nago malajilizo go Muwaha Mulungu gakamile, gawapelaga mahala i wenenenyhezi.

Wukumbucize wo Wulajilize 4:6

Mugakamisaje ko wihuwilwa. Na mu nzila yiyo, i wanhu we makungugo ganji, mumo mo wowonela vyono anye muli wanhu we mahala no wizuce. Nawo kolo wakuzihulika zose ze malajilizo gaga, wotya, ‘Mbeka nghungugo yiyi mbaha, wo wanhu wono wena mahala no wizuce!’

2 Timoteyo 3:15

kanyhi wukumbuciye vyono wulawa wudodo wako wagamanya i Mandiko Gono Gelile gono gosuma kukupela lihala lyono lyokuletela mhonelo mu nzila yo wihuwilo wono wuli muli Kilisito Yesu.

Ezekiyeli 7:26

Ne magazo golowa kuza getunjiliye gakwilecela linji ne liyagwe. Ne mapwepwe nago, golowa menji ako na ako. Nanye molowa kuwalomba wawizi ho wamulonjelenyi zono zokuza. Nawo wakohani, wolowa wasina nghani yo yose yo kuwejiza wanhu. Nawo wanyamhala, lulo wolowa wasina cono wowasugula wanhu.

Yelemiya 49:7

Azi zo nghani zono u Muwaha Mulungu we mihanga, yakuzilonga kuli yisi ya Edomu, yakutya nhavi, “I wanhu wa Edomu, alo wakondya kwajiliza zinghani zawo zo wutonji lo? Ne watonji wawo nhondo, weza si wakuwalonjela lo zono ziwanojeye wetume? Ne mahala gawo gose nhondo gakondya kwajilila lo?

Isaya 8:20

Nanye muwapitule muwe kutya, “Ciba muzihulice zono Muwaha Mulungu yakumwijizenyi! Mulece kuwahulika i waganga wo wulambi. Hambi zizo zono wakumulonjelenyi, nha sizo-mutazenyi cinji yaye.”

2 Watemi 17:15

Wakalemela lukulu kugebata mejizo gakwe, hamba kucikamisa cilagane cono Muwaha Mulungu yacinoza ne walezi wawo, hamba kucelelela bwete, ze suguzi yono Muwaha Mulungu yawasugula. Wene wakahemba vihwani vye milungu yo wulambi, vyono visina cambuzi, wakahodanjika, wakatyatya myoto ye makungugo wono wali wawapilime, wakalibedegala lilajilizo lyo Muwaha Mulugu lyono yatya, “Mulecele lukulu kuwatyatya.”

Isaya 29:14

Ninga nane nowatowa nhinicizo kali kenji. Na muli wanhu wawo we mahala, wolelepa, nawo wasugu, no wusugu wawo wowa wa bwete du.”

Yelemiya 15:6

Hambi anye nyo wanhu, nha mwakondya kundeka 'ne, nalu mwamhitucila migongo yenyu. Ku soko yiyo, holeka nane nghawugolola muwoko wangu, nghamongomezenyi, hambi nha nali nalemwa kulimila likuwo lyangu.

Yelemiya 19:7

Ne hanhu bahano, ho nologewajiziza i mahweso ge wanhu wa Yuda, hamonga ne wanyawusi wa Yelusalemi. Nolowaleta i walugu wawo, waze wawasume, no kuwawulajila ku wulugu. Ne mivimba yawo, nolozipela zindeje ziyilye, hamonga ne malimu ga mu mbago.

Amosi 2:4

Muwaha yakutya, “Wanhu wa Yuda, wetuma wubi kali kenji na ku soko yiyo, nane nowalipiciza. Hambi nha wehepa mafundo gangu, hamba siwebate ne malajilizo gangu. Hambi nha wakondya kwajiliza so wutyatye milungu yo wulambi yono wasogo zawo wayitumila.”

Zakaliya 13:4

Ne vilo vivyo kolo vikuza, holowa hasina muwizi wo wose mono kolokwidunhumulila zo wugubulilwe wakwe hamba kwituma zo wuwizi, hamba kuvwala i kanzo ye ciwizi-wizi, ho yawakonje wanhu.

Jobu 5:13

Kawagwizizaga we mahala mu mahweso gawo. Ho walece kutuga cambuzi muli zose zono, wowa kwituma.

Isaya 43:27

U mulezi wenyu mulongozi hamonga ne walongola wenyu, wose nha wetuma wubi kuli'ne.

Yelemiya 2:8

Ne wakohani nawo, hamba si wawuza watye, ‘Alu u Muwaha Mulungu yali hayi lo?’ Heya si wasuma kuwuza, hambi i wejizi wangu wo wulajilize nha si wali wamanyile 'ne. Nawo i walongola wakambedegala 'ne, i wawizi nawo, wakawa wakuwilila mwi'tagwa lya Baali, wakawa wakuvihemba vihwani, vyono si vikwiliye cinji co cose.