Yelemiya 8:7 - Luganuzi Luswanu Kuli Wanhu Wose 2002

⁷ Sunga ne yobwa ya mu wulanga nha yigamanyile ne madaha gayo go kuwuyila kwi nhuli lyayo, sunga ne zingungulima zose, ne zisamamba, hamonga ne zinghweli nghweli, zose zigamanyila madaha gayo go kuhamila, no kubita kwikala hanhu hanji. Ninga i wanhu wangu, woyi he! Hamba si mugamanyile ne malajilizo gono ane namulajilizenyi.

Yelemiya 8:7 Referans Kwoze

Isaya 1:3

Hamba ne zing'ombe, nha zimumanyile mono yazisawile, ne zindogowe nazo, zimanyile manyi manyi hanhu hono mutwa wawo kazidimilaga. Ninga woyi hee! I wanhu wangu Waisilayeli si wamanyile yaye, hamba kwizuka du bwete.”

Isaya 5:12

Na mu zi sikukuu zenyu, mwendile kutowa masumbi, ne zindonondo, ne misesele, ne fuluti, hamonga no kung'wa divayi. Ninga hamba si mwendile kwihwesa ze metumo go Muwaha Mulungu hamba kuyimanya i milimo ye miwoko yakwe.

Lwimbo Luswanu muno 2:12

Ne maluwa geza kubonhola mwi'hala. Holeka aci co cidaha co kwimba, ne zinyimbo ze zinziwa, cikuzihulika mwi'hala.

Isaya 27:11

Sunga ne manhambi ge mibici gakunyala, gakubeneka, ne wacekulu nawo wakutenya mumo ne zingwagu. Hambi i wanhu nha siwakutanga yaye, holeka nayo Mulungu u Muwumbi wawo, si kowawonela lusungu, hamba si kowanenela yaye.

Zakaliya 5:9

Nghenula meso nghalanga kucanyha, nghawawona we cicekulu wejete waguluce wakuza kono nali nimile wena mabawa gono gali vilungo muno kotya ga Yobwa. Wakayinula nhoto yiyilya wakawa kuguluka nayo.

Yelemiya 4:22

U Muwaha Mulungu yakutya nhavi, “Wanhu wangu walele muno muno, hambi nha si wamanyile 'ne. Wehwanile i wana wadodo wono wasina mahala, kanyhi wasina hamba wizuce bwete. Langa wene wasugu du ku wituma zimbi, ninga ku wituma ziswanu, kwawafutila.”

Yelemiya 5:6

Na yiyi yo soko yono yoleka simba zilawe mu mbago zize ziwawulaje, nago maminzi gololawa mu nyika gaze gawahawanje no kuwalubutula mhonje mhonje. Nago masuwi golokwiwendya-wendya mu zikaya zawo. Nawo wanhu hono waze walawile kudeha, gaze gawahawanje nhugu nhugu, hambi u wubi wawo nha winji muno. Nawo wakacila kumuleka Mulungu yizuwa ne'zuwa.

Habakuki 1:4

No wulajilize weza wusina vilungo kanyhi, sunga ne ling'ani yeza yili musina. I wanhu wabi wakuwapilima we ling'ani, holeka no wuling'anizi weza wusina vilungo.