Yelemiya 8:6 - Luganuzi Luswanu Kuli Wanhu Wose 2002

⁶ Ane nghuwa hulicize du, ninga hamba si mulongaga ze mbeka yaye. Kanyhi muli nyenye, hasina hamba monga mono yakulajila vyono yakunena ku soko yo wubi wakwe ng'o. Hamba hasina mono yewuza mweneco yatye, ‘Mwene wubi wangu cicici?’ Ninga wanhu wose, munhu yatyatizye na nzila yakwe du, wehwanile nhe zifwalasi zono zikumanyhila ku wulugu.

Yelemiya 8:6 Referans Kwoze

Zabuli 14:2

U Muwaha Mulungu yakuwasunjilila wanhu, ku wulawa ku wulanga, ho yawone hono ho yuli yunji we mahala, hono ho yuli munhu mono yakumulondola Mulungu.

Ezekiyeli 18:28

Hambi nha yakumanya zo wubi wono yali kwituma, no kuleka kuwituma. Holeka u munhu yuyo si kofwa yaye, langa kowumipa.

2 Petelo 3:9

Hambi Muwaha nha sikacelaga kuzifisiliza zizilya zono yehuwiza, nha vyono wanhu wanji wehwesaga vyono kocela. Umwene yena ngola ku soko yenyu, hambi nha siyendile hamba hadodo muyenyu yunji yajilile, langa yakuwasaka wose wafice ku wunene.

Malaki 3:16

Ne wanhu wono wamogopile Muwaha Mulungu, walonganaga weneco wose, nayo Muwaha Mulungu, yakawahuliciza, yakahulika zono walonganaga. Hali Mulungu, hakawa na citabu cono candikwe matagwa ga wose wono wamogopaga Muwaha Mulungu no kumuhulika.

Mika 7:2

Hasina munhu mwihuwilwa mono yasigaye mu'si, hamba munhu mono yali cihuliko hali Muwaha Mulungu. Munhu wo wose kalondolaga cilejeho ho yetume zo wuwulaji. Munhu wo wose kamupelembaga nduguye ho yamugwize.

Wugubule 9:20

I wanhu wanji wono wasigala, wono si wawulagwa no wongomezwe wuwo, nawo hamba si wanena, no kuvileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye shaba, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.

Hagayi 1:7

Muwaha Mulungu we Mihanga yakutya, Alu nhawule si mukusuma kumanya, ku sokoci zizino zikwijela?

Hagayi 1:5

Ma, si mukuziwona zono zomutujenyi.”

Ezekiyeli 22:30

Nane nghalanga-langa, ho nhuje munhu muli wene mono kosuma kulizenga lijinji, na mono kosuma kwima i hanhu hono majinji gamwaguce, ho yasume kuyitaza yisi, lono nane neza kuyongomeza yisi kwe likuwo lyangu. Ninga si namutuga yaye hamba monga.

Yelemiya 5:1

Nye nyo wanhu wa Yelusalemi, ale ta mumanyhe ako na ako mu zinzila zenyu! Mulanje-lanje ako na ako! Mwiwonelele nyo weneco! Mulondole mu sokoni zose! Wule, mosuma kumuwona mbeka u munhu mono yakwituma ze ling'ani mono yakuhidimbala kuwa mwihuwilwa hali Mulungu? Na hono mbeka mumuwone u munhu mono yenha nhavivyo, nayo Muwaha Mulungu koyinenela Yelusalemi.

Isaya 59:16

Nayo yakwizina kuwona vyono hasina munhu hamba monga mono yakuwataziza wono wakwiwonelwa. Holeka nayo luno kokwitumamila vilungo vyakwe yawaponye, yawe no wusume.

Isaya 30:18

Ninga hamba nhavivyo, mwene Muwaha Mulungu wo lusungu kowa vyo yakali yakumuwonelenyi lusungu du. Kanyhi yewikanize ho yamuwonelenyi lusungu, hambi mwene nhondo zose nha ketumaga ze ling'ani. Holeka wamoti wono wamwitumbiye u Muwaha Mulungu.

Jobu 10:2

Holeka go Mulungu, wulece kuning'aniza yaye, Langa wundajile nghanici yono wina kuli'ne?

Yelemiya 23:25

Nane nha nizimanyile zose zo wulambi zono i wawizi wawo wakulonjela mwi'tagwa lyangu, akuno wakutya ati, yo nene mono niwalonjeleye zinghani zangu mu zindoto.

Jobu 34:31

Alu 'gwe Jobu, wakondya kunena wubi wako hali Mulungu, no kwihuwiza nha vyono si kokwituma wubi kanyhi?

Jobu 34:32

Wule wakondya kumulomba Mulungu yakulajile masutya gako, no kuvumila nha vyono walecela lukulu kwituma zinghani zimbi?

Isaya 57:17

Nali niwakoleywe likuwo, ku soko yo wubi wawo hamonga ne masulumizi gawo, holeka nane nghawalipiciza no kuwaleka. Nawo ho wakacila kuwa wasina cihuliko hamba nhavi, wakajendelela du kwituma nha vyono wasakaga weneco.

Yelemiya 3:5

Holeka si kosuma kwikala ne likuwo lyako nhondo zose, hamba kungholelwa likuwo cibitilila.’ Heya 'gwe Isilayeli, nhavivi vyo kulongaga, ninga akuno vyo wukwituma ne makani mabi du, nha vyono wukusaka gwegwe.”

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Zefaniya 3:7

Ne makaya gawo geza gali bwete, na mu zinzila zayo, mweza musina cinji, hasina hamba yunji mono yasigaye. Nane nghehwesa vyono, wanhu wangu wowa wena cogopo kuli'ne no kubocela mejizo gangu, no kuleka kusemwa, mejizo gono nawejiza. Ninga wakacenya musunho, no kwituma zimbi mu mikalile yawo.”