Yelemiya 8:5 - Luganuzi Luswanu Kuli Wanhu Wose 2002

⁵ Ninga anye 'lu, nhawule vyo mukali du muvidindimiye i vihwani vyenyu viseswe, hamba si mukusaka kumbuyila ng'o.

Yelemiya 8:5 Referans Kwoze

Yelemiya 9:6

Wajendelelaga du kwituma zo wubi awu na awo, ne metumo gawo go wulambi, nago vyo getyatiliye du. Nayo u Muwaha Mulungu yakutya, vyono i wanhu wakwe wakondya kumulema.

Yelemiya 5:3

Mwene u Muwaha Mulungu kalangaga wihuwilwa, hambi nha yamutowenyi, nanye hamba kuhulika ng'o, yakamukunhulanjenyi, ninga anye mukalema ku wiyijize. Hambi nha mwali musina cihuliko, hamba si mwasaka kuwuleka wubi wenyu.

Zakaliya 7:11

Ninga i wanhu wangu wangu wakawa wali cibede siwakasaka hamba no kuhuliciza, wakadinda ne makutu gawo ho walece kuhulika,

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze, si wapona yaye. Alu ase cosuma kupona wule hono cileme kumuhuliciza ayulya mono yakucisugula, mono yalawa ku wulanga?

Yohana 5:40

Hamba nhavivyo, anye si mwendile kuza kwangu ho mutuje wumi.

Hoseya 11:7

Wene wakucila kuwuya ne nyuma. Ninga wololila ku soko yo lubano lono luli muli wene, hamba hasina munhu mono kololuwusa muli wene.

Yelemiya 5:27

Kanyhi, wehwanile u mupelembi, mono kamemyaga zindeje mwi'tundu lyakwe, ale nhavivyo nawo vyo wamevizye mu zikaya zawo, i vinhu vyono wavitecile. Na yiyo yo soko yono yikuleka weza wali vilungo, kanyhi wagoli.

Isaya 44:20

Ne nghani yiyi, yo nghani yo wulele, yihwanile wubwiga mavu. Hambi i mahweso gakwe go wupufi, nha gakondya kumwajiliza nzila, ho yalece kuyiwona nzila yono yina wutazi. Hamba si yakusuma kumanya, nha vyono cico cihwani cono yebate mu muwoko wakwe, si mulungu yaye.

Isaya 30:10

Wakuwalonjela wawizi wanyamale twii, wakutya, “Anye nyo wawizi, mulece kucilonjela za hayi ze ling'ani. Langa mweze kucilonjela zono na sese cosaka cizihulice. Mucilekaje 'se cijendelele no wukoci wetu.

Wugubule 2:25

Ninga munojeye mukamisize lukulu cono mwina naco lulu, sunga kolo neza kuza.

1 Watesalonike 5:21

Ninga mweze kuvijela vinhu vyose; mukamise muno muno ziswanu,

Hoseya 4:16

Wanhu wa Isilayeli wakamu, wehwanile nyumbu. Alu, nane ho nowadima nhawule nha ngholo, mwi'lolo?

Yelemiya 2:32

Alu mwene mukwihwesa nha vyono muhinza kosuma kuwusemwa wihambo wakwe hongo? Hamba bibi halusi kocisemwa i civwalo cakwe ce halusi hongo? Ninga anye nyo wanhu wangu, mbeka mwakondya kusemwa'ne vilo vinji, vyono visina liwalo.

Isaya 1:20

Ninga hono muleme no kufyula, mbeka mofwa wose mukongojele. Ane yo nene Muwaha Mulungu, mono nizilonjile zizi.”

Zimbazi 4:13

Nhondo zose weze wibate zono weyijiza, hambi mejizo gako, nha wo wumi wako, holeka wugalanjililaje galece kukutiga.

Yelemiya 5:6

Na yiyi yo soko yono yoleka simba zilawe mu mbago zize ziwawulaje, nago maminzi gololawa mu nyika gaze gawahawanje no kuwalubutula mhonje mhonje. Nago masuwi golokwiwendya-wendya mu zikaya zawo. Nawo wanhu hono waze walawile kudeha, gaze gawahawanje nhugu nhugu, hambi u wubi wawo nha winji muno. Nawo wakacila kumuleka Mulungu yizuwa ne'zuwa.

Yelemiya 14:7

Nawo i wanhu wangu, wakundilila wakutya, ‘Hamba wuwe u wubi wetu wukucihomelela, ninga 'gwe go Muwaha Mulungu wucitazaje du, nha vyono gwegwe wehuwiza. Na mbeka, ase cikulecile kali kenji du, na kanyhi cituma wubi hali'gwe.

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Yelemiya 3:5

Holeka si kosuma kwikala ne likuwo lyako nhondo zose, hamba kungholelwa likuwo cibitilila.’ Heya 'gwe Isilayeli, nhavivi vyo kulongaga, ninga akuno vyo wukwituma ne makani mabi du, nha vyono wukusaka gwegwe.”

Yelemiya 6:17

Hanyuma u Muwaha Mulungu yakawika walindilizi, ho wahulicize i lizi lye ndulele lyono likuwasugula. Ninga hamba nhavivyo, wene wakatya, “Ase si cikusaka hamba no kuhuliciza ng'o.”

Yelemiya 6:19

Nagwe go 'si, wuhulicize! Wuwone vyono neza kugalipiciza i mahweso gawo, no kuwongomeza i wanhu wawa, hambi nha wagalema i mejizo gangu, hamba kuzibocela yaye zinghani zangu.

Hoseya 11:5

“Ninga wene wakalema kumbuyila, holeka yiwanojeye wawuye ku Misili, nayo Mwashuli yo kowatema.

Hoseya 13:2

Sunga nalu wakucila kwituma wubi, wakwinozeza vihwani ho wavihembe. Wakwinozeza vihwani vya fweza, vinozwe ne miwoko ye wanhu kwe mahala gawo weneco. Nawo wakutya, “Ale muvilavizyaje makumbiko!” Alu wanhu ho wovinonela wule vihwani vivyo, i vihwani vyono vine futa ye zindama!