Yelemiya 8:4 - Luganuzi Luswanu Kuli Wanhu Wose 2002

⁴ U Muwaha Mulungu yakanonjela mbite nghawalonjele wanhu wakwe niwatye nhavi, “Wulenyi, hono munhu yekobale yagwe hasi, kokwikalilila baho hasi yagwiye du, hamba si kokwinuka kanyhi lo? Hamba hono munhu yajililwe nzila, si kowuya ne nyuma yayilondole kanyhi ng'o?

Yelemiya 8:4 Referans Kwoze

Zimbazi 24:16

Kanyhi si nghani yaye, u munhu we ling'ani, hamba yagwe kali kenji, ninga kenukaga du kanyhi, vilo vyose. Ninga i wabi wongomezwaga no wutamiswe.

Mika 7:8

Ne walugu wetu wowa wasina soko yo kucisimanga. Heya, hamba ciwe cagwa, ninga cokwinuka kanyhi. Alu cili mu wutitu, ninga Muwaha Mulungu kociletela kanyhi wuzelu.

Hoseya 6:1

Wanhu wakutya, “Alenyi ciwuye kuli Muwaha Mulungu! Mwene yacitamisa yakondya, ninga yamanyile vyono kociponya! Yacipela zinghomele, ninga kociponya zinghomele zetu.

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Amosi 5:2

U Mwana we cicekulu wa Isilayeli yakondya kugwa. Hamba sikokwinuka kanyhi! Yakondya kulekwa yagwiye hasi, Hasina hamba mono yakumwinusa.

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Hoseya 7:10

No wiwoni we Waisilayeli wukuwahomelela weneco, ninga muli zizo zose zono zejela, hamba siwasuma kumbuyila ane no Muwaha Mulungu, u Mulungu wawo.

Ezekiyeli 18:23

Muwaha Mulungu yakutya nhavi, “Wulenyi! Mukwihwesa vyono'ne niwusangalalilaga 'mbi u wufwe wo munhu mubi? Aa, ng'o! Ane nyendile munhu yuyo yanene wubi wakwe, yekale mumi.

Isaya 44:22

Nakondya kuwupatila lukulu wubi wenyu nhe livunde. Holeka mumbuyilaje. Hambi nha yo nene du mono nghumuponyenyi.”

1 Watemi 8:38

wuwahulikaje wulombe wawo. Na hono hawe ho yuli yunji wa muli wanhu wako wa Isilayeli yena wusungu mu nhumbula yakwe, wagolole miwoko yawo wakulombe baha hono Nyumba yako,

Yelemiya 36:3

Na lunji i wanhu wa Yuda, kolo wakuhulika ze magazo mawaha gono nghusaka niwatendele, lunji wopituka wagalece metumo gawo mabi. Nane niwanenele masutya gawo hamonga no wubi wawo.”

Yelemiya 23:14

Nghondya kuwawona sunga ne wawizi, wono wali mu Yelusalemi, nawo wakwituma vibi muno muno, hambi nha wakwituma zo wusenyha, akuno wakulonga zo wulambi, wakuwatonga wanhu ku wituma zimbi du. Na ku soko yiyo, holeka hasina hamba monga, mono yakusuma kuleka kwituma zimbi. Holeka ku lubavu lwangu, ane nghuwawona vyono wose wabi du, wehwanile ne wanhu wa Sodoma na Gomola.

Yelemiya 4:1

U Muwaha Mulungu yakutya nhavi, “Nye nyo wanhu wa Isilayeli, hono muwe mukusaka kumbuyila, ale heya mumbuyilaje. Na hono musace kuwa wehuwilwa kuli'ne, muwe kuviwusa ne vihwani vyenyu viseswe, vyono nane si nivyendile,

Yelemiya 3:22

Holeka anye wose, mono mwali mwakondya kumuleka u Muwaha Mulungu wenyu, alu mumuwuyilaje nhondo. Nayo komuponyenyi, no kumunozenyi muwe wehuwilwa kuli mwene. Nanye mukutya, “Heya cikuza kuli'gwe go Muwaha Mulungu, hambi 'gwe nha yo gwegwe go Muwaha Mulungu wetu.