Yelemiya 8:2 - Luganuzi Luswanu Kuli Wanhu Wose 2002

² Hanyuma geyagazwe caka mwi 'hala, gehwane mboleya ya mu migunda. Golokwanzalikwa he'zuwa, no mwezi, hamonga ne zinyelezi, vyono wene wali wavyendile no kuvitumamila, hamonga no kuvitumbila no kuvihemba.

Yelemiya 8:2 Referans Kwoze

2 Watemi 23:5

Yakawawusa mu mulimo wo wukohani, i wakohani wose wono u mutemi wa Yuda yali yawawicile, ho wawe kulavya makumbiko mu vikumbicilo mu vigongo, mu makaya ga Yuda, sunga na mu wuhembelo wono wali wuli behi behi na Yelusalemi. Wakohani wose wono walavyaga makumbiko kuli Baali, na kwi' zuwa, no mwezi, ne zisayali, hamonga ne zinyelezi.

Metumo ge Watumwa 7:42

Ninga Mulungu yakawuka muli wene, yakawaleka wahembe zi nyelezi zo wulanga, nha vyono yandikwa mu citabu ce wawizi, ‘Anye mo wanhu wa Isilayeli! Yo si nene mono mwambulajila zimitugo no kunghumbika mu myaka makumi mane ku nyika!

Yelemiya 9:22

Nalu, i mivimba yokwiyagala caka hanhu hose yihwane nhe malundo ge mboleya yono yili mu migunda. Hamba maso go wuhemba gono gadudulwa, hanyuma kanyhi gawa kulekwa no mududuzi gagwiye hasi. I maso gono gowa gasina mono yakugalundika hamonga. Ale, zizi zo Muwaha Mulungu kanhuma nimulonjelenyi.”

Wukumbucize wo Wulajilize 4:19

Kanyhi mwilanjilile, mulece kukwegwa na vya ku wulanga, lizuwa, mwezi, ne zinyelezi, ho muvitumamile no kuvihemba. Muwaha Mulungu, u Mulungu wenyu, yawaleceye wanhu wanji vivyo vyose ho wavihembe.

Zefaniya 1:5

Kanyhi nomuwusiza lukulu munhu wo wose, mono kabitaga mwi'tembe mucanyha, kawa kuvihemba lizuwa no mwezi sunga ne zinyelezi. Kanyhi nowawusiza lukulu wose wono wahembaga nene, no kwilahiza vyono wena cihuliko kuli'ne, na kuno kanyhi, ho wakwilahiza kuli mulungu Moleki.

Ezekiyeli 8:16

Hanyuma kanyhi, yakawa kusola, yakawa kunhegula sunga ko kwi'kumbo lya haciligati ye Nyumba yo Mulungu. Na baho naho, nghawawona wanhu waficile kotya nha wanhu makumi mejete na wahano nhavi, wemile behi no mulango we hanhu hono helile, haciligati ye cikumbicilo no mulango. Wali wemile wahapituciye migongo i hanhu hono helile, akuno wakugundama walanjile ku lubavu lwa kucilima wakulihemba lizuwa.

Yelemiya 36:30

Ale nane luno, ane no Muwaha Mulungu, nghukulonjela nha vyono, agwe mutemi Yehoyakimu, holowa hasina kanyhi hamba monga wa muli wanago, mono kolotema mu wutemi wa Dawudi. Sunga no muvimba wako, si wolozikwa yaye, langa wolotagwa du mwi'hala caka wutowe ne lizuwa, mwi'pango lye misi, na mu cilo namo, wuputwe ne mbeho nghali.

Yelemiya 22:19

Nayo kolozikwa nha vyono ndogowe yizikwaga, nha cinji, kolokwegwa, yawe kugumilwa du, kunze ye milango ya Yelusalemi.”

Yelemiya 19:13

Ne zikaya zose za Yelusalemi, ne zikaya zose ze watemi wa Yuda, du ne zikaya zose, zikaya zono zafusiswaga wuvumba kuli zinyelezi, hamonga ne hanhu hono halavizwaga i vilavywa vye divayi, ku soko yo kuyilavizya milungu yinji. Wawo wose wokwihwana ne Tofeti i nyavufywe.”

Yelemiya 16:4

Hambi wose nha wofwa ku soko ye matamwa mabi, na kanyhi holowa hasina hamba yunji wo wose mono kolowalilila hamba kuwazika yaye. Ne miwili yawo, yolowa yilundile caka du ako na ako mu muhangha, kotya malundo ga suji. Nawo wolofwila mu wulugu, hamba mu nzala, ne miwili yawo yolowa ndigwa ye zindeje hamonga ne vilimu vya mu mbago.

Zabuli 83:10

wono wawongomeza ku Endoli, sunga ne miwili yawo yikawa mboleya ya yisi.

2 Watemi 21:3

Mwene yakazenga hanhu henji mu vigongo ha wukumbicilo we milungu, i hanhu hono u sogwe Hezekiya yali yakondya kuhamwagulanga hose. Kanyhi yakazenga sunga ne cikumbicilo ca Baali, yakasesa ne cihwani co mulungu we cicekulu Ashela, yakazinoza nha vyono Ahabu u mutemi wa Isilayeli yanoza. Manase, yakawa yakuzihemba sunga ne zinyelezi zose.

Zefaniya 1:17

Muwaha Mulungu yakutya, “Ane noleta wugaye muli wanhu, ne wanhu wose wowa kujenda nha wali cibofu. Hambi nha wose wasutizye kuli'ne. Holeka sakami yawo yokwitika nha malenga, ne mivimba ye miwili yawo yolowa minji mu'si.”

Muganuzi 6:3

Munhu yadahile kuwa na wana yigana limonga, hamonga no wikale mononze myaka minji. Ninga hono munhu yuyo yalece kuyisangalalila mikalile yakwe, hamba kuzikwa mu citenjelo kwe lilumbo kose, mbeka, u mwana mono yaleligwe yafwiye, kowa yali ciba, si nha munhu yuyo.

2 Watemi 21:5

Kanyhi yakazenga vikumbicilo mu makumbo mejete ge Nyumba yo Mulungu, i vikumbicilo vyo kuhembela zinyelezi.

2 Watemi 17:16

Wakagabena malajilizo gose go Muwaha Mulungu, u Mulungu wawo, wakenozeza vihwani vya ndama nyejete nyenjedulwe, wakazihemba. Wakenozeza ne cihwani co mulungu we cicekulu Ashela, wakahemba zinyelezi, wakamwitumamila mulungu Baali.

Wukumbucize wo Wulajilize 17:3

kabena cilagane, yakuhemba milungu yinji no kuyitumamila, lunji lizuwa, hamba mwezi, hamba nyelezi, si nhe lilajilizo lyo Muwaha Mulungu.

Zabuli 53:5

Baho 'lu langa, wocicima ko woga, u woga wono wakali hamba si nawuwona yaye, hambi Mulungu nha kogeyagaza i mafupa ge walugu, nawo wokolwa cevu, hambi Mulungu nha yakondya kuwaleka.

Yelemiya 14:16

Ne wanhu wose wono wali kulonjelwa zizo, nawo wowulajilwa mu nzila yiyo du. Ne mivimba yawo yogumilwa caka caka mu zinzila za mwi'kaya lya Yelusalemi. Na holowa hasina munhu wo wose mono koloyizika i mivimba yiyo. Ne nghani yiyi, yolowaziza wene wose, hamonga ne wagolece zawo, ne wana wawo we cilume na we cicekulu. Nane nolowalipiciza mu nghango ye metumo gawo mabi vyono genha.”

Yelemiya 16:11

Nagwe wuwapitule, wuwalonjele zono u Muwaha Mulungu yakulonga yakutya nhavi, ‘I walezi wenyu, wandeka ane no Mulungu wawo, wakawa kuyihemba milungu yinji, no kuyitumamila. Wakalemela lukulu no kugahulika i mejizo gangu.

Yelemiya 31:40

Ne lilolo lyose lyono wazikaga mivimba, no kugamwaga mavu, ne migunda yose, sunga ko ku cikolongo ca Kidiloni, sunga ko ku nhuzi yo mulango we zifwalasi, ku lubavu lwa kucilima. Mumo mose, mosiwanulwa ku soko yangu. Ne likaya, si lyolokulwa kanyhi hamba kuhodangwa yaye.”

Ezekiyeli 6:5

Nane noloyiyagaza mivimba ye Waisilayeli ako na ako. Nologeyagaza mafupa ge mivimba yawo, gapilime vikumbicilo vyawo.

Ezekiyeli 29:5

Niwe kukutaga mu nyika, hamonga ne zisomba zizo. No muwili wako wogwa hasi, no kulekwa baho du, howa hasina munhu mono kowuzika. Langa nozilecela zindeje, hamonga ne malimu ga mu mbago go gakulye.’

Zabuli 83:11

Wuwanozeze wawaha wawo, nha vyono wawanozeza wa Olebu na Zebu, ne watemi wawo wose, wawe nha Zeba na Zalumuna,

Yelemiya 9:20

Nane Yelemiya nghatya, “Nye nyo wacekulu, ale muhulicize zono u Muwaha Mulungu yakulonga, muteje makutu genyu muzikamise zinghani zakwe nanye muwejize ne wana wenyu we cicekulu vyono walilaga, ne weyendi wayenyu, vyono wembaga u lwimbo lwe maziko.

Yelemiya 9:21

Hambi i lifwa nha lyaciziza likolile mu madilisha getu, lyenjila mu zikaya zetu zo wutemi, ho liwawulajile lukulu i wana wetu mu zinzila, ne wazelelo wetu mu zi sokoni.

Yelemiya 16:6

Nawo i wagoli ne waciwa, wose wofwila mono yisi yiyi du, na holowa hasina hamba munhu monga mono kolowalilila, hamba kuwazika yaye. Kanyhi holowa hasina hamba munhu monga mono kolokwisalanga-salanga mu muwili wakwe, hamba kwiceta mu mutwe wakwe, ho yalajile wukalale wono yena nawo mu nhumbula yakwe ku soko yawo.

Yelemiya 25:33

Na mwi'zuwa lilyo, i miwili ya wono wolowulagwa no Muwaha Mulungu, yolowa yiyagaye caka ku wulawilila ku mhelo ayino ye 'nze, sunga ko ku mhelo nzagwe. Na holowa hasina munhu wo wose mono kolowalilila, hamba si wolowuswa baho hono wowa wagwiye no kuzikwa yaye. Langa wolowa walabalaye baho hasi du, nhe malundo ge mboleya.

Ezekiyeli 39:5

Nawo wogwa mwi'hala wafwiye. Vyo nghutya ane no Muwaha Mulungu.