Yelemiya 8:12 - Luganuzi Luswanu Kuli Wanhu Wose 2002

¹² Ninga wule nyo wanhu wangu, mwakolwa cevu so makani gago ge cevu gono mwagetuma? Waco nye, hamba si mwakolwa cevu yaye, hamba si mwapuwa ng'o! Holeka luno nanye kolo nghumukundujizenyi, mogwa nha vyono wanji wagwa. Nanye nhondo, wuwo wowa wo mudumo wenyu. Vyo nghutya ane no Muwaha Mulungu.

Yelemiya 8:12 Referans Kwoze

Yelemiya 3:3

Na ku soko yiyo, holeka nayo mvula si yikutonya, sunga ne mahalavu gose hamba si gakuza yaye. Hambi nha wehwana i wanhu wasenyha, akuno wusina hamba cevu yaye.

Yelemiya 6:15

Wule, wukwihwesa wene wakuwona cevu, ku soko ye makani gago ge mawifyo, gono wetumile? Waco! Wayago hamba si waziceleleye yaye, holeka hamba ne cevu, wene si wacimanyile yaye. Holeka ku soko yiyo, nawo wologwa, nhe wayawo wanji vyono wagwa, kolo neza kuza nghuwalipiciza. Na wuwo wo wolowa wo mudumo wawo. Vyo nghutya ane no Muwaha Mulungu.”

Isaya 3:9

No wuhijila-mbejele wawo, wukuwa kuwahomelela weneco. Sunga no wubi wawo, nha wuli calinze, nha vyono wanhu wa Sodoma wetuma. Holeka wokongomezwa, no wongomezwe wuwo, weletela weneco.

Zabuli 52:7

“Lanjenyi ta zono zimwagane munhu ayu! Mwene si yenda Mulungu yawe wutizizo wakwe, langa mwene yaketumbila winji we sawo yakwe, no kuwulondola mumo wihundiko wakwe!”

Zefaniya 3:5

Ninga Muwaha Mulungu, yali mwi'kaya, yakwituma ze ling'ani, si yakwituma zimbi ng'o. Nayo kawaletelaga wanhu wakwe ze ling'ani, nhondo zose. Ninga i wanhu wono wasina ling'ani, vyo wajendeleye du ku wituma zimbi, hamba kuwona cevu yaye.

Zabuli 52:1

Gwe go munhu 'gwe, socici wukwilumbila wubi wako, kuli wanhu waswanu?

Wukumbucize wo Wulajilize 32:35

Muwaha Mulungu kowalipiciza wulipicizwe wuwaha. Lipango lyofika du lyono wosumilwa lukulu, hambi lipango lyo wugaye wawo nha lili behi kuza.

Wafilipi 3:19

Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du.

Hoseya 5:9

Lizuwa lyo wulipicizwe likuza, na Isilayeli yokongomezwa. Anye nyo Waisilayeli, zizi mbeka zokwijela!

Isaya 24:2

Ne wanhu wose wolokwiyagazwa, i wakohani hamonga ne wanhu. Watumwa, hamonga ne wawaha wawo. Wono wakugula, hamonga na wono wakuguza. Wono wakwazima, hamonga na wono wakuwazima. Iwagoli, hamonga ne waciwa.

Yelemiya 6:21

Nane nowanoza wanhu wawa, wekobaze, wagwe. I wasogo zo munhu, ne wana wawo we cilume, ne weyendi wayawo, hamonga ne wekalani wayawo, wose wolo kongomezwa.”

Yelemiya 10:15

Holeka yisina cambuzi, langa co cinhu ca caka du. Ninga i lizuwa lyono Muwaha Mulungu yalaziza, kolokuza yayongomezeze lukulu, i milungu yiyo yose.

Yelemiya 44:10

Ninga sunga nalu baha, anye mukali si mukulajila nhumbula yo winenenyhezi yaye. Hamba si mukusaka kumhela cogopo yaye, hamba kuwa ne mikalile yo kutyatya ze malajilizo gangu gose, gono namupelenyi nyenye hamonga ne walezi wenyu.

Ezekiyeli 23:18

Yakegubula cipwi cakwe calinze, ne wanhu wose nhondo wakamanya nha vyono mwene musenyha muno muno. Holeka nane, nhondo nghawa kumuleka, nha vyono nali nakondya kumuleka u muwahawe Ohola.

Mwamulizo 19:34

I mitondo yaco, u mwana we cicekulu muwaha, yakawa kumulonjela u mwanakwawe yakutya, “Wayiko mwanakwetu, ane no muyago, yigolo ne cilo, nagona na baba, holeka izuwali cimupelaje kanyhi divayi, yang'we yakolwe, hanyuma nagwe ho wubite wukagone nayo, ho cituje lulelo ko sogo yetu.”

Yelemiya 14:15

Ninga ane no Muwaha Mulungu, nokulonjela luno zono nowanoza, i wawizi wawa wono wakwisolela zinghani weneco, wono ane si niwatumile yaye, wawa kulonjela mwi'tagwa lyangu, wakutya vyono ati wulugu ne nzala si vyosuma kwinjila mu yisi yiyi. Ane nowawulaga i wawizi wawa ko wulugu ne nzala.

Yelemiya 23:12

Holeka ku soko ya zizo, zinzila zawo zono wakolile, zolowa na cinhelezi hamonga ne citi. Nane nolowanoza wekobale, wagwe, nowaletela magazo mawaha, ne lizuwa lyo wulipicizwe wawo nha likuza. Vyo nghutya ane no Muwaha Mulungu.