Yelemiya 8:11 - Luganuzi Luswanu Kuli Wanhu Wose 2002

¹¹ Wakuziwona zinghomele ze wanhu wangu nha wikubule kubule du wudodo. Hanyuma wawa kutya, ‘Aa! Zose swanu du,’ na kumbe hasina swanu hamba monga.

Yelemiya 8:11 Referans Kwoze

Yelemiya 6:14

Na kanyhi wakuziwona zinghomele ze wanhu wangu, kotya nha wikubule-kubule du wudodo. Hanyuma wawa kutya, ‘Aa! Zose swanu du.’ Na kumbe, hasina swanu hamba monga.

I Cililo 2:14

Sunga ne wawizi wako nawo, weza wasina cinji cono wokulonjela, langa zo wulambi-lambi du. No wuganule wawo wukukongaga du, hamba si wukuwa kukulajila zo wubi wako. Na mu nzila yiyo, wakukunoza agwe, ho wiwone nha vyono wusina soko yo kunena.

Mika 2:11

“Wanhu awa, wakusaka muwizi mono yamemile wulambi no wukonji, mono yakutya ‘Nowila, divayi no wujimbi vilawile ko winji ku soko yenyu.’

Ezekiyeli 13:22

“Alu, mulanje ta, ku soko yo wulambi wenyu, mwakondya kuwahodanga i wanhu wanji i waswanu, wono nali si nyendile niwatamise. Na kanyhi, mukuwemila i wanhu wabi, walece kunena zo wubi wawo, ho wawuponye wumi wawo.

1 Watemi 22:13

I wetumami wono wakabita kumucema Mikaya, wakamulonjela Mikaya wakatya, “I wawizi wanji wose wamuwilila mutemi nha vyono kosuma du. Holeka nagwe wubite wukalonje nha vivyo.”

1 Watemi 22:6

Hodu Ahabu yakawakonghola wawizi waficile magana mane, yakawawuza yakutya, “Ati, wulenyi, mbite nghayihome Lamoti, hamba ng'o?” Nawo wawizi wakamutya, “Heya wubite, hambi u Muwaha Mulungu nha kokupela wusume.”

1 Watesalonike 5:3

I wanhu kolo wakutya, “Mulamu kanyhi kupolile.” Hobaho ho wukuziza u wuhodanji wono wukuwaziza nhinicizo! Nazo zizo zowaziza nhinicizo nho wusungu wo kulela vyono wukuwa kumuziza u mucekulu lono yakusawa, ne wanhu hamba si wosuma kwilega.

Yelemiya 8:15

Hambi ase nha calanjililaga mulamu, ne madaha go kuponywa, ninga ziswanu hamba si zejela yaye, langa wogofywe wo wukacila muno.

Yelemiya 14:13

Ninga nane, ane Yelemiya, nghamupitula u Muwaha Mulungu nghamutya, “Gwe go Muwaha Mulungu, agwe wumanyile manyi manyi, nha vyono i wawizi wakuwalonjela wanhu, vyono holowa hasina kanyhi wulugu, hamba nzala, hambi nha vyo wehuwiza gwegwe, nha vyono, holowa mulamu du mu yisi yetu.”

Yelemiya 23:17

Wene wakuwalonjela i wanhu wono wasina cihuliko kuli'ne, nha vyono zose zowawela swanu du. Na kanyhi wakuwalonjela wose wono wasina cihuliko, nha vyono magayo go gose si gowagana yaye.”