Yelemiya 8:10 - Luganuzi Luswanu Kuli Wanhu Wose 2002

¹⁰ Holeka nane lu, noyisola migunda yawo, niwapele wanhu wanji, sole ne wacekulu zawo nawo, mhele walume wanji. Alu lanje, vyono wanhu wose i wawaha ne wadodo, wakujela kwitujila pesa mu zinzila zo wukoci. Sunga ne wawizi, hamonga ne wakohani, nawo nhavivyo du, wekalaga wakukonga-konga wanhu.

Yelemiya 8:10 Referans Kwoze

Ezekiyeli 33:31

Nawo baho wawa kwikonghola wenji du ha mwande yako ho wahulice zono kolonga, ninga hamba si wakwituma zono wukuwalonjela wetume. Wakulonga zinghani mu milomo yawo du, ninga vyo wajendeleye du no wituma zimbi.

Tito 1:11

Yiwanojeye i milomo yawo yidindwe, hambi nha weza kuwahodanga i wanhu wose so mejizo gawo gono si gawanojeye wejize, nawo wakwituma zizo ko wuhile wubi wo kusaka ho watuje mapesa.

Zefaniya 1:13

U wugoli wawo wolosolwa, ne zikaya zawo zolohodangwa. Hamba si wolosumila lukulu kanyhi, kwikala mu zikaya zawo zono wakuzenga, hamba kung'wa divayi mu wulawa mu migunda yawo ye zabibu yono walimile.”

Amosi 5:11

Mukuwatema i waciwa no kuwahiziza wuhemba wawo. Na ku soko yiyo nanye simokwikala mu zikaya ziswanu zono muzenjile ne mabwe maswanu, hamba kung'wa divayi yono yikulawa mu zizabibu zenyu ziswanu zono mulimile.

Isaya 28:7

Sunga ne wawizi, hamonga ne wakohani, wose wakupebesuka so ngholwe yo wujimbi. Hambi nha wang'wa muno wujimbi, nhondo sunga wakolwa, weza kwikobala hamba kumanya yaye. I wakohani wagalile muno muno, sunga luno, weza si wakuwumanya no wugubulilwe, wono Mulungu yakuwagubulila. Nawo wakohani nhavivyo, weza wang'wela muno wo wujimbi, sunga nhondo weza kulemwa no kulamula vyalo vyono wakuletelwa.

Tito 1:7

Nayo Asikofu vyono yo mulanjilizi wo mulimo wo Mulungu, holeka yimunojeye yawe munhu mono yasina yilema. Yalece kuwa mwidunhumuzi, hamba kuwa mukolwa ne likuwo mbela, hamba mukolwa ku wujimbi, hamba mufyuzi, hamba si musulumila cambuzi cono si ce ling'ani.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Mika 3:5

Wanhu wangu nha wakukongwa ne wawizi wo wulambi, wono wakuwehuwiziza vyono wokwikala wapolile, wawo wono wakuwalipa, na wono siwakwituma zizo, wakuwakajiziza wulugu. Ninga kuli wawizi wawa, u Muwaha Mulungu yakuwatya.

I Cililo 4:13

Heya, zizi zejela, ku soko wawizi wawo wetuma wubi, ne wakohani nawo wakasutya, no kwambuza lifwa, kuli wanhu wono wasina masutya.

Yelemiya 32:32

ku soko ye metumo mabi gose gono wetumaga i wanhu wa Isilayeli na Yuda, hamonga ne watemi wawo, ne walongola wawo, ne wakohani wawo, hamonga ne wawizi wawo.

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Jobu 31:10

hodu, lece mugolece wangu nayo yamuvujile wugali mulume yunji, kanyhi yagone nayo.

Isaya 57:17

Nali niwakoleywe likuwo, ku soko yo wubi wawo hamonga ne masulumizi gawo, holeka nane nghawalipiciza no kuwaleka. Nawo ho wakacila kuwa wasina cihuliko hamba nhavi, wakajendelela du kwituma nha vyono wasakaga weneco.

Yelemiya 14:18

Nane lono nghubita mu mawimbi, nghuyiwona i miwili ye wanhu wono wawulagwe mu wulugu, na kolo nghubita mu makaya, namo nghuwawona i wanhu wono wakugaya no kufwa so nzala. Ninga nawo i wawizi hamonga ne wakohani, wene wajendeleye du ne milimo yawo, hamba kumanya yaye na cono wakwituma.”

Yelemiya 17:11

No munhu mono ketujilaga sawo mu zinzila zimbi, yehwanile ndeje yono yigonelaga magangha gono si yitajile yeneco. Nayo koyajiliza sawo yakwe mu wuzelelo wakwe, na ku ndumo yayo, kowa mulele du.

Yelemiya 22:17

Ninga agwe wukukwegwa no wihwesa zako du go mweneco, wukuwawulaga i wanhu wono wasina masutya wukuwewonela i wanhu wako ko wukali. Vyo nghutya ane no Muwaha Mulungu.

Yelemiya 38:22

Na mu wugubulilwe wuwo, ane niwawona wacekulu wanji wono walekwa mwi'kulu lya mu yisi ya Yuda, wakutegulwa kuli wetumami wo mutemi wa Babiloni. Alu wuhulicize nghulonjele zono wali kulonga lono wali mu nzila, wali kutya nhavi, ‘I wendece muno wo mutemi, alu wamukonga, nawo kanyhi wamusuma. Ne migulu yakwe luno yakopela mu nhope, ne wendece wakwe wakondya kumuleka.’ ”

Yelemiya 42:1

Baho i walongola wose we wasilikale, hamonga na Yohanani u mwana wa Kaleya, na Yezaniya u mwana wa Hoshaya, hamonga ne wanhu wose wawaha ne wadodo, wakanyiziza,

Mika 2:4

Ne vilo vivyo, kolo vikuza, wanhu wolosimulila ze mikalile yenyu yo wugaye, ciwe colecezo, nawo wawe kwimba no lwimbo aluno lwe cililo, lono lukulajila zono zamutujenyi, wawe kutya, ‘Cakondya kuhodanjilwa lukulu! Muwaha Mulungu yakondya kuyisola yisi yetu, no kuwapela wono wacinozize mateka.’ ”

Habakuki 1:6

Nane nghuwanoza Wababiloni wawe ne vilungo kanyhi wakali, kanyhi wali nghakamo. Nawo wokola haciligati ye yinze, no kutema zi'si zi'si.

Yelemiya 14:14

U Muwaha Mulungu nayo yakapitula yakatya, “I wawizi walonjelaga mwi'tagwa lyangu, zinghani zo wulambi. Ninga 'ne hamba si niwatumile yaye, hamba kuwalajiliza nghani yinji yaye, hamba kuwalonjela nghani monga du. Holeka wene wakulonga zo wugubulilwe wono si wulawile kuli'ne yaye. Ku soko yiyo, u wuwile wawo, mbeka wusina cambuzi hamba cidodo bwete, hambi gago nha mahweso gawo du, gono wehwesize weneco.