Yelemiya 7:6 - Luganuzi Luswanu Kuli Wanhu Wose 2002

⁶ Mulece kuwewonela wajenzi, hamba i wana wono wasina walezi wawo, hamba i wacekulu wafwile. Mulece kuwawulaga i wanhu wono wasina masutya mono yisi yiyi. Mulece kuyihemba milungu yinji, hambi zizo nha zo mongomezenyi bwete.

Yelemiya 7:6 Referans Kwoze

Yelemiya 13:10

Hambi i wanhu wawa, nha wakulema kuzihulika zinghani zangu. Weza wanhu wabi ku wulawa na katali, wakuhemba no kuyitumamila i milungu yinji. Holeka nawo wokwihwana ne kaputula yiyino, yono yeza yisina kanyhi cambuzi co cose.

Wukumbucize wo Wulajilize 8:19

Holeka mulecele lukulu kumusemwa Muwaha Mulungu, u Mulungu wenyu, hamba kuyityatya milungu yinji no kuyihemba no kuyitumamila. Na hono mwijelele munoze nhavivyo, nghumusugulenyi izuwali vyono mbeka wose mokongomezwa.

Wukumbucize wo Wulajilize 11:28

Ninga hono mulece kugebata malajilizo gaga, kanyhi muwuye ne nyuma muwe kuyihemba milungu yo wulambi, yono si mwayihembaga katali, ale mumanye, vyono molijitwa.

Yelemiya 2:34

Sunga ne vivwalo vyenyu vikwilile sakami ye waciwa, wono wasina masutya, hamba si sakami ye wahizi yaye, i wabena zikaya za wanhu. ‘Ninga hamonga na zizi,’

Yakobo 1:27

Hambi dini yono yelile, na yono yisina manamha manamha ha mwande yo Mulungu u Sogo yo munhu, nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Yelemiya 19:4

Nane nozituma zizi, vyono i wanhu wangu wakondya kundeka, no kuhavufya i hanhu baha, so wulavya makumbiko kuli milungu yinji, i milungu yono weneco, hamba i walezi wawo, hamba i watemi wa Yuda, wali si wayimanyile yaye. Nawo wakondya kuhamemya hanhu bahano, ne sakami ye wanhu wono wasina masutya.

Isaya 59:7

Kanyhi anye mwikalaga mukwihwesa zimbi du nhondo zose, no kuhidimbala kuzituma. Hamba si mogopaga yaye ku wuwulaga i wanhu wono wasina masutya. Na hanhu ho hose hono mukubita, mulekaga matongo du no wuhodanjice wuwaha,

Wukumbucize wo Wulajilize 27:19

“Malijito go Mulungu, geze muli munhu wo wose mono yakuyiweyanga ling'ani ye wajenzi, hamba ye wana wono wasina walezi, hamba ye wacekulu wafwile. “Nawo wanhu wapitule wose hamonga watye, ‘Heya.’

Wukumbucize wo Wulajilize 24:17

Mulece kuhodanga ling'ani ye wajenzi, hamba ye wana wono wasina walezi, hamba mulece kusola myenda ye wacekulu wafwile, yiwe nha cipingo so wukope wono yakopile.

Matayo 27:25

Nawo iwanhu wose wakatya, “Isakami yakwe yiweze muli sese, hamonga ne wana wetu!”

Matayo 27:4

Yakawa kuwalonjela yakutya, “Nye, ane sutya, vyono nimulavizye u munhu mono yasina yisutya, ho yawulagwe.” Ninga iwene wakamutya, “Ale ko kwako, alu ase cina nghanici?”

Ezekiyeli 18:6

Mono si kahembaga vihwani vye Waisilayeli, hamba kulya vye makumbiko malavye mu hanhu hono halemezwe, mu wuhembelo we wanhu wono si wamumanyile Mulungu. Kanyhi yawe yakali namulonza mucekulu wa munhu yunji, hamba kugona no mucekulu wa munhu yunji, lono yali mu vilo vywakwe vyo mwezi.

I Cililo 4:13

Heya, zizi zejela, ku soko wawizi wawo wetuma wubi, ne wakohani nawo wakasutya, no kwambuza lifwa, kuli wanhu wono wasina masutya.

Yelemiya 26:23

Nawo wakabita, wakamuleta Uliya kuli mutemi Yehoyakimu, nayo mutemi Yehoyakimu yakawa kumuwulaga, yakawa kuwuzika muwili wakwe mu vitenjelo vye wanhu wose.)

Yelemiya 26:15

Ninga hamba nhavivyo mweze mumanyiye lukulu, nha vyono, hono mumbulaje, nyenye hamonga ne wanhu wose wa mwi'kaya lili, mowa mwenjila mu masutya so kumuwulaga munhu, mono yasina lisutya lyo lyose. Hambi 'ne nha Muwaha Mulungu du mweneco, yo yanhumile nize nimusugulenyi muli zizi.”

Yelemiya 7:5

“Ninga langa muyipitule nzila yenyu ye mikalile yono mwikalilaga, mulecele lukulu kwituma i zimbi zono mwitumaga. Muwe kwitendela ze ling'ani munhu na muyagwe.

Yelemiya 2:30

Nghamulipicizenyi, ninga wulipicize wangu wono nghamulipicizenyi, hamba si wakwila cinji yaye, nanye hamba si mwenda ho nimugomolenyi. Mukawawulaga i wawizi wenyu, mukehwana nhe simba yono yisagahaye muno.

Zabuli 106:38

Wakawawulaga wana wono wasina, hamba masutya bwete, no kuwalavya makumbiko kuli vihwani vya Kanani, sunga ne yisi yikatipizwa so wuwulaji wuwo.

2 Watemi 24:4

Na ko muno, ku soko vyono yawawulaga i wanhu wono wasina masutya. Nayo Muwaha Mulungu hamba si yamunenela Manase mu nghani yiyi.

2 Watemi 21:6

Yakamulavya mwanagwe, yawe cilavywa cinyanywe. Yakatowa cisangu, yakawa kunoza wuganga, yakawa mwilagulizi kuli we mawizi ge macisi ne wahawi. Yaketuma nyinji zimbi hali Muwaha Mulungu, yakamukoza likuwo yiwaha Muwaha Mulungu.

Walawi 25:17

Holeka mulece kwikopa nyenye wose. Langa mweze muli cihuliko kuli Muwaha u Mulungu wenyu.”

Yelemiya 5:28

Nalu lanjeta, vyono wajinile, wakung'alala nhavivi ku soko wasina wiyimile mu wituma zimbi. Kanyhi hamba si wakusuma no kuwanozeza ling'ani i wana wono wasina walezi wawo, hamba kulajila ling'ani yaye, kuli wono wakwiwonelwa.

Yelemiya 7:9

Mukuhiza, mukuwulaga, mukusenyha, mukwilahiza ko wulambi, kanyhi mukumulavizya Baali makumbiko, no kuyihemba i milungu yono si mwali muyimanyile hamba hadodo.

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Ezekiyeli 22:7

Kanyhi mwi'kaya, musina mwana hamba yumonga mono yawahulice walezi wakwe. Mukuwakoca-koca i wajenzi, no kwitujila cambuzi kuli wacekulu wafwile, na ku wana wono wasina walezi.

Walawi 19:33

“Mulece kuwegalila i wajenzi wono mwikalane nawo mu yisi yenyu.

Zimbazi 23:10

Wulece kuwusa citanjilo co mupaka we katali wo mugunda, hamba kusola migunda ye wana wono wasina walezi.