Yelemiya 7:5 - Luganuzi Luswanu Kuli Wanhu Wose 2002

⁵ “Ninga langa muyipitule nzila yenyu ye mikalile yono mwikalilaga, mulecele lukulu kwituma i zimbi zono mwitumaga. Muwe kwitendela ze ling'ani munhu na muyagwe.

Yelemiya 7:5 Referans Kwoze

Yelemiya 22:3

“Ane no Muwaha Mulungu, nghumulajilizenyi nha vyono munojeye mweze kwituma ze ling'ani na zo mugoloka. Mweze kumutaziza u munhu wo wose mono yakukongwa-kongwa no kwiwonelwa no munhu yunji. Kanyhi mulecele lukulu kuwewonela, hamba kuwatendela vibi i wajenzi, hamba i wana wono wasina walezi, hamba i wacekulu wafwile. Hamba mulece kuwawulajila i hanhu hono helile, i wanhu wono wasina masutya.

Yelemiya 7:3

U Muwaha Mulungu we mihanga u Mulungu wa Isilayeli, yakutya nhavi. Muzipitule zinzila ze mikalile yenyu, hamonga ne makani mabi gono mwitumaga, holeka nayo komulecenyi mwikale hanhu baha.

Isaya 1:19

Na hono muhulice 'ne, nanye molya vinhu viswanu vyono vikulawa mu'si.

Ezekiyeli 18:17

Kanyhi mwene yawe si yendile kwituma zimbi, hamba kuwakopesha wanhu no kusaka ngomola. Na kanyhi mwene yawe yawibate wulajilize wangu, no kugakamisa malajilizo gangu. Ale, u munhu we liwala lilyo, si kofwa yaye, ku soko yo wubi wo sogwe, langa mwene kowumipa du.

Ezekiyeli 18:8

Kanyhi yawe munhu mono kakopeshaga, ninga si kadayaga ngomola. Mono si yendile kwituma zimbi, langa kanozaga wuling'anizi we ling'ani muli munhu no muyagwe.

Isaya 16:3

Nawo wakuwalonjela wanhu wa Yuda wakutya, “Ale mucilonjele zono citume. Mucicitile nho mubici wono wukung'unhice mahamha gayo mu misi mugati, mucilece cicehe mu mubeho wenyu. Hambi ase nha cili wahamizi, holeka muciwice i hanhu hono munhu yunji si kosuma kuciwona.

Walamuzi 21:12

Nawo wasilikale wawo wali weza kufika kuko ku Yabeshi ya Gileyadi wakawagana wana we cicekulu wono wakali namanya walume, wali waficile magana mane, hodu wakawa kuwasola no kuwategula ku nghambi ya ku Shilo, yono yali yili mu yisi ya Kanani.

Walamuzi 5:1

Mwi'zuwa lilyo Debola na Balaka u mwana wa Abinowamu, wakalwimba lwimbo aluno wakutya,

Walawi 25:17

Holeka mulece kwikopa nyenye wose. Langa mweze muli cihuliko kuli Muwaha u Mulungu wenyu.”

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Yelemiya 22:15

Alu mwene gwee! Kolo wazenga kaya swanu ko mubici wo muhagata, alo kaya yiyo yo yokunoza wuwe mutemi muswanu lo? Mono kowa wuli muswanu, wucizize sunga ne watemi wanji lo? Ninga wumanye nha vyono, u sogo yekala mu mikalile yo wumoti, Nayo yali yali ling'ani, na we mbeka vilo vyose. Na ku soko yiyo, yakamoteswa mu milimo yakwe yose.

Yelemiya 26:13

Holeka anye munojeye du, mukawanize i mikalile yenyu mibi yono mwikalilaga, hamonga ne zinghani zenyu zimbi zono mwitumaga, kanyhi munojeye mumuhulice u Muwaha Mulungu u Mulungu wenyu. Nanye hono mwitume nhavivyo, nayo kowupitula wuhile wakwe wo kumongomezenyi, nha vyono yali yakondya kwihwesa.

Zakaliya 7:7

Zizi zo yalonda Muwaha Mulungu, mu milomo ye wawizi walongozi mu vipango vyono na Yelusalemi, likaya lyono lyelile, lyali likali lina no lukumyo, kanyhi limemile ne wanhu. Na lono wanhu wali wenji, wono wekalaga mu makaya, gono gali galipilime likaya, sunga na mu zi'si za kutakama, na mu mwalambalo wa mu matunda ga ku lubavu lwa ku mwezi.

Ezekiyeli 18:5

“Na lunji yisolaga, hawa ho yuli munhu muswanu kanyhi yali ling'ani, na kanyhi wanhu wono si wamumanyile Mulungu.