Yelemiya 7:4 - Luganuzi Luswanu Kuli Wanhu Wose 2002

⁴ Mulecele lukulu kwitumbila zinghani zizo zo wulambi, zo wutya ‘Ase cipolile, hambi ayi nha yo Nyumba yo Mulungu! Nha yo Nyumba yo Mulungu! Nha yo Nyumba yo Mulungu!’

Yelemiya 7:4 Referans Kwoze

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Zefaniya 3:11

Na mwi'pango lilyo, anye nyo wanhu wangu, molowa musina soko yo kuwona cevu, vyono mwali mwambedegala. Hambi 'ne nha nowawusa i wewoni wose, hamonga ne wevuni wose. Nanye lulo, si molombedegalila lukulu kanyhi mwi'tunda lyangu lyono lyelile.

Ezekiyeli 13:19

Kanyhi mwakondya kumbedegala'ne hamwande ye wanhu wangu ku so wubocela shayili ndodo du yono yimemile mu maganza, hamonga ne vibegulwa vicefu vye mikate. Mukuwawulaga wanhu wangu wono si wanojeye kufwa. Mukuwaleka womi wono si wanojeye walekwe wekale womi. Na ku soko yiyo, mukuwakonga-konga i wanhu wangu, nawo wakumwitumbilenyi.”

Yelemiya 29:31

vyono niwamanyize nghani yiyi ya Shemaya, wanhu wose i wafungwa, wono wali ku Babiloni, niwalonjele nitye nhavi, “U Muwaha Mulungu yakutya vyono,

Luka 3:8

Holeka mulajile mu metumo genyu nha vyono mwakondya kunena.” Hamba mulece kwamula kutya mu wiganicize wenyu, “Ase Abulahamu yo sogo yetu.” Ane nghumulonjelenyi mbeka, vyono Mulungu yadahile kugapitula i mabwe gaga gawe wana wa Abulahamu.

Yelemiya 28:15

Namulonjela Hananiya zizi, ninga kanyhi nghonjeleza nghamutya, “Alu Hananiya! Wuhulicize ta! U Muwaha Mulungu hamba si yakutumile yaye, langa agwe wukuwanoza i wanhu wawa wawihuwile u wulambi wako.

Yelemiya 6:14

Na kanyhi wakuziwona zinghomele ze wanhu wangu, kotya nha wikubule-kubule du wudodo. Hanyuma wawa kutya, ‘Aa! Zose swanu du.’ Na kumbe, hasina swanu hamba monga.

Yelemiya 29:23

Na zizi zo zowagana na weneco, hambi nha wetuma wubi muno mu Isilayeli. Kanyhi wakasenyha ne wacekulu we wandugu zawo no kulonga zo wulambi, wakwitumamila litagwa lyangu. Ne zinghani zizi zikawa yiwifyo kuli Muwaha Mulungu. Nayo yazimanyile zose zono wakwituma, kanyhi mwene yo muhomelezi muli wene. Vyo yakutya, u Muwaha Mulungu.”

1 Watemi 9:7

ale, nane nowahamya wanhu wa Isilayeli niwawuse mu yisi yono nawapela. Noyileka sunga ne Nyumba yangu yiyi yono nakondya kuyisiwanula hawe hanhu hangu ho kuhembelwa. Ne wanhu wose hohose wowaseka Isilayeli no kuwatendela ko wubedegazi.

Isaya 48:2

Ninga hamba nhavivyo, mukali mukwilumba mukwiyitya nha vyono anye muli we likaya lyono lyelile, na kanyhi mumwitumbiye Mulungu wa Isilayeli, mono yakucemwa yo Muwaha Mulungu we mihanga.

Isaya 59:4

Mwendile muno kubita mu mahakama, ninga kuno ho musina ling'ani yo yose ku lubavu lwenyu. Hambi anye nha mwitumbilaga wulambi wenyu du, ho musume calo cenyu. Mwikalaga mwina mahweso go wutamisa wayenyu du.

Isaya 66:1

Muwaha Mulungu yakutya nhavi, “U wulanga lye 'goda lyangu, nayo yisi, wo wukanyago we magulu gangu. Alo ho monzenjela kaya yono yinha wule, yono ane nosuma kwikala, hamba hayi hene hono ane nosuma kwinjila nikale mumo?

Yelemiya 7:14

Hamba nhavivyo, zono netuma ku Shilo, zo noyitendela ne Nyumba yangu yiyi, yono anye muyitumbiye. Nane nohatendela i hanhu baha hono nawapela i walezi wenyu hamonga na nyenye, nha vyono nayitendela Shilo.