Yelemiya 7:12 - Luganuzi Luswanu Kuli Wanhu Wose 2002

¹² Ale, mubite ku Shilo, i hanhu halongozi, hono nahahagula, ho hawe i hanhu ho wuhembelo. Muwone na zono nayinozeza ku soko yo wubi we wanhu wangu Waisilayeli.

Yelemiya 7:12 Referans Kwoze

Yelemiya 26:6

Ninga luno mwilanjililaje muno muno, vyono hono mujendelele du kuwa musina cihuliko, nane noyinozeza i Nyumba yangu yiyi, nha vyono nayinozeza Shilo. Ne makungugo gose ge yinze, wolitumamila litagwa lye likaya lili nhe 'lijito.”

Yoshuwa 18:1

Lono mhuga yose ya Isilayeli, waza kuwa wakondya kuyisuma yisi. Waketang'anila ha Shilo, wakalikoma baho Lihema lyono Lyelile.

1 Samwili 4:22

Yakatya, “Lukumyo lwawawucila Waisilayeli. Hambi Lisanduku lye Cilagane lyo Muwaha Mulungu nha lyasolwa.”

Walamuzi 18:31

Ne cihwani cico ca Mika, cikajendelela kwikala baho mapango gose, lono lihema lyono wamuhembelaga Mulungu lyekalaga ku Shilo.

1 Samwili 1:3

Elikana yalawaga ku Lama yakubita ku Shilo kamonga kwa mwaka, ho yakahembe, no kumulavizya Muwaha Mulungu Mudaha vyose, makumbiko kuko ku Shilo. Ne wana wejete wa Eli, Hofuni na Finehasi, i wakohani wo Muwaha Mulungu wo wali wali kuko.

Wukumbucize wo Wulajilize 12:11

Nayo Muwaha Mulungu, kokwihagulila mweneco, i hanhu hono mosuma kumuhembela. Na kanyhi hanhu baho, ho mowa kumulavizya vilavywa vyenyu vyose, nha vyono nghamulajilizenyi. I vilavywa vyenyu vinyanywe, ne makumbiko ganji ganji, ne zaka zenyu, hamonga ne vilavywa vinulwe vyono nyenye nyo weneco mwehuwiza nha vyono momulavizya Muwaha Mulungu.

Wukumbucize wo Wulajilize 12:5

Ninga Muwaha Mulungu, kohagula hanhu hamonga du mu yisi yose, i hanhu hono i wanhu wose we milango yenyu yose, mowa kumubitila no kumuhemba.

Yoshuwa 18:10

Yoshuwa yakagatowela kula hali Muwaha Mulungu i magawo gago. Hanyuma yakawa kuwawagulila we milango yose ye Waisilayeli yono yali yisigaye, mulango ne 'gawo lyawo lye yisi.

Yelemiya 7:14

Hamba nhavivyo, zono netuma ku Shilo, zo noyitendela ne Nyumba yangu yiyi, yono anye muyitumbiye. Nane nohatendela i hanhu baha hono nawapela i walezi wenyu hamonga na nyenye, nha vyono nayitendela Shilo.

1 Watemi 9:7

ale, nane nowahamya wanhu wa Isilayeli niwawuse mu yisi yono nawapela. Noyileka sunga ne Nyumba yangu yiyi yono nakondya kuyisiwanula hawe hanhu hangu ho kuhembelwa. Ne wanhu wose hohose wowaseka Isilayeli no kuwatendela ko wubedegazi.