Yelemiya 7:10 - Luganuzi Luswanu Kuli Wanhu Wose 2002

¹⁰ Mukwituma zinghani zono si nizendile hamba hadodo. Hanyuma kanyhi ti, ho muwa kuza kwima hali 'ne, mugati ye Nyumba yangu, no kutya, ‘Ase cipolile!’

Yelemiya 7:10 Referans Kwoze

Yelemiya 32:34

Ninga wene, ho wakacila kuwika vihwani vyawo vye cevu mu Nyumba yangu, yono yazengwa ku soko yo wuhembi wangu du. Na mu nzila yiyo, wakondya kuyavufya.

Ezekiyeli 23:39

Na mwi'zuwa li lilya du lyono wawawulajila i wanangu, no kuwalavya makumbiko kuli vihwani, lyo lizuwa lilyo kanyhi, lyo wenjilila na mu Nyumba yangu no kuyavufya!

Ezekiyeli 23:37

Hambi nha wali kwituma makani go wusenyha, ne makani go wuwulaji. Wali kusenyha ne vihwani, no kuwawulaga i wana wawo weneco wono wandelela'ne. Wali kuwalavya makumbiko i wanangu kuli vihwani vyawo.

Yelemiya 34:15

Nanye mu vilo vicefu vyono vipulute, mwali mwakondya kupituka mu wuhile wenyu no kwituma zono zikunyendeza 'ne. Nanye wose mukelumbaniza nha vyono mowaleka wawe welecele, i wandugu zenyu Waisilayeli. Nanye mwacinozeza cilagane cici hali 'ne, mu Nyumba yangu yono nghuwa kuhembelwa.

Yelemiya 7:30

“Nawo i wanhu wa Yuda, mbeka wetuma nghani 'mbi muno muno. Wene wawika i vihwani vyawo viseswe mu Nyumba yangu, wakayavufya.

Yelemiya 7:14

Hamba nhavivyo, zono netuma ku Shilo, zo noyitendela ne Nyumba yangu yiyi, yono anye muyitumbiye. Nane nohatendela i hanhu baha hono nawapela i walezi wenyu hamonga na nyenye, nha vyono nayitendela Shilo.

Yelemiya 7:11

Anye lu, mukwihwesa nha vyono Nyumba yangu, heza hanhu ho wihundiko we wahizi lo? Ninga nane nakondya kuziwona zose zono mukuzituma.

Yohana 18:28

Ale, waza kwela hakali mitondo muno muno, wakamusola Yesu kulawa kwa Kayafa, wakamutegula kwi'kulu. Ninga wene i walongola we Wayahudi, vyono wahilaga kuyilya Pasaka, si wenjila mwi'kulu mugati, ho walece kwavufywa.

Yohana 13:18

“Zizi si nghumulonjelenyi wose. Niwamanyile wono nawahagula. Ninga yinojeye i Mandiko Gono Gelile gafisilizwe gono gakutya, ‘Yuyulya mono cikuhanga nayo zindigwa zangu, kapituka no kungaluka.’

Matayo 23:13

“Woyi he kuli'nye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Ezekiyeli 23:29

Nawo vyono wakusulile, holeka wovisola vinhu vyako vyose, vyono wavisawila mu vilungo vyako, wolokuvula myenda yako, wakulece wuli cipwi, ne zinghani zako zo wumalaya wako, nazo zolokwijela calinze. Alu u wusulumizi wako hamonga no wusenyha wako,

Ezekiyeli 20:39

Alu Muwaha Mulungu yakutya, “Nye nyo Waisilayeli, alu munoze nha vyono nyenye weneco mukuwona vyowa viswanu. Mosuma kubita mukavitumamile vihwani vyenyu hono mwende. Ninga nghumusugulenyi nha vyono, zizo zilaza kuwa zapuluta, baho langa ho molowa munojeye muhulice 'ne, no kuleka kulyavufya litagwa lyangu lyono lyelile, so wulavizya vilavywa i vihwani vyenyu.

Isaya 48:2

Ninga hamba nhavivyo, mukali mukwilumba mukwiyitya nha vyono anye muli we likaya lyono lyelile, na kanyhi mumwitumbiye Mulungu wa Isilayeli, mono yakucemwa yo Muwaha Mulungu we mihanga.

2 Zinghomo 33:7

Yakawika cihwani mugati ye Nyumba yo Mulungu, i hanhu hono Muwaha Mulungu yamulonjela Dawudi, hamonga na Solomona u mwanagwe, yakawatya, “Bahano hono Yelusalemi, mu Nyumba yangu yiyi, ho hanhu hono nakondya kuhahagula ku soko ye yisi yose ye milango yose, yikumi na myejete ya Isilayeli, hawe ho hanhu hono nene no mweneco du nowa kuhembelwa.

2 Zinghomo 33:4

Kanyhi yakazenga vikumbicilo vyo wuhembi we milungu yinji, mugati ye Nyumba yo Mulungu, i hanhu hono Muwaha Mulungu yatya, hawe ho hanhu hono mweneco kowa kuhembelwa cibitilila.

2 Watemi 21:4

Manase yakazenga vikumbicilo vya we makungugo sunga na mu Nyumba yo Mulungu, mu Nyumba yono Muwaha Mulungu yalonga yakatya vyono, yo Nyumba yono yinojeye mweneco du yawe kuhembelwa mumo.

Ezekiyeli 33:31

Nawo baho wawa kwikonghola wenji du ha mwande yako ho wahulice zono kolonga, ninga hamba si wakwituma zono wukuwalonjela wetume. Wakulonga zinghani mu milomo yawo du, ninga vyo wajendeleye du no wituma zimbi.

Zimbazi 15:8

Nayo Muwaha Mulungu, kendezwaga no wulombe we wanhu we ling'ani. Ninga yagasulile makumbiko gono wamulavizyaga i wanhu wabi.

Yelemiya 44:9

Hamba mwasemwa lo i zimbi zono zetumwa ne walezi wenyu, ne watemi, mu makaya ga mu yisi ya Yuda, na mu zinzila za mu Yelusalemi, ne walezi wenyu, ne watemi wa Yuda hamonga ne wagolece zawo, hamonga na nyenye ne wagolece zenyu lo?

Ezekiyeli 33:25

“Ninga lu agwe wuwalonjele wutye, Anye nyo Isilayeli, mulizaga nyama hamonga ne sakami yayo. Kanyhi muhembaga vihwani. Kanyhi muli wawulaji wa wanhu. Alu nghanici, yono yoleka sunga mwihwese nha vyono, yisi yiyi yenyu nyenye?

Danyeli 9:18

Holeka nghukunena wucihulicize 'gwe go Mulungu, wucilanje, wuwuwone no wugaye wetu vyono cikugaya, ne magazo ge likaya lyono walicemela litagwa lyako. Nase cikukulomba, hambi nha cimanyile vyono agwe wuli lusungu, si cikukulomba vyono ase cituma ze ling'ani yaye.

Hoseya 6:9

Ne wakohani wenha litewa lye wahizi wono watejeye munhu wamwibate. Wakwituma zo wuwulaji, sunga ko ku hanhu hono helile ku Shekemu. Kanyhi wakwituma wubi wuwo ne nyono du.

Amosi 4:5

Mujendelele no kulavya mikate yenyu yo wulumbize kuli Mulungu, no kwilumbila mu vilavya vyono vizize ko winji vyono mukuleta! Ayi yo nghani yono anye mwendile kwituma.

Zefaniya 1:5

Kanyhi nomuwusiza lukulu munhu wo wose, mono kabitaga mwi'tembe mucanyha, kawa kuvihemba lizuwa no mwezi sunga ne zinyelezi. Kanyhi nowawusiza lukulu wose wono wahembaga nene, no kwilahiza vyono wena cihuliko kuli'ne, na kuno kanyhi, ho wakwilahiza kuli mulungu Moleki.

Malaki 3:15

Ninga nha vyono ase cikuwona, i wanhu wevuni wo wawo wono wekalaga wena nyemo. Ninga i wanhu wabi, si vyono wakumota du, langa kanyhi wakuwa kumujela Mulungu wukangalizi wakwe mu metumo gawo mabi, nawo wakupona.’ ”

1 Watemi 9:3

Muwaha Mulungu yakamulonjela yakatya, “Nakondya kuwuhulika wulombe wako, kanyhi nakondya kuyisiwanula Nyumba yangu yiyi yono wanzenjela, yiwe ho hanhu hono nowa kuhembelwa cibitila. Nane noyilanjilila no kuyidima vilo vyose.

Ezekiyeli 5:11

“Holeka ane vyono nili Mulungu mumi, azi zo nghani zo nghutya. Hambi 'nye nha mwayavufya Nyumba yangu ku soko ye zimbi zenyu, hamonga ne zinghani ze cevu zono mukwituma. Holeka nane nomulecenyi hamba si nomuwonelenyi lusungu yaye.