Yelemiya 5:6 - Luganuzi Luswanu Kuli Wanhu Wose 2002

⁶ Na yiyi yo soko yono yoleka simba zilawe mu mbago zize ziwawulaje, nago maminzi gololawa mu nyika gaze gawahawanje no kuwalubutula mhonje mhonje. Nago masuwi golokwiwendya-wendya mu zikaya zawo. Nawo wanhu hono waze walawile kudeha, gaze gawahawanje nhugu nhugu, hambi u wubi wawo nha winji muno. Nawo wakacila kumuleka Mulungu yizuwa ne'zuwa.

Yelemiya 5:6 Referans Kwoze

Zefaniya 3:3

Ne wawaha wayo wabuguci, wehwanile zisimba zono zikukoloma, ne Wahakimu wayo, nawo wehwanile maminzi ge camihe gono gadabuce, gono si gasigazaga hamba cinji, lono wela hakali mitondo.

Habakuki 1:8

“Ne zifwalasi zawo zowa zikumangha mbela mbela zicizize masuwi, kanyhi nghali, zicizize ne maminzi gono gadabuce. Ne wajendela zifwalasi wawo, wokuza wakuzimasha ku wulawa ma'si go kutali, fwalasi zawo zikwipalila hasi. Zikukola musunho muno muno kotya numba vyono yibataga mapelembo gayo.

Yelemiya 4:7

Hambi mono yapejigwe u mulimo wuwo wo kongomeza, nha yakondya kuwikanizwa, nayo yehwanile simba yono yikuza yikulawilila ha wihundiko wayo. Yakuza yayongomeze Yuda. Ne makaya gose ga Yuda gololekwa matongo, hasina hamba munhu monga mono kolokwikala mumo.

Ezekiyeli 22:27

Nawo i wetumami we selekali, wehwanile maminzi, gono gahawangaga zinimu zono gakondya kuziwulaga. Wakuwulaga wanhu, wene ho wagolipe.

Wugubule 13:2

Ne lilimu lilyo lyono nawona, lyali lihwanile nha suwi, ne migulu yalyo yikawa yihwanile nhe migulu ye dubu, no mulomo wukawa nha we simba. I lizoka li lilya, likalipela lilyo lilimu vilungo vyalyo, ne ligoda lyalyo lyo wutemi, hamonga no wuwaha winji.

Hoseya 5:14

Nane nowahungucila wanhu wa Isilayeli na Yuda kotya simba. Nowahawanga no kuwaleka baho. Na lono nowa nakondya kuwasola, hasina munhu yunji kanyhi mono kusuma kuwaponya.

Danyeli 7:6

Na lono nali nghali nanjile, hobaho nghawona kanyhi lilimu linji. Ne lilimu lilyo nalyo lyali lihwanile suwi, ninga lyene lyali lina mabawa mane mu mugongo walyo, genha mabawa ga ndeje, lina mitwe mine, likapegwa wulajilize.

Danyeli 7:4

Lilongozi lyali linha simba, ninga lyali lina mabawa genha ga numba. Nane lono nalangaga, mabawa galyo, gakapunyulwa mazoya gayo. Lilimu lilyo likasimywa, likema kwe migulu yalyo myejete nha munhu. Likapegwa mutima nha wa munhu.

Ezekiyeli 23:19

Nayo yakacila muno konjeza zo wusenyha wakwe, yakakumbucila vilo vyo wuhinza wakwe, lono yetumaga metumo go wumalaya mu yisi ya Misili.

Ezekiyeli 16:25

Wakondya lu kuwutipiza wuswanu wako mu madabaga. Ku soko yo kwilavya gwegwe mweneco kuli munhu wo wose mono yakukola baho, no wusenyha wako wukawa wucizize nhondo zose.

I Cililo 1:5

Ne walugu wa Yelusalemi wakondya kuyisuma no kuyibata mu vilungo vyawo. Nayo Muwaha Mulungu yayileka yinjile mu magazo, ku soko yo wubi wayo winji. Ne wanagwe nawo, wakondya kusolwa no kutegulwa kutali.

Yelemiya 49:19

Nane nolokuza niwanoze Waedomu wayitize nhinicizo yisi yawo, nha vyono simba yiswelepukaga nhinicizo, yikulawa mu mibici yono yititile muno, ya mu mwalambalo we likolongo lya Yoludani, mu wudimilo wono si wunyalaga. No mulongola mono nomuhagula nene, yuyo yo kololitema likungugo. Hambi nani lo mono yenha nene? Hamba nani lo mono konhemezezya madaha? Hamba mutemici mono kokwisumaniza nane?

Yelemiya 30:24

Nalyo likuwo lilyo likali lyo Muwaha Mulungu, hamba si lyolowuka mbela yaye, sunga langa kolo lyakondya kwituma zose no kufisiliza wuhile wakwe. Ne wanhu wakwe, wolozitanga zizi, mu vilo vye ndumo.

Yelemiya 30:14

Ne wendece wenyu wose, wakondya kumusemwenyi, hamba si womululenyi kanyhi yaye. Nane nghamuhomenyi nha muli walugu, no wulipicizwe wukawa wukali muno, ku soko yo wubi wenyu vyono winji muno, hambi i metumo genyu mabi, nha gali gonjelezeka muno.

Yelemiya 25:38

U Muwaha Mulungu, yawaleka i wanhu wakwe, nha vyono simba yiyilekaga mhango yayo. Ne yisi yawo yakondya kuwa nyika ku soko ya wogofywe wuwaha wo wulugu, hamonga no wukali we likuwo lyo Muwaha Mulungu.

Yelemiya 14:7

Nawo i wanhu wangu, wakundilila wakutya, ‘Hamba wuwe u wubi wetu wukucihomelela, ninga 'gwe go Muwaha Mulungu wucitazaje du, nha vyono gwegwe wehuwiza. Na mbeka, ase cikulecile kali kenji du, na kanyhi cituma wubi hali'gwe.

Yelemiya 2:19

Ninga u wubi wako, wo wokulipiciza, no wibavye wako, nawo wo wokuling'aniza 'gwe. Nagwe baho ho kokwifundila u wubi we nghani yiyi, hamonga no wusungu wo kundeka 'ne, ane no Muwaha Mulungu, u Mulungu wako, no wuwe wako wo kuwa wusina cihuliko ca kuli'ne kanyhi. Vyo nghutya, ane no Muwaha Mulungu we mihanga.”

Yelemiya 2:17

Gwe Isilayeli, alu zizi, nha kwiletela gwegwe go mweneco! Hambi nha kundeka 'ne no Muwaha Mulungu, u Mulungu wako, mono nakulongoza agwe mu nzila.

Yelemiya 2:15

Alu lanje, wakumukolomela wenha simba. Ne yisi yakwe, wayinoza yawa nyika, ne vikaya vyayo, vyaweza matongo du, gono gagwiye hasi no kulekwa.

Isaya 59:12

“Gwe go Muwaha Mulungu, masutya getu gono cikusutizye nha menji muno. No wubi wetu wukucihomelela. Nase cigamanyile masutya getu gose.

Zabuli 104:20

Agwe kuletaga citi, ne cilo ciwa kuza, ne zinyana ze zisimba nazo zikolomaga, zituje mapelembo gazo.

Ezila 10:10

Yakenuka Ezila u mukohani, yakawalonjela yakatya, “Anye wose mwaweza si muli wehuwilwa kuli Mulungu. Sunga nalu mwakondya kuleta cevu mu Isilayeli so kuwatola wacekulu we zinghungugo zinji wono si Wayahudi.

Ezila 9:6

Nghawa kumulomba nghutya, “Gwe Muwaha Mulungu, ane nghwiwonela cevu muno hamba kukwinulila ne meso gangu. Hambi wubi wetu nha wacila muno. Nawo wonjelecela sunga ko ku wulanga.

Wuwale 32:14

Alu nanye mwazihalila ze walezi wenyu, anye nyo lulelo lupya, lulelo lwe wanhu wabi, mwewikaniza nanye mulilete kanyhi likuwo liwaha lyo Muwaha Mulungu kuli Waisilayeli.

Zabuli 80:13

sunga ne zingubi za mu mbago, nazo zawa kuwuhodanga, ne vilimu vya mu mbago navyo, vyeza kuwulya.

Yelemiya 8:5

Ninga anye 'lu, nhawule vyo mukali du muvidindimiye i vihwani vyenyu viseswe, hamba si mukusaka kumbuyila ng'o.

Yelemiya 30:15

Holeka mulece kung'ung'ulika muno, ku soko yo wutamiswe wenyu, hambi nha si moponywa yaye. Nane nghamulipicizenyi nhavivi, ku soko yo winji wo wubi wenyu, hambi i metumo genyu mabi, nha gali gonjelezeka muno.

2 Zinghomo 36:14

Hamonga na zizo, sunga ne walongola wose wa Yuda, hamonga ne wakohani wose, sunga ne wanhu wose, wakawa kuwutyatya musambo mubi we makungugo gono gali gawapilime, wakawa nawo wakuhemba vihwani. Na mu nzila yiyo, wakayavufya Nyumba yo Mulungu, yono u Muwaha Mulungu mweneco yayeza yiwe yelile.

Jobu 10:16

Na hono ninule mutwe wangu du, agwe komhelemba nha simba ho wunhamise, wukulajila metumo gako go wizine.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Yelemiya 2:31

Nye nyo wanhu wa Isilayeli, muhulicize ta zono nghulonga ye. Mwene ane, nha cinji nehwana nhe nyika hongo kuli'nye, hamba naweza nha wutitu kuli'nye, ne yisi ye zimbali? Alu nhawulenyi mukutya mokwituma nha vyono mwendile nyenye, si mowuyila lukulu kuli'ne kanyhi ng'o?

Yelemiya 8:7

Sunga ne yobwa ya mu wulanga nha yigamanyile ne madaha gayo go kuwuyila kwi nhuli lyayo, sunga ne zingungulima zose, ne zisamamba, hamonga ne zinghweli nghweli, zose zigamanyila madaha gayo go kuhamila, no kubita kwikala hanhu hanji. Ninga i wanhu wangu, woyi he! Hamba si mugamanyile ne malajilizo gono ane namulajilizenyi.