Yelemiya 5:1 - Luganuzi Luswanu Kuli Wanhu Wose 2002

¹ Nye nyo wanhu wa Yelusalemi, ale ta mumanyhe ako na ako mu zinzila zenyu! Mulanje-lanje ako na ako! Mwiwonelele nyo weneco! Mulondole mu sokoni zose! Wule, mosuma kumuwona mbeka u munhu mono yakwituma ze ling'ani mono yakuhidimbala kuwa mwihuwilwa hali Mulungu? Na hono mbeka mumuwone u munhu mono yenha nhavivyo, nayo Muwaha Mulungu koyinenela Yelusalemi.

Yelemiya 5:1 Referans Kwoze

Ezekiyeli 22:30

Nane nghalanga-langa, ho nhuje munhu muli wene mono kosuma kulizenga lijinji, na mono kosuma kwima i hanhu hono majinji gamwaguce, ho yasume kuyitaza yisi, lono nane neza kuyongomeza yisi kwe likuwo lyangu. Ninga si namutuga yaye hamba monga.

2 Zinghomo 16:9

Ninga wumanye nha vyono, Muwaha Mulungu kayilangaga yinze yose, ho yawapele vilungo wose wono wamogopile mwene. Ninga agwe kunoza wulele. Holeka ku soko yiyo agwe ku wulawa lulu, kokwikalila milewo du.”

Isaya 59:4

Mwendile muno kubita mu mahakama, ninga kuno ho musina ling'ani yo yose ku lubavu lwenyu. Hambi anye nha mwitumbilaga wulambi wenyu du, ho musume calo cenyu. Mwikalaga mwina mahweso go wutamisa wayenyu du.

Zabuli 14:3

Wose wapatuka, wose watipiye, hasina mono ketumaga ziswanu, hasina hamba monga.

Zimbazi 20:6

Ne wanhu wose, wendile kwiwona wali cihuliko, kanyhi wehuwilwa. Ninga u mwihuwilwa, yo nani mono komuwona!

Zabuli 12:1

Ale, wucitaze, 'gwe go Muwaha Mulungu! Hambi wono wakogopile gwegwe nha wamalika, i wehuwilwa wose nha wakondya kwajililila lukulu.

2 Watesalonike 2:10

nayo kokwitumamila u wulambi we mawala gose kuli awalya wono wali mu wajilile. Wawo nawo wolokwajilila ku soko vyono si wawubocela hamba si wayenda yiyilya i mbeka ho wapone.

Luka 14:21

U mwitumami yulya yakawuya yakamulonjela zizi munya kaya. Baho munya kaya yakebatwa ne likuwo, yakamutya mwitumami wakwe, “Wulawanize mbela wubite mu zinzila zimbaha ne zindodo za mwi'tumbi, wukawalete kuno waciwa, na we vilema, ne wabofu, na wono wakusenzegula.”

Zakaliya 2:4

Malayika ayulya umulongozi, yakamulonjela muyagwe yakamutya, “Wumanyhe, wukamulonjele u muzelelo ayulya mono yena mulejehe wo kupimila, vyono ku Yelusalemi kolowa ko wali wanhu wenji, hamonga ne mitugo minji. Holeka ne likaya lyowiluka liwe yiwaha sunga lifute no kuwuzenjela majinji.

Amosi 8:12

Ne wanhu wolopilima-pilima, ku wulawa kwi'lenga alino sunga ko kwilenga alino, na kanyhi, ku wulawa lubavu lwa kusumuka, sunga ko ku lubavu lwa kucilima, wolomangha no kubita ako na ako wakuyilondola nghani yo Muwaha Mulungu, ninga hamba siwalayituga ng'o.

Yoweli 2:9

Zikwinjila musunho muno mwi'kaya, zikumangha mu majinji gawo sunga na mu matembe ge zikaya, kanyhi zikwinjilila mu madilisha nha wahizi.

Danyeli 12:4

Yakanonjela kanyhi yakatya, “Danyeli 'gwe, aluno zinghani zizi zeze za cinyele kuli 'gwe, wucigubikaje citabu, wuciwicile ne citanjilo, cilece kugubulwa kanyhi, sunga ku ndumilizo ye yinze. I wanhu wenji wolowa wena lumangho ako na ako, ne mahala gokonjezeka.”

Lwimbo Luswanu muno 3:2

Nghawa kutuluka, nghabita kujendajenda mu zinzila mwi'kaya. Hodu nghawa kutya, “Alu nokwinuka mhilime mwi'kaya, nghole mu zinzila zayo zose, sunga na mu vibalangu, nimulondole mwendece wangu, muswanu wangu. Ninga nghamulondola hamba kumuwona ng'o.”

Zimbazi 23:23

Holeka wigulilaje i mbeka, ne mahala, ne mafundo, hamonga no wizuce wuswanu. Hambi vivi nha vyo vinhu vyo wuguzi wukamu. Nagwe wulece kumuguziza munhu yunji.

Zimbazi 8:3

Yakucemeleza yali ha ciligati ye likaya yakutya,

1 Watemi 19:10

Nayo Eliya yakapitula yakatya, “Gwe go Muwaha Mulungu, go Mulungu we mihanga, ane nhondo zose, nali kukwitumamila gwegwe du wuli wene. Ninga i wanhu wa Isilayeli, wakondya kucibena cilagane cako na wene. Wavibenanga vikumbicilo vyako, wawawulaga ne wawizi wako, nane nasigala nili wene du. Nawo lu, wakunondola nane wambulaje!”

Yelemiya 2:29

Alo mwina nghanici nane? Hamba nhawule mweza musina cihuliko kuli'ne?

Yelemiya 44:15

Ale, baho, i wanhu wose we cilume, wono wakamanya nha vyono, wagolece zawo wayilavizya makumbiko milungu yinji, hamonga ne wacekulu wono wali wali bahalya, hamonga ne Waisilayeli wose wono wekalaga ku lubavu lwa kutakama lwe yisi ya Misili, wawa lipuga lyose, wakanonjela wakatya,

Zabuli 14:2

U Muwaha Mulungu yakuwasunjilila wanhu, ku wulawa ku wulanga, ho yawone hono ho yuli yunji we mahala, hono ho yuli munhu mono yakumulondola Mulungu.

Zabuli 94:16

Hamba nani 'mbi mono yema, ho yanhaze kuli wetuma zimbi? Hamba nani mono yema ku lubavu lwangu, yanhaze kuli wetuma zo wubi?

Yelemiya 8:6

Ane nghuwa hulicize du, ninga hamba si mulongaga ze mbeka yaye. Kanyhi muli nyenye, hasina hamba monga mono yakulajila vyono yakunena ku soko yo wubi wakwe ng'o. Hamba hasina mono yewuza mweneco yatye, ‘Mwene wubi wangu cicici?’ Ninga wanhu wose, munhu yatyatizye na nzila yakwe du, wehwanile nhe zifwalasi zono zikumanyhila ku wulugu.

Yelemiya 9:2

Na mbeka, nali nyende nhuje hanhu ho kwikala ku nyika, hono nosuma kuwa kutali ne wanhu wangu. Hambi wene, wose nha si wehuwilwa, lipuga lye wagaluci.

Yelemiya 9:7

Ku soko ya zizo, holeka nayo u Muwaha Mulungu we mihanga yakutya nhavi, “Noweza wanhu wangu nha shaba, niwajele. Hambi i wanhu wangu nha wetuma zinghani zimbi, alu ho niwanoze nhawule?

Ezekiyeli 9:9

Ninga Mulungu yakamhitula yakatya, “I wanhu wa Isilayeli na Yuda, wetuma wubi muno. Hambi yisi yose nha yimemile wu wulaji, kanyhi wakondya kuyinjiza Yelusalemi mu wu wula cihuliko, wakondya kugabena malajilizo gangu. Kanyhi wakutya, ane no Muwaha Mulungu, nakondya kuyileka yisi yawo, na vyono ti, hamba si nghuziwona na zono wetumaga.