Yelemiya 48:1 - Luganuzi Luswanu Kuli Wanhu Wose 2002

¹ Azi zo nghani zono u Muwaha Mulungu we mihanga, yakuyilonjela yisi ya Mowabu yakutya, “Woyi hee kuli wanhu wa Nebo, likaya lyawo nha lyakondya kuhodanjika! Nayo Kiliyatayimu yatekwa, ne magomawakali gayo ge vilungo gakumulwa, ne wanhu wayo wakozwa cevu.

Yelemiya 48:1 Referans Kwoze

Wuwale 32:3

“Yisi yiyi yono Muwaha Mulungu yawatazize Waisilayeli, no kuwapela, i makaya ga Ataloti, Diboni, Yezeli, Nimulahi, Heshiboni, Eleyalehi, Sibumahi, Nebo, hamonga na Beyoni,

Yelemiya 25:21

Hamonga ne wanhu wose wa mu yisi ya Edomu, na Mowabu ne yisi ya Amoni.

Yelemiya 27:3

Hanyuma kanyhi, yakanonjela mbite nghawalonjele zono yanhumile, i watemi wa Edomu, na Mowabu, na Amoni, na Tulo, hamonga na Sidoni. Niwalonjele mu nzila ya wono watumwa, wono wazaga ku Yelusalemi kuli mutemi Zedekiya.

Yelemiya 9:26

Wamisili, Wayuda, Waedomu, Waamoni, na Wamowabi, hamonga ne wanhu wono wekalaga mu nyika, wono wekalaga na mvwili fupi.” Hambi wanhu wawa wose, hamonga ne Waisilayeli wose, nha walame, ninga si wacikamise i cilagane cono wene walajiye citanjilo cayo. Holeka wakali nalama mu zinhumbula.

Isaya 27:3

“Nene no Muwaha Mulungu mono niwukamisaga, kanyhi niwumwajilaga ne malenga nhondo zose. Yo nene mono niwulindilizaga ku cilo ne misi, ho yunji yalece kuwuhodanga.

Isaya 25:10

Muwaha Mulungu kolicitila litunda lya Sayuni, ninga i wanhu wa Mowabu, wokanyanjizwa ho hasi, nha vyono wagakanyanjilaga mabeleje gawa suji.

2 Zinghomo 20:10

“Alu wulanje ta, i Waamoni ne Wamowabi, hamonga ne we yisi ya Edomu, wakondya kwanza kucihoma. Na lono walezi wetu wawucila ku yisi ya Misili, agwe si wawakombola i walezi wetu wenjile mu zisi zizo, yikawa yiwanojeye wapilime, wawalece, hamba kuwongomeza yaye.

Wuwale 33:47

Wakajenda muhinzo wulawa Alimoni-dibulatayimu, wakasita nghambi yawo mu matunda ga Abalimu, vidomile na Nebo.

Wuwale 24:17

Nane nghuziwona za ku mwande, Kanyhi nghuliwona likungugo lye Waisilayeli. No mutemi mono yakung'alala nha nyelezi, Kolokwijela ku wulawa mwi'kungugo lilyo. Kolokuza ku wulawa mwi'kungugo lye Waisilayeli yenha nyelezi yo mucila. Kolowatowanga i walongola we Wamowabi, Kanyhi kolowasuma i wanhu wose wa Seti.

Mwamulizo 19:37

Ayulya u mwana muwaha yakasawa mwana wa cilume, yakamucemela litagwa lya Mowabu. Yuyo yo sogo ye Wamowabi sunga nalu.

Yoshuwa 13:19

Kiliyatayimu, na Sibima, Zeleti-shahali na mwitunda lya mwi'lolo,

Mwamulizo 14:5

Na mu mwaka we likumi na yine, u mutemi Kedolilayoma hamonga na wawalya watemi wayagwe, wakaza wakawahoma no kuwasuma i wanhu wa ku Lefayimu kuko ku Ashiteloti-kalinayimu, hamonga ne Wazuzimi wa ku Hamu, ne Wayemi wa ku Shawe-kuliyatayimu,

Isaya 25:12

Mulungu kologongomeza magomawakali ga Mowabu, hamonga ne majinji gawo matali, yagagwise sunga ho hasi, gawe manghundi.