Yelemiya 47:3 - Luganuzi Luswanu Kuli Wanhu Wose 2002

³ Wolohulika nyhinyinho zo wukanyaje we mabangho ge zifwalasi, hamonga ne misindo yo lumangho lwe magali go wulugu, no wulindime we maguludumu gayo. Mwi'zuwa lilyo, i wasogo zo munhu, hamba si wolowuya ne nyuma wawasole wana wawo ng'o, hambi i miwoko yawo nha yolowa yidejepe.

Yelemiya 47:3 Referans Kwoze

Yelemiya 8:16

Ne walugu wetu nha wakondya kwinjila mwi'kaya lya Dani, nase sunga nalu, cikugahulika i mazi ge zifwalasi zawo vyono zikuzoza. Sunga ne yisi yose yikucicima ku soko ye mililo ye zifwalasi zawo. Ne walugu wetu wawo, nha wakuza ho wayongomeze yisi yetu, hamonga ne vinhu vyose vyono vili mumo, i makaya hamonga ne wanhu wose wono wekaye mumo.

Walamuzi 5:22

“Hobaho zifwalasi zikaza, zikucina, zikacina kwe vilungo ne mabango gazo.

Nahumu 2:4

Ne mituka yawo yo wulugu, yikumangha mangha musunho mu zinzila, yikumangha ako na ako mu zinhuzi ze likaya. Kanyhi yikwaka kotya toci, no kwijela musunho kotya mamuli.

Yelemiya 46:9

Ale, muzilonjele zifwalasi zituluce, nago i magali go wulugu gakwegwe! Muwategulaje wasilikale, ne wanhu wa Kushi na Libiya, wadinghuye ne zingula zawo, nawo i wanhu wanghula ku wuguma no 'pinde, wakulawilila ku Lidiya.’ ”

Wugubule 9:9

Zimhambaga zazo, zali zina vinji vigubicizwe, vinhu vyono vihwanile ngula ya cuma. I cihumbi ce mabawa gazo, cali cinha nha cihumbi ca magali menji, gono gakukwegwa ne zifwalasi nyinji, zono zikumanyhila ku wulugu.

Yelemiya 50:42

Nawo wakondya kusola sunga ne vitwalo vyawo vyo wupinde hamonga ne mimaje. Nawo wakali muno, kanyhi wasina hamba no lusungu yaye, nawo wakukoloma nhe ngholomo ye lilenga, lono wakuzimasya zifwalasi zawo. Nawo wewikanize du, wayihome Babiloni.

Ezekiyeli 23:24

Waze wakuhome ku wulawilila ku lubavu lwa kusumuka, wolokuza ne lipuga liwaha lye wasilikale, ne matuka go wulugu, hamonga ne magali. Wolowa wena ne zingula zawo, ne zikofiya ze cuma mu mitwe yawo, nawo wolokupilima mbavu zose. Nane nokukombola mu miwoko yawo, nawo wokuling'aniziza mu wityatye wo wulajilize wawo vyono winha.

Nahumu 2:8

Wanhu wakumangha musunho ku wulawa Ninawi nhe malenga gono gakulawa mwi'lamba lyono lyaponghola. Ne lizi likucemeleza likutya, “Mwime! Mwime!” Ninga hasina hamba yunji mono yakwilenga ku nyuma.

Isaya 5:28

Ne zisonga zawo nghali muno, no wupinde wawo, wolowa wutawiciywe lukulu, wawuwikanize so wugume du. Ne magaga ge zifwalasi zawo, makavu gehwanile libwe lye ng'anga. Ne matuka gawo go wulugu, matayili gayo, gowa kupilima nhe civulavumbi.