Yelemiya 47:2 - Luganuzi Luswanu Kuli Wanhu Wose 2002

² yakatya, “Lanje, malenga gakuza gakulawa ku lubavu lwa kusumuka, nago gowa yikolongo lyono limemile, nago golomema no kuyigubika yisi, na vyose vyono vili mumo mu makaya, hamonga ne wanhu wono wekaye mumo. Ne wanhu wololondola wutazi, ne wanhu wose wa mono'nze, wololila ko wusungu wuwaha.

Yelemiya 47:2 Referans Kwoze

Yelemiya 46:20

Misili yihwanile ndama swanu muno, yono yakondya kuhomwa no wuhodanji wono wukulawa ku lubavu lwa kusumuka.

Yelemiya 8:16

Ne walugu wetu nha wakondya kwinjila mwi'kaya lya Dani, nase sunga nalu, cikugahulika i mazi ge zifwalasi zawo vyono zikuzoza. Sunga ne yisi yose yikucicima ku soko ye mililo ye zifwalasi zawo. Ne walugu wetu wawo, nha wakuza ho wayongomeze yisi yetu, hamonga ne vinhu vyose vyono vili mumo, i makaya hamonga ne wanhu wose wono wekaye mumo.

Yelemiya 1:14

Nayo Muwaha Mulungu yakanyitya, “Ale, wongomele wolawilila ku lubavu lwa kusumuka, wuwongomeze i wanhu wose, wono wekaye mu yisi yiyi.

Wugubule 17:15

Kanyhi malayika yakanyitya nhavi, “Agalya malenga gono wugawene bahalya hono yali yekaye yu yulya musenyha, go makungugo, iwanhu we mawala gose ne zinonga zose.

Wugubule 17:1

Yumonga wa muli wa walya wamalayika mupunghati wono wali wene mabakuli, yakanyiziza, yakanonjela yakutya, “Ta wuze! Nane nokulajila u wulipicizwe wono yapejigwe ayulyo u musenyha muwaha, i likaya alilya liwaha, lyono lizenjigwe behi ye makolongo menji.

Yakobo 5:1

Nalu ta hulicizenyi anye nyo wagoli! Mulile no le kwikunguza so wugaye wenyu wono womuzizenyi.

1 Wakolinto 10:28

Langa hono munhu yunji yamulonjelenyi yatye, “I zindigwa zizino zikumbicilwa vihwani.” Ale hodu mulece kulya ku soko ya yuyo mono yazize kumulonjelenyi, hamonga na ku soko ye ciselinji, holeka mulece kulya.

1 Wakolinto 10:26

hambi i Mandiko nha gakutya, “Yinze sunga na vyose vyono vili mumo, yo sawo yo Muwaha Mulungu.”

Nahumu 1:8

Langa mwene kawongomezezaga lukulu walugu wakwe, nhe 'hwazi lyono likuhuluma. Nawo wono wakwisumaniza nayo, kawafisaga sunga ko ku wufwe wawo.

Danyeli 11:22

No munhu wo wose mono kolojela kumwimila, hamba yawe mukohani Muwaha wo Mulungu, munhu yuyo kolofwagulwa no kuwusizwa lukulu.

Yelemiya 48:39

Na mbeka Mowabu, yakondya kubenanjika! Holeka mulile! Hambi Mowabu nha yakozwa cevu. Nalu yawa matongo du, sunga ne makungugo gose gono gayipilime, alu geza kuyisekanga. Vyo nghutya, ane no Muwaha Mulungu.”

Yelemiya 46:13

Nayo Nebukadineza u mutemi wa Babiloni, lono yaziza ho yayihome Misili, u Muwaha Mulungu yakanonjela yakatya,

Isaya 59:19

Ne wanhu wose wono wekaye ku lubavu lwa kucilima wose wolomupela cogopo, hamonga ne vilungo vyakwe viwaha. Hambi nha kolokuza nhe likolongo lyono likuhuluma nhe libeho lye vilungo.

Isaya 28:17

“No wiling'ano, wowa wo mulejehe wo kujelela musinji wuwo, nawo wihuwilwa cowa co cijelelo cayo co wima.” Ne mvula ye mabwe yolowuwusiza lukulu wutizizo we walambi wose, nalyo lihwazi lyolohuluma mucanyha yo wihundiko wawo liwuhodanje.

Isaya 22:1

Ayi nayo yo nghani yo Mulungu kuli lilolo lyo wugubulilwe. Ta munonjelaje, alu mwina nghanici yono yikuleka wose mukunozeza wuhembi wenyu mucanyha ye matembe ge zikaya?

Isaya 15:8

Ne cililo cikuhulikwa mu mipaka yose ya Mowabu. Cililo cikuhulikwa mu vikaya vya Egilayimu na Beyelelimu.

Isaya 14:31

Holeka anye nyo Wafilisiti, mulile mu makaya genyu gose mulondole wutazi! Wose mogope! Hambi livunde lye manghundi, nha likuza likulawilila kusumuka, lipuga lye wasilikale wo wulugu, wakali, kanyhi wasina woga.

Zabuli 98:7

Nalyo lilenga litowe cihumbi, hamonga na vyose vyono vili mumo, yinze hamonga na wose wono wekaye mugati yayo.

Zabuli 96:11

Sangalalenyi anye mo wulanga ne yinze! Nalyo lilenga litowe cihumbi, hamonga na vyose vyono vili mumo!

Zabuli 50:12

“Hamba na lono nali mbone nzala, si nali nghulonjele gwegwe yaye, vyono yinze yose nha yangu, sunga na vyose vyono vili mumo, vyangu vyose.

Zabuli 24:1

Yinze hamonga na vyose vyono vili mugati yayo, yo sawo yo Muwaha Mulungu, yinze hamonga na wose wono wekaye mumo, yo sawo yakwe.

Yelemiya 6:22

U Muwaha Mulungu yakutya nhavi, “Ale, i wanhu wakuza wakulawa ku yisi yo lubavu lwa kusumuka, we likungugo lyono lili vilungo, wakwiwikaniza so wulugu.

Yelemiya 46:12

Nago makungugo nha gazihulika ze cevu cenyu, ne wanhu wose wakondya kuhulika vyono mukulila. Ne wasilikale wakwikobaza munhu na muyagwe, nawo wawa kugwizana hasi wose.

Yelemiya 46:24

Ninga i wanhu wa Misili, wakozwa cevu, hambi nha wakondya kusumwa ne wanhu wa ku lubavu lwa kusumuka. Vyo nghutya, ane no Muwaha Mulungu.”