Yelemiya 47:1 - Luganuzi Luswanu Kuli Wanhu Wose 2002

¹ Na lono u mutemi wa Misili yali yakali si nayihoma Gaza, u Muwaha Mulungu yakanonjela zinghani za Gaza

Yelemiya 47:1 Referans Kwoze

Yelemiya 25:20

I wamisili wose, ne wajenzi wose wono wali mumo mu Misili. Hamonga ne watemi wose we yisi ya Uzi, ne watemi wose we makaya ge Wafilisiti na Ashikeloni na Gaza na Ekiloni, na wose wono wowa wasigaye wa mu Ashidodi.

Mwamulizo 10:19

no mupaka we yisi yawo, wali wulawiliye Sidoni, sunga kutakama ku Gelali behi na Gaza, na ku wubita kucilima, sunga ku Sodoma na Gomola, na Adima na Seboyimu behi na Lasa.

1 Watemi 4:24

Solomona yakatema yisi yose yo lubavu lwa kumwezi ye likolongo lya Efulata, ku wulawa Tifusa ha Efulata, sunga ko ku mwezi kwi 'kaya lya Gaza. Ne watemi wose wa ku lubavu lwa ku mwezi ye likolongo lya Efulata, wose wakawa wetumami wakwe, nayo yakawa yena mulamu ne zisi zose zono zali zimupilime.

Isaya 14:29

Nye nyo Wafilisiti, mulece kusangalala, mukutya hambi nghome yono mukatowelwa nha yabeneka, musina soko yo kusangalala nhavivyo. Mumanye nha vyono, lono nzoka monga yikufwa, yokuza kanyhi yono 'mbi kuciza yiyo yono yifwiye. Kanyhi mumanye nha vyono, ligangha lye lizoka, liganghasaga lizoka likali lyono ligulukaga.

Ezekiyeli 25:16

Holeka nane lu, noyihoma yisi ye Wafilisiti, niwawulaje wanhu wose, halece kusigala hamba munhu monga. Nowongomeza wanhu wose wono wowa wakali womi mu yisi yo wuhihi ye Wafilisiti.

Yoweli 3:4

“Alo nanye nyo Tulo na Sidoni, hamonga ne zi'si zose ze Wafilisiti, mukusaka mwitume nghanici kuli'ne? Hono muwe mukusaka kwituma nghani yinji yo yose kuli'ne, ale, ko kwenyu, ninga nane nomugomolelenyi nanye musunho zo wulipicizwe wenyu.

Ezekiyeli 25:15

U Muwaha Mulungu yakutya nhavi, “Vyono i Wafilisiti, wetuma nghani yo wilipicize, kuli walugu wawo we vilo vinji vyono vyapuluta, wakawongomezeza mwi'kuwo lyawo.