Yelemiya 44:3 - Luganuzi Luswanu Kuli Wanhu Wose 2002

³ vyono i wanhu wayo wetuma zimbi muno, wakanghoza 'ne likuwo. Hambi nha wayilavizyaga makumbiko milungu yinji, no kuyitumamila milungu yono wene si wayihembaga ku wulawa na katali, hamba nyenye, hamba ne walezi wenyu, si wayihembela lukulu.

Yelemiya 44:3 Referans Kwoze

Wukumbucize wo Wulajilize 29:26

Nawo wakayihemba no kuyitumamila milungu yinji, yono ku wulawa na katali wali wakali nayihemba, i milungu yono Muwaha Mulungu yawalemeza walece kuyihemba.

Wukumbucize wo Wulajilize 32:17

Wakayilavizya vilavywa i milungu yo wulambi, i milungu mipya yono hamba ne walezi wawo wali si wayimanyile yaye. I milungu yono Waisilayeli wali wakali hamba nayitumamila yaye.

Wukumbucize wo Wulajilize 13:6

“Hamba yawe nduguyo, u mwana wo nyina yako, hamba mwanago we cilume hamba we cicekulu, hamba yawe mugolece wako u mwendece wako, hamba mwiyendi muyago mono mwiyendile nayo muno muno, hono yejele vyono yakusaka yakukwejeleze cinyele ho wuyihembe milungu yinji, i milungu yono nyenye nyo weneco, hamba walezi wenyu si mwayihemba hamba kamonga,

Danyeli 9:5

“Ase cetuma wubi, kanyhi cili wabi, cituma nghani 'mbi muno. Hambi nha cazilema zinzila zako, cakondya kuzileka ne ziswanu zono wacilajila.

Yelemiya 44:8

Alu nhawulenyi mukunghalaza, no kunghoza likuwo so wuhemba vihwani, na so wukumbika milungu yinji, mu yisi yiyi ya Misili, mono mwikaye? Hamba mukwituma zizi ho mwiyongomeze nyo weneco, ne makungugo gose ga mono'nze gamubedegalenyi, no kwitumamila litagwa lyenyu nha wulijitwe ne cevu lo?

Nehemiya 9:33

Wetuma viswanu kucilipiciza, kanyhi wuketuma ze ling'ani, hambe nha cakunozeza wubi.

Ezekiyeli 9:9

Ninga Mulungu yakamhitula yakatya, “I wanhu wa Isilayeli na Yuda, wetuma wubi muno. Hambi yisi yose nha yimemile wu wulaji, kanyhi wakondya kuyinjiza Yelusalemi mu wu wula cihuliko, wakondya kugabena malajilizo gangu. Kanyhi wakutya, ane no Muwaha Mulungu, nakondya kuyileka yisi yawo, na vyono ti, hamba si nghuziwona na zono wetumaga.

I Cililo 4:13

Heya, zizi zejela, ku soko wawizi wawo wetuma wubi, ne wakohani nawo wakasutya, no kwambuza lifwa, kuli wanhu wono wasina masutya.

I Cililo 1:8

No lukumyo lwa Yelusalemi lwakondya kuwuka, alu yeza yali cipwi, yebatwe ne cevu. Nalu yakugula yehundicize wusu wakwe, yakuwona soni. Yelusalemi yetipiza mweneco so wubi wakwe.

Yelemiya 22:9

Ninga kanyhi wokwipitula weneco wose wawe kutya, vyono, zizi zimwaganenyi ku soko anye mwakondya kucileka i Cilagane cono mwacinoza nane, ane no Mulungu wenyu, mukawa kuyihemba no kuyitumamila milungu yinji.”

Yelemiya 11:17

“Ane no Muwaha Mulungu, u Mulungu we mihanga, yo nene mono nawahadika Isilayeli hamonga na Yuda. Ninga lu lanje, nakondya kuwogofya ne magazo. Ninga zizi zose, nha weletela weneco du, so wituma zimbi wawo. Hambi nha wanghoza likuwo so wulavizya Baali makumbiko.”

Yelemiya 7:19

Wene wakwihwesa nha vyono wakunhamisa nene, kumbe ho wakwitamisa weneco, hamonga no kwiyiletela cevu ca bwete.

Yelemiya 5:29

“Ninga nane, ane no Muwaha Mulungu, mbeka, nowalipiciza du ku soko ye zinghani zawo zizo. Na mbeka, nowalipiciza du likungugo lili.

Yelemiya 5:19

Ninga nawo kolo wakukuwuza wakutya. ‘Alu socici u Muwaha Mulungu kacinozeza zizi zose.’ Nagwe Yelemiya, wuwalonjele nha vyono, niwatendela zizo vyono wene wandeka, wakeyitumamila i milungu mijenzi mu yisi yawo weneco. Holeka luno nawo, wolowetumamila wajenzi mu yisi yono si yawo weneco.”

Wahebelaniya 3:16

Hambi wa nani wono walihulika lizi lyo Mulungu ninga wakamubeza? Wo wawo wose wono watongwa na Musa ku wulawa ku Misili.

Isaya 3:8

Heya, mbeka, Yelusalemi yongomezwa! Nayo Yuda yikuvulumuka! Ku soko vyono mu zinghani zawo na mu metumo gawo, wamubedegalaga Muwaha Mulungu, no kumutovula calinze.

Yelemiya 32:30

Ninga wumanye nha vyono, ku wulawilila katali na katali, i wanhu wa Isilayeli ne wanhu wa Yuda, si wanyendezaga 'ne hamba hadodo, kanyhi wakanghoza muno likuwo, ku soko ye metumo gawo mabi.

Yelemiya 44:23

Holeka sunga ne magazo gaga, gamuzizenyi, ku soko ye vilavywa vye makumbiko genyu, gono mwali kuyilavizya milungu yinji, no kumusutizya u Muwaha Mulungu, na kanyhi vyono si mukusaka kugatyatya ne malajilizo gakwe.”

Wukumbucize wo Wulajilize 29:25

Ne lipitulo nalyo lyolowa nhavi, ‘Ku soko vyono i wanhu wo Muwaha Mulungu, wabena cilagane cono wacinoza no Muwaha Mulungu, u Mulungu we walezi wawo, lono yali yakondya kuwawusa mu yisi ya Misili.

Yelemiya 16:10

“Nagwe kolo wukukondya kuwalonjela zizi zose, nawo wokuwuza i soko yono yikuleka ane ndumula nghani, nha vyono nowalipiciza vibi muno muno nhavivyo. Wokuwuza kanyhi wamanye i nghani 'mbi yono wetumile, hamonga no wubi wono wamutendeye u Muwaha Mulungu, u Mulungu wawo.

Yelemiya 29:19

Na zizi zose zolomuzizenyi, vyono si mwasaka kuzihulika zinghani zangu, zono namulonjelajenyi kenji na kenji, mu nzila ye wetumami wangu i wawizi, nanye hamba kuzihulika yaye.