Yelemiya 44:1 - Luganuzi Luswanu Kuli Wanhu Wose 2002

¹ U Muwaha Mulungu, yakanonjela kanyhi za kuli i Waisilayeli wono wekalaga mu Misili, na mu makaya gose ga Migidoli na mu Tapenesi, na mu Mempisi, sunga na mu zisi zo lubavu lwa kutakama lwe 'si.

Yelemiya 44:1 Referans Kwoze

Yelemiya 46:14

“Ale, muyanzaje nghani yiyi, mu makaya gose ga Misili, na mu Migidodi, na mu Mempisi sunga na mu Tapenesi, ‘Muwalonjele mutye wewikanize, weyidime weneco. Hambi i vinhu vyenyu vyose, nha vyokongomezezwa mu wulugu.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Wutuluce 14:2

“Walonjele Waisilayeli wawuye ne nyuma, mukasite nghambi yenyu, muwe mwidomile na Pi-hahiloti, hagati ya Migidodi ne lilenga lya Shamu, behi na Baali-zefoni.

Isaya 19:13

I walongola wa Zowani na Mempisi wose walele. Hambi nha wo wali wetumbiywe nha vyono wo wolitonga likungugo, ninga alu walyajiliza.

Ezekiyeli 30:18

Ne citi colodinda mu'si, kolo nakondya kuwanyenyanga vilungo i Wamisili, no kuwawusiza lukumyo lono wedunhumulilaga. Ne livunde lyoloyigubika yisi yose ya Misili, ne wanhu wayo wose wa mu makaya gose, wolosolwa mateka.

Ezekiyeli 30:16

Noloyipembela moto yisi ya Misili, na Pelusiyumu i ligomawakali liwaha, lyolowa mu wusungu wuwaha muno. Ne majinji ge likaya lya Tabesi, golomwaguka, gaze gagwe ho hasi. Ne likaya nalyo lyolosolwa ne lihwazi lye malenga.

Ezekiyeli 30:14

Noloyihodanga yisi ya Misili ku lubavu lwa kutakama, nilipembele moto ne likaya lya Zowani, lyono lili ku lubavu lwa kusumuka. Nize nililing'anize ne likaya lya Tabesi, i likaya liwaha.

Ezekiyeli 29:14

Nize niwalece wekale ku Patilosi ku lubavu lwa kutakama ye yisi ya Misili, i hanhu hono walelelwa. Ninga kuko, wolowa wena wutemi wono wusoceye muno muno,

Yelemiya 46:19

Holeka mwiwikanizaje ku wusolwe nha wafungwa, anye nyo wanhu wa Misili! Hambi Mempisi nha yowa nha nyika, howa matongo, howa hanhu hono hamba yunji si kusuma kwikala mumo.

Yelemiya 2:16

Heya, sunga ne wanhu wa ku Memufisi, ne wanhu wa ku Tapenesi, wakondya kulitula lindosi lyakwe.

Ezekiyeli 29:10

Holeka ane nili mulugu wako, kanyhi nili mulugu we likolongo lya Nile. Nane noyinoza yisi ya Misili yiwe nyika no wambuce du, ku wulawilila kwi'kaya lya Migidoli ku lubavu lwa kusumuka, sunga ko kwi'kaya lya Aswani lyono lili ku lubavu lwa kutakama, sunga ko ku mupaka we yisi ya Kushi.

Mwamulizo 10:14

Wapatulusi, Wakasilu (wono wo mwamulizo we Wafilisiti,) na Wakelete.

Yelemiya 24:8

“Na kuli za Zedekiya, u mutemi we yisi ya Yuda ne wawaha wakwe, hamonga ne wanhu wa Yelusalemi, wono wasigala mu yisi yiyi, hamonga na wono wabita ku Misili, ane no Muwaha Mulungu, nowatendela wawo wose, nha vyono zinha zinghuyu zizi zono mbi muno muno hamba ku wulye kose.

Yelemiya 43:13

Kanyhi kologatulanga sunga ne mabwe ge cikumbucizo, gono gali kuko ku Heliyopoli mu yisi ya Misili, yazipembele moto ne zinyumba ze milungu ye Wamisili.”

Ezekiyeli 30:13

U Muwaha Mulungu yakutya, “Nolovihodanjila lukulu vihwani vyose, hamonga ne milungu yose yo wulambi yono yili mu Memufisi. Na holowa hasina hamba munhu monga, mono koloyitema kanyhi yisi ya Misili, hambi nha nolowogofya i wanhu wose.

Hoseya 9:6

Wuhodanjice kolo wakondya kuza, ne wanhu wakwiyagala, wabite ku Siliya. Ne Wamisili wolowakonghola hamonga wazikwe ku Memufisi! Ne viwutwa vyawo vye fweza, hamonga ne hanhu hono zikaya zawo zali nzenje ha mwamulizo, holocindika mabalwe ne mamivya.

Yelemiya 44:15

Ale, baho, i wanhu wose we cilume, wono wakamanya nha vyono, wagolece zawo wayilavizya makumbiko milungu yinji, hamonga ne wacekulu wono wali wali bahalya, hamonga ne Waisilayeli wose wono wekalaga ku lubavu lwa kutakama lwe yisi ya Misili, wawa lipuga lyose, wakanonjela wakatya,