Yelemiya 42:4 - Luganuzi Luswanu Kuli Wanhu Wose 2002

⁴ Nane nghawapitula nghawatya, “Ale, viswanu, ane nomulomba u Muwaha Mulungu, u Mulungu wetu, nha vyono musacile nyenye. Na kanyhi nane nomuganulilenyi zose zono mwene kolonga, hamba si nomuhundicenyi nghani yinji yaye.”

Yelemiya 42:4 Referans Kwoze

Zabuli 40:10

Hamba si nayihundika nghani yiyino mu nhumbula yangu, nha vyono wakondya kumhonya. Nane vilo vyose nizilongaga zo wihuwilwa wako, hamonga na zo wutazi wako. Vyono agwe wuli Mukombozi Mwihuwilwa. Hamba si nayihundicila i mhuga mbaha ye wanhu, u wihuwilwa wako, hamonga no lusungu lwako.

1 Samwili 12:23

Ninga ane ku lubavu lwangu, nghulomba ndece kumusutizya Muwaha Mulungu so wuleka kumulombelenyi. Ninga nomwijizenyi ziswanu zose na ze ling'ani, zono ziwanojeye mwitume.

Wutuluce 8:29

Musa yakapitula yakatya, “Ale viswanu, nane nonoza mbela mbela, nimulombe Muwaha Mulungu, i mitondo mahazi gawuce mu wikalo wako, hamonga na mu wetumami wako, sunga na muli wanhu wako. Ninga wulanjilile, wulece kucikonga, kanyhi wuwalemeze wanhu walece kubita kumulavizya makumbiko Muwaha Mulungu.”

Metumo ge Watumwa 20:20

mumanyile vyono sinaleka hamba hadodo kumuganulilenyi cagalanze na mu zinyumba zenyu, no kumwijizenyi yo yose yono yomukwilenyi.

Yelemiya 23:28

U muwizi mono yena zindoto, yalonje ze zindoto zakwe du. Nayo muwizi mono yena i nghani yangu, yayilongaje nghani yangu ko wihuwilwa. Alo mawaje gena cambuzici, ho wugehwanicize no wuhemba?

Walumi 10:1

Nye wandugu zangu, nghulanjilila kanyhi nghuhila mu nhumbula yangu, wawo wanyawusi wayangu waponywe. Kanyhi si nghudila kuwalombela kuli Mulungu.

Metumo ge Watumwa 20:27

Hambi nha sinaleka kumuganulilenyi nghani zose zo Mulungu.

Ezekiyeli 2:7

Nagwe kowalonjela zose zono nokulonjela, hono wakuhulice hamba wabeze, ninga agwe wuwalonjele du. Hambi wene nha wali cibede muno.

Yelemiya 23:35

Ninga langa, yiwanojeye wawe kwiwuza munhu ne weyendi wayagwe, hamba ne wanduguze wakutya, U Muwaha Mulungu kapitula katya nhawule, hamba kalonga nghanici?

Yelemiya 26:2

u Muwaha Mulungu yakanonjela yakatya, “Ale, wime he wanza lye Nyumba yo Mulungu, wuziganule kuli wanhu wose wono wakulawa mu makaya ga Yuda, wakuza kuhemba bahano. Wuwalonjele zinghani zose zono nghulajilize kuli wene. Ninga wulanjilile, wulece kusigaza hamba nghani monga yaye.