Yelemiya 42:3 - Luganuzi Luswanu Kuli Wanhu Wose 2002

³ Wumulombe u Muwaha Mulungu, u Mulungu wetu, yacilajile nzila yono yinojeye ciyikole, ne nghani yono yocikwila ku witume.”

Yelemiya 42:3 Referans Kwoze

Zimbazi 3:6

Wumukumbucile Muwaha Mulungu, muli zose zono wukwituma, nayo kokutonga mu nzila yono yinojeye.

Zabuli 86:11

Gwe go Muwaha Mulungu, wunyijize ze nzila yako, nane noyityatya ko wihuwilwa, wuyitongaje nhumbula yangu yikogope gwegwe.

Mika 4:2

Ne wanhu wayo wolotya, “Alenyi cibite kwi'tunda lyo Muwaha Mulungu, ku Nyumba yo Mulungu wa Isilayeli mwene yo kocifunda ase zono yakuhila cizitume. Nase cojendela mu zinzila zono mwene yazihagula. Hambi i mejizo go Muwaha Mulungu, nha galawaga ku Yelusalemi, kanyhi yakulonga ne wanhu wakwe ku wulawa ku Sayuni.”

Yelemiya 6:16

U Muwaha Mulungu yakuwalonjela wanhu wakwe yakutya nhavi, “Nye nyo wanhu wangu, ale mwime mu zinzila zimbaha, mulanje. Mukawuze zinghani zo wukolo we katali, muyiwone nzila yo mugoloka. Nanye muyikole nzila yiyo, holeka nanye mokwikala mupolile.” Ninga wene wakatya, “Ase calema, hamba si cokola mu nzila yiyo ng'o.”

Ezila 8:21

Bahalya ha cikolongo ca Ahava nghalavya wulajilize, wanhu wose cilece kulya, ho cinenenyheze hali Mulungu wetu, cimulombe yacilongolele, kanyhi yacidime viswanu mu muhinzo wetu, ne wana wetu, hamonga ne zisawo zetu.

Isaya 2:3

nawo wanhu wolowa kutya, “Alenyi cibite kwi'tunda ku Nyumba yo Mulungu, ku Nyumba yo Mulungu we Waisilayeli. Mwene nayo kocijiza zono yakuhila ase cizitume. Nase cojendela mu zinzila zakwe zono kohagula mwene. Hambi wulajilize wo Muwaha Mulungu, nha wulawaga ku Yelusalemi kalongaga ne wanhu wakwe ku wulawa ku Sayuni.”

1 Watemi 8:36

wuwahulicizaje kuko ku wulanga. Wuwunenele wubi wo mutemi, sunga na we wanhu wa Isilayeli. Wuwejize wetume ze ling'ani. Hanyuma wutonyeze mvula mu yisi yako yono wawapela wanhu wako yiwe yawo.

Wukumbucize wo Wulajilize 5:29

Na hono mbeka nhondo zose wawe kwihwesa nhavivi! Na hono mbeka wawe wanyogopile, no kuwa ne cihuliko kuli'ne nhondo zose, muli ze malajilizo gangu, nawo wojendelela kuwa no wumoteswe muli zose, ne wana wawo cibitilila.

Wukumbucize wo Wulajilize 5:26

Alu mwene, mbeka ho yuli munhu wo wose we nghuli, mono yekala mumi mono yahulika Mulungu mumi yakulonjela mu wulawa mu moto?

Zabuli 27:11

Gwe go Muwaha Mulungu, wunyijize ze nzila yako, wunghoze mu nzila yono yigoloce, hambi walugu wangu nha wenji muno muno.