Yelemiya 42:2 - Luganuzi Luswanu Kuli Wanhu Wose 2002

² wakanonjela wakutya, “Gwe Yelemiya, cikukunena wucinozeze zono cikukuhila! Ase cikukulomba, wucilombele ase wose mono cisigaye. Hambi nha cali cili wenji, ninga luno casigala cili wanhu wacefu du, nha vyono nagwe wukuciwona.

Yelemiya 42:2 Referans Kwoze

Yelemiya 36:7

Na lunji wosuma kumulomba Muwaha Mulungu, no kupituka no kuzileka zinzila zawo i zimbi. Hambi u Muwaha Mulungu nha kakondya kuwogofya muno i wanhu wawa, kwe likuwo lyakwe liwaha, hamonga no wukali wakwe.”

Walawi 26:22

Noleta malimu makali muli'nye, nago gowawulaga i wana wenyu, gohodanga ne mitugo zenyu, no kumusigazenyi muli wacefu, ne zinzila zenyu zowa zisina munya kuzitumamila.

Yakobo 5:16

Ale, mweze kwiyivumilila mabi genyu, mwilombelaje, ho muponywe. Uwulombe wo munhu we ling'ani wina vilungo vyo kwituma nyinji.

Metumo ge Watumwa 8:24

Simoni yapitula yakatya, “Nghumunenenyi, munombele kuli Muwaha, zono mulonjile zilece kunyagana hamba monga.”

I Cililo 1:1

Lanje lu, likaya lili lya Yelusalemi vyono lyekala yiciwa, ninga ho lyali limemile wanhu wenji muno muno. Nalyo lyali lina ne lilumbo yiwaha mono yinze yose, ninga alu mulanje, lyehwana no mucekulu mufwile. Na mu makaya gose, lyene lyali nho mwana we cicekulu wo mutemi. Ninga alu lyakondya kusolwa no kutegulwa ku wuwanda.

Isaya 37:4

Hambi u mutemi wa Ashuli, nha kamutuma mwitumami wakwe ho yaze yamutovule u Mulungu mumi. Holeka nghukulomba, u Muwaha Mulungu, u Mulungu wako yagahulice matovulo gaga, yawalipicize wawo wono wagalonjile. Na kanyhi nghukunena wuwalombele kuli Mulungu i wanhu wetu wono wasigaye.”

Isaya 1:9

Na hono Muwaha Mulungu u Mudaha vyose, u Mulungu we Mihanga yali yalece kusigaza mumo wanhu wanji womi, mbeka, mhali Yelusalemi yongomezezwe lukulu, nha vyono Sodoma na Gomola zongomezwa.

1 Samwili 12:19

Nawo wakamulonjela Samwili, wakatya, “Gwe Samwili, dedede, wumulombe Muwaha Mulungu, u Mulungu wako, ase cilece kufwa. Alu langa ho cakondya kumanya vyono, hamonga no wubi wose wono cetuma, ninga wubi wuwaha wono cetuma, vyono casaka cipegwe mutemi.”

1 Samwili 7:8

Wakawa kumulonjela Samwili wakatya, “Alu Samwili, wujendelele kumulomba Muwaha Mulungu, u Mulungu wetu, ho yaciponye mu miwoko ya Wafilisiti.”

Yelemiya 37:20

Nalu wuhulicize 'gwe go mutemi. Ane nghukunena, wulece kungomoleza kanyhi ku jela, ku kaya ya Yonazani. Hambi hono wungomoleze kuko, ane mbeka nofwila kuko.”

Yelemiya 37:3

Mutemi Zedekiya yakamutuma Yehukali u mwana wa Shelemiya, hamonga na Zefaniya mukohani, u mwana wa Maseya, waze wanonjele nimulombe Muwaha Mulungu, u Mulungu wetu, ku soko ye nghungugo yetu.

1 Watemi 13:6

U mutemi Yelobowamu yakamulonjela muwizi, yakatya, “Dedede wunombele kuli Muwaha Mulungu, u Mulungu wako, yamhonye muwoko wangu!” Nayo muwizi yakawa kumulomba Muwaha Mulungu, no muwoko wo mutemi wukawa kunoga.

Wukumbucize wo Wulajilize 28:62

Hamba muwe mwakondya kwinjipa no kuwa muli wenji nhe zinyelezi za ku wulanga, ninga hamba nhavivyo, wacefu wa muli nyenye wolopona, vyono si mu muhulice Muwaha Mulungu, u Mulungu wenyu.

Wutuluce 8:28

Nayo mutemi Falawo yakatya, “Ale, viswanu, nomukombolenyi mubite mukamulavizye makumbiko u Muwaha Mulungu wenyu kuko ku nyika, ninga mulece kubita kutali muno muno. Ale munombelaje na nene.”

Matayo 24:22

Ne vilo vivyo hono vyali vilece kucepulwa, hali hawe hasina munhu wo wose mono yali yapone, ninga alu, ivilo vivyo vyocepulwa, ku soko ya awalya iwahagulwa.

Ezekiyeli 12:16

Ninga si nolowawulaga wose mu wulugu, hamba mu nzala, hamba mu matamwa, langa nolowasigaza wanji wa muli wene, lono wali kuko mu makungugo, ho wanzalice nha vyono zinghani ze mawifyo zono wetumaga, zali nghani 'mbi muno. Kanyhi ho waze wamanye vyono ane yo nene Muwaha Mulungu.”

Yelemiya 42:20

mweza kwituma nghani 'mbi muno muno. Mumanye nha vyono nyenye nyo weneco, mukasaka ane nimulombelenyi kuli Muwaha Mulungu, u Mulungu wenyu, kanyhi mukehuwiza nha vyono, mokwituma zose nha vyono mwene komulajilizenyi.

Yelemiya 21:2

“U mutemi Zedekiya yakutya, vyono, wucilombele ase kuli Muwaha Mulungu. Hambi Nebukadineza u mutemi wa Babiloni, hamonga ne lipuga lyakwe lye wasilikale, nha walipilima likaya yacihome. Lunji u Muwaha Mulungu, kosuma kucinozeza nghani monga yo wizine, yamuwinje Nebukadineza yacilece.”

Isaya 1:15

“Na lono mowa kunyasula miwoko yenyu kucanyha mu wulombe, hamba si nomutondowozenyi yaye. Hamba mulombe muhidimbaye, si nomuhulicizenyi ng'o, hambi miwoko yenyu, nha yimemile wuwulaji wose.

1 Samwili 12:23

Ninga ane ku lubavu lwangu, nghulomba ndece kumusutizya Muwaha Mulungu so wuleka kumulombelenyi. Ninga nomwijizenyi ziswanu zose na ze ling'ani, zono ziwanojeye mwitume.

Wukumbucize wo Wulajilize 4:27

Muwaha Mulungu kolomwiyagazenyi, mwiyagalile mu makungugo ganji, na kuko, wayenyu wacefu du wo wolosigala wekale womi.

Wutuluce 9:28

Holeka mumulombe Muwaha Mulungu! Hambi mvula ye mabwe hamonga ne mabalalusi gayo, nha vyacila muno! Nane nghwihuwiza vyono, nomukombolenyi mubite, hamba si mojendelela kanyhi kwikala bahano.”

Yelemiya 15:11

Gwe go Muwaha Mulungu, nane nghutya, hono niwe ane si nakwitumamila viswanu, ale malijito gawo lece ganyizize, na hono niwe si nakunena, ku soko ye walugu wangu, lono wali wali mu wugaye, hamonga no wusungu wuwaha.

Yelemiya 38:14

Hanyuma kanyhi u mutemi Zedekiya, yakatuma wanhu waze wanyheme mbite kwakwe, lono yali yali ha mulango we kadatu we Nyumba yo Mulungu. Yakanonjela yakutya nhavi, “Alu Yelemiya, ane nghusaka nghuwuze nghani, nane nghukusaka wunonjele ze mbeka zose.”

Yelemiya 40:15

Hamonga na zizo, Yohanani yakamulonjela cinyele yakamutya, “Gwe Gedaliya nghukulomba wunghombole, mbite nghamuwulaje Isimayeli, kanyhi hasina hamba munhu monga mono komanya vyono nani mono yamuwulaje. Alu sokoci yene yono yoleka mwene Isimayeli yakombolwe yaze yakuwulaje 'gwe? Ku soko hono nghani yiyi yitumwe, yowambuza i Wayahudi wose wono wakondya kwikongholela hali'gwe, weyagale kanyhi ako na ako. Ne nghani yiyo, yowambuza i wanhu wose wono wasigaye mu yisi ya Yuda, watuje magayo mawaha muno.”

Hoseya 8:10

Holeka luno ane nowakonghola hamonga, ho niwalipicize. Nawo wokwinyongola ko wusungu musunho, lono mutemi wa Siliya yakuwatendela ko wukali.

Amosi 7:2

Mu wulajilwe wuwo, nghawona nzije zikulya vinhu vyose vyono videdewaye mu'si. Nane hanyuma nghatya, “Gwe Muwaha Mulungu nghukunena, uwanenelaje wanhu wako! Alu wanhu wako ho wowumipa vye wule? Hambi nha wacefu, kanyhi wasoceye!”

Wukumbucize wo Wulajilize 28:63

Nha vyono Muwaha Mulungu yasangalala, yakamumotyenyi, no kumwinjifyenyi, yo nhavivyo kanyhi vyo kosangalala, kumongomezenyi no kumuhodanjenyi. Nanye mowuswa mu yisi yono mukwinjila muyiteme.

Zabuli 119:170

Wulombe wangu wukuzize, wumhonye nha vyono wehuwiza.

Isaya 42:20

Alu nanye Isilayeli, nha mwakondya kuziwona nghani nyinji muno, ninga wulenyi, zina cambuzici kuli'nye? Kanyhi mwina ne makutu go kuhulicila, ninga hamba si mukuzitanga yaye.”

Yelemiya 2:27

Nanye wose molokozwa cevu, anye wose mono mutezaga u mubici awulya, yo sogo yenyu, ne libwe alilya, yo nyina yenyu. Na zizi zolomwijelelenyi vyono anye mwakondya kundeka 'ne, hamba si mukusaka no kumbuyila yaye. Ninga kolo mwenjila mu wugaye, hobaho mukuwa kunondola ho nize nimuponyenyi.