Yelemiya 42:1 - Luganuzi Luswanu Kuli Wanhu Wose 2002

¹ Baho i walongola wose we wasilikale, hamonga na Yohanani u mwana wa Kaleya, na Yezaniya u mwana wa Hoshaya, hamonga ne wanhu wose wawaha ne wadodo, wakanyiziza,

Yelemiya 42:1 Referans Kwoze

Yelemiya 41:11

Nayo Yohanani, hamonga ne lipuga lyose lye wawaha we wasilikale, wono wali wali hamonga nayo, wakazihulika zo wubi wono yetumile Isimayeli.

Yelemiya 40:13

Na hanyuma ya zizo, Yohanani, hamonga ne wawaha wose we wasilikale, wono si wavumila kwilavya no kuwetumamila Wababiloni, hobaho wakawa kumuziza Gedaliya kuko ku Mizipa,

Yelemiya 6:13

Hambi wanhu wose i wadodo sunga ne wawaha, nha wahidimbaliye mu wutujila sawo, mu zinzila zo wuhizi du. Sunga ne wawizi, hamonga ne wakohani, nawo wose wakwituma metumo go wukoci du kuli wanhu.

Yelemiya 44:12

Awo nawo i wanhu wa Yuda, wono wasigaye, wono nawo wejelela, wakawa kubita kwikala mu yisi ya Misili, nane nolanjilila sunga niwongomeze wose. Nawo wose, i wawaha ne wadodo wofwila wose kuko du ku Misili, wofwa so nzala, hamba wofwila mu wulugu. Nawo wolowa cinhu ca kogofya muno, sunga ne wanhu wololitumamila litagwa lyawo nha wulijitwe ne cevu.

Yelemiya 42:8

Nane nghawa kumucema Yohanani, hamonga ne walongola wose we wanhu wono wali wali hamonga nayo, hamonga ne wanhu wose.

Yelemiya 40:8

Hobaho, Isimayeli mwana wa Netaniya, na Yohanani u mwana wa Kaleya, na Selaya u mwana wa Tanhumeti, ne wana wa Efayi, munya Netofa, na Yezaniya munya Maka, hamonga wose, wakawa kumubitila Gedaliya ku Mizipa, hamonga ne wanhu wawo.

Metumo ge Watumwa 8:10

Iwanhu wose iwadodo ne wawaha, wamuhulicizaga muno, watezaga, “Simoni vyo vilungo vyo Mulungu, vyono vikucemwa Ivilungo viwaha.”

Yelemiya 8:10

Holeka nane lu, noyisola migunda yawo, niwapele wanhu wanji, sole ne wacekulu zawo nawo, mhele walume wanji. Alu lanje, vyono wanhu wose i wawaha ne wadodo, wakujela kwitujila pesa mu zinzila zo wukoci. Sunga ne wawizi, hamonga ne wakohani, nawo nhavivyo du, wekalaga wakukonga-konga wanhu.

Matayo 15:8

“U Mulungu yakutya, Iwanhu awa wakuwa kunumba kwe milomo yawo du. Ninga i zinhumbula zawo, zili kutali nane.

Ezekiyeli 33:31

Nawo baho wawa kwikonghola wenji du ha mwande yako ho wahulice zono kolonga, ninga hamba si wakwituma zono wukuwalonjela wetume. Wakulonga zinghani mu milomo yawo du, ninga vyo wajendeleye du no wituma zimbi.

Ezekiyeli 11:1

Kanyhi muhe wukanyinula wukandeta sunga ko ku mulango wo lubavu lwa kucilima ye Nyumba yo Mulungu. Nali neza kufika kuko, nghawona wanhu makumi mejete na wahano, wemile behi no mulango. Na muli wene, mwali mo yuli na Yazaniya u mwana wa Azuli, hamonga na Pelatiya u mwana we Benaya, i walongola wawaha we nghungugo.

Ezekiyeli 8:11

Nghawawona ne walongola makumi mupunghati we Waisilayeli wono wali wali baho, hamonga na Yazaniya u mwana wa Shafani. Nawo wawa wose wali webate viya vyo kufusiza wuvumba, munhu na cakwe mu miwoko yawo. Ne lyosi lyo wuvumba lyabitaga kucanyha.

Yelemiya 42:20

mweza kwituma nghani 'mbi muno muno. Mumanye nha vyono nyenye nyo weneco, mukasaka ane nimulombelenyi kuli Muwaha Mulungu, u Mulungu wenyu, kanyhi mukehuwiza nha vyono, mokwituma zose nha vyono mwene komulajilizenyi.

Yelemiya 41:16

Nayo Yohanani hamonga ne wawaha we wasilikale, wakawa kuwasola wanhu wose wono wali wasolwa na Isimayeli nha wafungwa ku Mizipa, lono yamuwulajila Gedaliya ne wasilikale wakwe, hamonga ne wanhu we cicekulu wose, ne wana, hamonga ne walume wose i wapaswe.

Isaya 48:1

Nye nyo wanhu wa Isilayeli, mono mwalawa mu lulelo lwa Yuda, ta muhulicize, Anye mwelahiza mwi'tagwa lyo Muwaha Mulungu, mukatya nha vyono momuhemba Mulungu wa Isilayeli, ninga hamba kwituma nha vyono mwalonga.

Isaya 29:13

Ninga nayo Muwaha Mulungu yalonga yakatya, “I wanhu wawa, wenozaga nha wakuhemba nene, ninga kumbe ne zinghani zawo ho zisina nhunizo yo yose, ne zinhumbula zawo zili kunji caka. Ne cogopo cawo ca kuli'ne nghani ya bwete du, hambi wene nha wakutyatya wulajilize we wanhu, hamonga ne myoto yono wayizoweye nha vyono wakondya kwiyijiza.

2 Watemi 25:23

Nawo i wetumami, hamonga ne wasilikale, wono si weyilavya mu miwoko yo mutemi wa Babiloni, wali weza kuzihulika zizo, hodu, wakawa kubita kwilunza na Gedaliya ku Mizipa. Nawo wetumami wawa wali wo wano: Ishumayeli, u mwana wa Netaniya, na Yohanani u mwana wa Kaleya, na Selaya u mwana wa Tanhumeti munya cikaya ca Netofa, hamonga na Yezaniya munya Maaka.

Yelemiya 37:3

Mutemi Zedekiya yakamutuma Yehukali u mwana wa Shelemiya, hamonga na Zefaniya mukohani, u mwana wa Maseya, waze wanonjele nimulombe Muwaha Mulungu, u Mulungu wetu, ku soko ye nghungugo yetu.

Yelemiya 41:18

hodu, Yohanani hamonga ne wayagwe wose, wakatiziza ku Misili, ho wawe kutali ne Wababiloni. Na lono wabitaga ku Misili, wakamula kusimya nghambi yawo ha Cimuhamu, yono yali yili behi na Betelehemu.

Yelemiya 43:2

Nane nali neza kondya kuzilonga zizo zose, hobaho Azaliya u mwana wa Hoshaya, na Yohanani, u mwana wa Kaleya, hamonga ne wanhu wose i wedunhumuzi, wakawa kunonganga wakutya, “Gwe Yelemiya, awo wulambi wako du. U Muwaha Mulungu, u Mulungu wetu, hamba si yakulajilize yaye wuze wucilonjele, cilece kubita kwikala ku Misili ng'o.