Yelemiya 4:8 - Luganuzi Luswanu Kuli Wanhu Wose 2002

⁸ Holeka luno, muvwale magunila, mulile ko wusungu wuwaha. Ku soko vyono likuwo liwaha lyo Muwaha Mulungu, likali si nawaleka i wa Yuda.

Yelemiya 4:8 Referans Kwoze

Yelemiya 6:26

Nayo u Muwaha Mulungu yakuwatya nhavi, i wanhu wakwe, “Ale, le, muvwale magunila mwivutuse mu mavu. Mulile ko wusungu wuwaha, mulavye ne mahozi nha vyono munojeye, nho mwana we cilume, we ciwene. Ku soko yuyo mono kokuza no wuhile wo kumongomezenyi, nha kosumwa musunho du.

Isaya 22:12

Nayo Muwaha Mulungu we mihanga, yamucemenyi ho mulile ko wukalale, mucete mitwe yenyu, muvwale magunila.

Isaya 32:11

Hambi nha mwali mwizoweleze kwikala mwilejehile du, musina mahwele. Ninga luno, mucicime so woga! Mugazice anye nyo wacekulu wetagalici! Vulenyi myenda yenyu, mwitunje magunila mu viwino vyenyu.

Isaya 10:4

Hambi wose nha mowulajilwa ku wulugu, hamba mosolwa nhe wafungwa. Ninga hamba nhavivyo, likuwo lyo Muwaha Mulungu, si lyoduma ng'o, langa kojendelela kuwugolola muwoko wakwe ho yalipicize.

Isaya 5:25

Alu u Muwaha Mulungu, yakondya kuwakolelwa likuwo wanhu, wakwe, nalu yagoloye muwoko wakwe ho yawalipicize. Matunda golosinjisika, ne miwili ya wono wafwiye, yololekwa yipinile mu zinzila nha takataka. Ninga hamba nhavivyo, i likuwo lyo Muwaha Mulungu, hamba si lyolomalika yaye, u muwoko wakwe vyo wowa wugoloywe du, ho yajendelele kulavya wulipicizwe.

Amosi 8:10

Nolopitula zi sikukuu zenyu ziwe wukalale, ne zinyimbo zenyu ze nyemo ziwe cililo no wusungu. Nolomunozenyi munyonyole mitwe yenyu, no kuvwala magunila. Nanye molowa nha walezi wono wakulila so mwana wawo monga we cilume. Ne lizuwa lilyo, lyolowa lya wusungu sunga ko ku mudumo wayo.

Ezekiyeli 30:2

“Gwe go munhu, wuwawilile, wuwalonjele zono ane no Muwaha Mulungu nghulonga, wuwalonjele wuzozize wutye, I lizuwa lye nghakamo likuza!

Ezekiyeli 21:12

Gwe go munhu, wulile wuzozize muno ko wusungu, hambi u mumaje wuwu, nha wuwikanizwe so wanhu wangu, na so walongola wose wa Isilayeli. Hambi wose nha wowulagwa, hamonga ne wanhu wose wono wasigaye. Ale, witowaje mu mhambaga yako ko wusungu.

Yelemiya 48:20

Nawo womulonjelenyi watye, ‘Mowabu yakondya kugwa.’ ‘Holeka wose muyililile, hambi nha yakozwa cevu. Muyanzalikaje nghani yiyi ku Alenoni, muwalonjele nha vyono Mowabu yahodanjika!’

Yelemiya 30:24

Nalyo likuwo lilyo likali lyo Muwaha Mulungu, hamba si lyolowuka mbela yaye, sunga langa kolo lyakondya kwituma zose no kufisiliza wuhile wakwe. Ne wanhu wakwe, wolozitanga zizi, mu vilo vye ndumo.

Isaya 13:6

Mulile muno! Hambi lizuwa lyo Muwaha Mulungu nha lyasejelela, lizuwa lyono u Mulungu Mudaha vyose, koleta wongomezwe.

Isaya 9:21

Nawo i wanhu wa Manase na wa Efulayimu, wokwihoma weneco wose. Ninga kanyhi hanyuma, wokwilunza wayihome Yuda. Ninga hamba nhavivyo, likuwo lyo Muwaha Mulungu si lyoduma, yakali yawugoloye muwoko wakwe du ho yalipicize.

Isaya 9:17

Holeka nayo Muwaha Mulungu, hamba si kowaleka wazelelo wapone yaye. Kanyhi hamba si kowawonela lusungu i wacekulu wafwile, hamonga ne wana wono wasina walezi wawo. Hambi i wanhu wose nha weza wahodanji kanyhi wabi. Sunga na zose zono walongaga, vyo 'mbi du. Hamba nhavivyo likuwo lyo Muwaha Mulungu si lyoduma yaye, ninga muwoko wakwe wowa wugoloywe du ho yalipicize.

Isaya 9:12

Nawo Waashuli kono lubavu lwa kucilima, ne Wafilisiti kumwezi, wose wahame milomo yawo, wawamele Waisilayeli. Ninga hamba nhavivyo likuwo lyo Muwaha Mulungu, si linadumuka yaye, nayo vyo yakali yagoloye du muwoko wakwe ho yalipicize.

Zabuli 78:49

Yalileka likuwo lyakwe liwazize, hamonga no wukali, ne simbili no wugaye, hamonga ne litewa lye wamalayika wawulaji.

Wuwale 25:4

yakawa kumulonjela Musa yakatya, “Ale wasolaje walongola we Waisilayeli, na ku so cihuliko cako, wuwawulajile wose he'zuwa, nane ho ndece kuwakolelwa likuwo Waisilayeli.”

I Cililo 1:12

“Alu Yelusalemi yikumulilila munhu wo wose mono yakupuluta, yikutya, ‘Ta muwone! Hasina hamba yunji mono yatuga magayo mawaha gono genha gaga nha vyono ane ninha.’ Magayo gono Muwaha Mulungu yamheleye mwi'kuwo lyakwe.

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.

Yelemiya 25:34

Ale, mucenje lwanji, mulile anye nyo walongola, anye nyo wadimi we wanhu wangu. Mulile mwihindile muno muno! Mulile, mwigalagaze mu mavu. Hambi i vilo vyenyu vyo wuwulagwe wenyu, nha vyakondya kufika. Nanye mokasikwa nha nyama ya ngholo.

Mika 1:16

Anye nyo wanhu mono mwikaye Yuda, mucete zimvwili, mulile, ku soko ye wana wono muwendile. Mwinozezaje nyo weneco mihalu kotya 'ndi, hambi wana wenyu nha wohamywa no kutegulwa kutali na nyenye.