Yelemiya 4:6 - Luganuzi Luswanu Kuli Wanhu Wose 2002

⁶ Mutyatye nzila yono yidomile ku Sayuni! Mutize, ho mwiponye, mulece kucela! Hambi u Muwaha Mulungu nha koleta magazo hamonga no wongomele wuwaha ku wulawa ku lubavu lwa kusumuka.

Yelemiya 4:6 Referans Kwoze

Yelemiya 50:2

“Muyanzaje nghani yiyi mu makungugo! Muyiganule! Mwinule cipepela, ganulenyi! Mulece kuyihundika! Mulonje mutye, ‘Babiloni yisolwa!’ Beli yikozwa cevu! U mulungu wayo Maliduki, katulanjika! Ne vihwani viseswe vya Babiloni vyakozwa cevu, ne vihwani vyawo vye liwifyo vyono wavihembaga, alu vyabenanjika.

Yelemiya 51:27

“Mwinule bendela hacanyha so wihomi! Mutowe ne ndulele, i makungugo ho gahulice! Mugawikanize makungugo so wulugu, wayihome Babiloni! Muwalonjele sunga ne watemi wa Alalati na Mini, hamonga na Ashikenazi, wose wenjile mu milewo. Mulete zifwalasi, ziwe nyinji muno nhe matewa ge zinzije.

Yelemiya 51:12

Mwinule bendela mucanyha ye majinji ga Babiloni. Muwice wulindilizi we vilungo! Muwice walindilizi! Muwice wanhu wono wowa kugoza.” Hambi u Muwaha Mulungu, nha yakondya kwituma zinghani zono yalonga, nha vyono kowatendela wanhu wa Babiloni.

Yelemiya 25:9

‘Mulanje, ta! Nane nowatuma i wanhu wo lubavu lwa kusumuka, hamonga no mwitumami wangu Nebukadineza, u mutemi wa Babiloni. Waze wayihome yisi ya Yuda, ne wekazi wayo wose, hamonga ne makungugo gose gono gayipilime. Nane nolyongomezeza lukulu likungugo lili, hamonga ne wekalani wayawo wose, niwalece mu wongomele we cibitilila, wawe cinhu co kogofya no kuhowelezwa, hamonga no wucelewazwe wuwaha. Vyo nghutya ane no Muwaha Mulungu.

Yelemiya 6:22

U Muwaha Mulungu yakutya nhavi, “Ale, i wanhu wakuza wakulawa ku yisi yo lubavu lwa kusumuka, we likungugo lyono lili vilungo, wakwiwikaniza so wulugu.

Yelemiya 6:1

Ale, mutize ho mupone, anye nyo wanhu wa Benyamini! Muwuce mu Yelusalemi. Mutowe ndulele mu Tekowa, mwinule citanjilo co moto mu Beti-hakelemu. Hambi i mabi, hamonga no wongomezwe, nha vikuza vikulawilila ku lubavu lwa kusumuka.

Yelemiya 4:21

Alu, nojendelela kuwuwona wulugu wukali nhavivi sunga nili? Hamba nojendelela kuhulika mulilo we zindulele sunga nili lo!

Isaya 62:10

Holeka 'lu anye wanhu wa mu Yelusalemi, ale mulawile kunze ye likaya, mukayinozeleze nzila yono woyikola, i wanhu wono wakuwuya kono kaya! Muyinozeleze nzila mbaha, mugawuse mabwe gose! Muwicile ne citanjilo, makungugo gose ho gamanye,

Zefaniya 1:10

Mwi'zuwa lilyo yakutya Muwaha Mulungu, “Molohulika mazi ge cililo mu Yelusalemi, ha Mulango we Somba. Kanyhi molohulika cililo ciwaha mwi'tumbi lye kejete lye likaya, hamonga ne lizozo yiwaha mu matunda.”

Yelemiya 51:54

U Muwaha Mulungu yakutya nhavi, “Alu, muhulicize mazi ge cililo, gono gakulawa ku Babiloni, so wongomele wuwaha we'si.

Yelemiya 50:22

Ne mazozo go wulugu gakuhulikwa mu'si. Ho wuli wongomezwe wuwaha muno.

Yelemiya 21:7

Ninga agwe go mweneco, ne wetumami wako, hamonga ne wanhu wono wosigala, wono si wofwa ko wulugu, hamba nzala, hamba matamwa, anye wose nomulecenyi musolwe no mutemi Nebukadineza, hamonga ne wasilikale wakwe wono wali saka wakuwulaje. Nayo Nebukadineza kolokuwulaga 'gwe. Kanyhi hamba si kolosigaza munhu monga muli'nye. Hamba si kolomuwonelenyi lusungu, hamba ku munenelenyi yaye. Vyo nghutya, ane no Muwaha Mulungu.”

Yelemiya 18:11

Holeka luno, wuwalonjelaje i wanhu wa Yuda, hamonga ne wanyawusi wa Yelusalemi, nha vyono, nane nhondo, neza kwiwikaniza niwalipicize. Holeka wuwalonjele vyono, yiwanojeye walece kujendelela ne mikalile yiyo yo wituma wubi. Langa yiwanojeye luno wazipitule zinzila zawo, hamonga ne zimbi zono wakwituma.

Yelemiya 22:7

Hambi nha notuma wanhu wabite wakayongomeze, ne wanhu wawo, woteguliza hamonga ne zinhemo zawo, wakayitemanje ne mihagata, i mibici yayo miswanu muno, wayipembele mu moto.

Zakaliya 6:6

Ligali lyono likukwegwa ne zifwalasi zi nhitu, likubita ku lubavu lwe sumuka ku Babiloni, nazo zi nzelu zidomile ku lubavu lwa ku mwezi, nazo ze buli zikubita ku yisi ya ku lubavu lwa kutakama.

Yelemiya 10:22

Ninga luno ta muhulicize! Nghani yakondya kuza! Lanje, kowuli musindo muwaha muno, wukulawa ku yisi yo lubavu lwa kusumuka, ne lipuga lyayo lye wasilikale, lyogongomeza i makaya ga Yuda gawe nha nyika, hawe hanhu hono gowa kwikala macewe du.”

Ezekiyeli 9:1

Hobaho nghahulika Mulungu, yakucema ne 'zi yiwaha yakutya, “Anye nyo wanhu mono molyongomeza likaya, ale muze, muleteleze ne vitwalo vyenyu.”

Ezekiyeli 9:2

Hobaho baho du wakaza wanhu wali mutandatu, wakulawilila ku mulango we Nyumba yo Mulungu wo lubavu lwa kusumuka, akuno wose wadinghuye ne vitwalo vyawo. Na muli wene, mwali mo yuli yunji, mono yali yavwalile myenda ya bafuta, akuno yadinghuye cidawo co wino hamonga ne peni yo kwandicila. Na wose wakenjila, wakema ha cikumbicilo ce shaba.