Yelemiya 4:5 - Luganuzi Luswanu Kuli Wanhu Wose 2002

⁵ Ale, mutowe zindulele mu yisi yose ya Yuda, muzoze muno muno. Muwalonjele i wanhu wa Yuda na Yelusalemi, watizize mu makaya gono gena magomawakali.

Yelemiya 4:5 Referans Kwoze

Yelemiya 8:14

“Nawo i wanhu wo Mulungu wakwiwuza wakutya, ‘Alu mwene nye!’ Nhawulenyi lo cikaye cinyamaye twii. Alenyi cimanyhile mu makaya gono gena magomawakali cikafwile mumo. Hambi u Muwaha Mulungu, u Mulungu wetu, nha yakondya kuciling'aniziza wufwe. Hambi nha kacipela 'se sumu, ciying'we, vyono nase cituma wubi hali mwene.

Yelemiya 6:1

Ale, mutize ho mupone, anye nyo wanhu wa Benyamini! Muwuce mu Yelusalemi. Mutowe ndulele mu Tekowa, mwinule citanjilo co moto mu Beti-hakelemu. Hambi i mabi, hamonga no wongomezwe, nha vikuza vikulawilila ku lubavu lwa kusumuka.

Yoshuwa 10:20

Yoshuwa ne Waisilayeli, wakawawulaga no mumaje no kuwongomeza. Hamba nha vivyo, wanji wakehundika mugati ye majinji ge likaya, holeka siwawulagwa.

Hoseya 8:1

Muwaha Mulungu yakutya, “Towe ndulele lizi lye citanjilo! Hambi walugu nha wakuzumha hasi, nha numba, mu'si yangu! Wanhu wangu wabena icilagane cono nalagana nawo, wabedegala no wulajilize wangu.

Amosi 3:8

Lono simba yikukoloma, nani 'mbi mono si kebatwaga no woga? Na lono Muwaha yakulonga, alo nani mono kosuma kuleka kuyiganula inghani yakwe?

Amosi 3:6

Hamba ndulele yo wulugu ma, yotowa mu kaya, wanhu walece kogopa? Hamba nghani 'mbi ma, yosuma kwinjila mwi'kaya lono Muwaha Mulungu si yayitemizye?

Yelemiya 35:11

Ninga lono mutemi Nebukadineza yayisolela yisi, baho nase ho calamulila cize ku Yelusalemi, ciwe kutali ne Babiloni hamonga ne walugu we Cisiliya. Na yiyi yo soko yono yikuleka ase cili baha cikaye mu Yelusalemi.”

Yelemiya 11:2

“Alu Yelemiya, wuhulicize ta nghuloloseze i zinghani ze Cilagane cici. Nagwe wuwalonjele i wanhu wa Yuda na wa Yelusalemi,

Yelemiya 9:12

Ninga nane Yelemiya, nghamuwuza nghatya, “Alu Muwaha Mulungu, i nhunizo ye yisi yiyi, holeka yilekwe yinyale yiwe nha nyika cicici, sunga hamba no munhu wo wose yalece kukolela mu ciligati yayo? Alo we mahala mono kosuma kuzizuka zizi yo nani 'mbi? Hamba gwegwe go mweneco go Muwaha Mulungu, kumuloloseza nani lo, nayo ho yasume kuwalonjela na wanji?”

Yelemiya 5:20

U Muwaha Mulungu yakutya, Ale, wuwalonjelaje wo lulelo lwa Yakobo, hamonga ne wanhu wa Yuda, wutye,

Wuwale 10:3

Na kolo zindulele zose vyono nyejete, zikujendelela kulilila hamonga yidaha mututu, mhuga yose ye wanhu, wekongholele hali 'gwe, ha mulango we Lihema lyangu lyono Lyelile.

Ezekiyeli 7:14

Hambi ndulele nha yololila ho yiwawikanize wanhu wose. Ninga hasina hamba munhu monga mono kololawila yabite ku wulugu yaye, hambi likuwo lyo Mulungu nha lyolowagwila wanhu wose.

Yoweli 2:1

Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.

Wuwale 10:2

“Ale, wunoze ndulele nyejete za fweza yono nhyane. Nagwe wuzitumamile so wucemela wanhu wekongholele hamonga, na so wumwagula nghambi no kutuluka.

Isaya 28:19

Lyolomuzizenyi kali kenji nhondo zose hakali mitondo. Nanye mowa munojeye muwe no wukangalizi misi ne cilo. Ne nghani yo yose yono yolawa kuli Mulungu, yowa no wogofye wuwaha!