Yelemiya 4:4 - Luganuzi Luswanu Kuli Wanhu Wose 2002

⁴ Mukamise i cilagane cenyu cono calagana nanye, ane no Muwaha Mulungu wenyu. Kanyhi mwiyilavye kuli'ne nyenye nyo weneco, anye nyo wanhu wa Yuda na Yelusalemi. Ninga hono mwijelele du, mulece kunoza nhavivyo, likuwo lyangu lyokwaka nha moto, ku soko ye metumo mabi gono mwetuma. Na kolo likuwo lyangu lyaka, hasina hamba yunji wo wose mono kosuma kulituza yaye.”

Yelemiya 4:4 Referans Kwoze

Wukumbucize wo Wulajilize 10:16

Holeka alu, ku wulawilila zuwali, mweze muli cihuliko kuli Muwaha Mulungu, mulecele lukulu kuwa muli cibede.

Wakolosayi 2:11

Na mu wilunza hamonga na Kilisito, anye mwakondya kwalama, ninga si walame wono wukunozwa ne wanhu, langa u walame wono wukunozwa na Kilisito mweneco, u walame wa mu wukombozwe mu wuwe wo wubi.

Wukumbucize wo Wulajilize 30:6

Kanyhi Muwaha Mulungu, u Mulungu wenyu, komupelenyi nyenye hamonga ne wana wenyu nhumbula yono yina cihuliko kuli mwene, ho mumwende kwe zinhumbula zenyu zose, kanyhi ho mujendelele kwikala mu yisi yiyo.

Yelemiya 9:26

Wamisili, Wayuda, Waedomu, Waamoni, na Wamowabi, hamonga ne wanhu wono wekalaga mu nyika, wono wekalaga na mvwili fupi.” Hambi wanhu wawa wose, hamonga ne Waisilayeli wose, nha walame, ninga si wacikamise i cilagane cono wene walajiye citanjilo cayo. Holeka wakali nalama mu zinhumbula.

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Amosi 5:6

Mumubitilaje Muwaha Mulungu, nanye mowumipa. Ninga hono mwikale simumubitiye, mwene komukongojezenyi ne likuwo lyakwe nha moto nyo Waisilayeli. Moto wolowanyanya ne wanhu wa Beteli, hasina hamba yunji mono kolosuma kuwuzimya.

Zefaniya 2:2

lono mukali nawinjilwa kutali, kotya mawaje gono gapemheluswe ne mbeho, na lono likuwo lyo Muwaha Mulungu, lyono lihwanile moto likali si namuzizenyi, lizuwa lyono kololajila wukali wakwe.

Ezekiyeli 20:33

“Na mbeka ane nha vyono yo nene Muwaha Mulungu, mono nili Mulungu mumi, nghumusugulenyi nha vyono, nomutendelenyi anye mwi'kuwo lyangu, kwe vilungo vyo muwoko wangu, na kwe vilungo vyangu vyose.

Ezekiyeli 24:13

Gwe Yelusalemi, i metumo gako go wusenyha, gakondya kukwavufya. Nane hamba niwe najela kukweza, ninga hamba nhavivyo vyo wukali si nela yaye. Nane manyile nha vyono si kokwelela lukulu, sunga langa kolo wakondya kuwuwona wukali we likuwo lyangu.

I Cililo 4:11

Muwaha Mulungu yakalifisiliza likuwo lyakwe liwaha, yakayipembela moto Sayuni, yikapya yikakongojela ho hasi.

Ezekiyeli 24:8

Nane nghawa kuyileka sakami yiyo mucanyha ye litalawe, ho yilece kwihundika, ho likuwo lyangu likolele no kulipiciza.”

Ezekiyeli 16:38

Nane nokuling'aniza so wusenyha wako, no wuwulaji wako. Nghuwulajile mu wulipicize wukali we likuwo lyangu.

Ezekiyeli 8:18

Ninga wuwalekaje 'gwe, hambi nha wowuwona wukali we likuwo lyangu. Nane si nowaleka hamba kuwawonela lusungu yaye. Nawo hamba wandilile kwe mazi mawaha muno muno, ane hamba si nowahuliciza yaye.”

Ezekiyeli 6:12

Nawo wono wali ku zi'si zo kutali, wotamwa no kufwa, nawo wono wali baho behi, wowulagwa no wulugu. Nawo wono wowa wakali wasigaye, awo lizala lyowakopola. Nawo wose woliwona likuwo lyangu vyono linha.

Yelemiya 36:7

Na lunji wosuma kumulomba Muwaha Mulungu, no kupituka no kuzileka zinzila zawo i zimbi. Hambi u Muwaha Mulungu nha kakondya kuwogofya muno i wanhu wawa, kwe likuwo lyakwe liwaha, hamonga no wukali wakwe.”

Yelemiya 23:19

Ninga likuwo lyakwe lyo mukukunzo, lyono linha mbeho nghali, lyowaziza i wabi wose.

Yelemiya 21:5

Nane nokwihoma nagwe kwe vilungo vyangu vyose, na kwe likuwo lyangu liwaha, hamonga na ko wukali wangu wose.

Isaya 51:17

Gwe Yelusalemi, ta wusinhuce ye! Wukulumhuce winuce! Alu wagala cikombe co wulipicizwe cono Muwaha Mulungu yakung'weseze mwi'kuwo lyakwe wung'we. Nagwe 'lu wakondya kung'wa wagala, nalu weza wakupebesuka so wugale.

Walawi 26:28

Nane nomuzizenyi mwi'kuwo lyangu, nokonjeleza wulipicizwe wenyu mu nzila mbi muno muno kali mupunghati si nha wa halulongozi.

Ezekiyeli 21:17

Nane nhavivilya, notowa maganza gangu, ne likuwo lyangu nhondo ho lyomalika. Vyo nghulonga nene no Muwaha Mulungu.”

Ezekiyeli 18:31

Muwutajilaje lukulu u wubi wenyu wose wono mwetumaga, mwinozeze nhumbula mhya, no muhe mupya. Alu anye nyo Waisilayeli, nhawulenyi mukwiyambalila ne lifwa?

Wukumbucize wo Wulajilize 32:22

Likuwo lyangu nane lyokwaka nha moto nalyo lyovitakamiza vinhu vyose mono'nze. Lyovificila na vyose vyono vili hasi ku yinze ye wafu, no kuyitakamiza ne misinji ye matunda.

Walumi 2:25

Ninga u walame wako wowa wina cambuzi, hono uwitume u Wulajilize. Ninga hono wukuwubena u Wulajilize, yali yiwe yili ciba, hono wali wikale si walame.

Walawi 26:41

wakeyambuza weneco, nane nghawaleka wabite ku wuwinjilizwe mu yisi ye walugu wawo. Ninga hanyuma, kolo i wana wenyu wakwinenenyheza no kuvumila wulipicizwe, so wubi wawo, hamonga no wubedegazi wawo,

Isaya 10:17

U Mulungu mono wo wuzelu we Waisilayeli, kolowa moto, u Mulungu mono yelile we Waisilayeli, kolowa malambi ga moto, mono kolovitakamiza vyose mwi'zuwa limonga, hamonga ne mamivya ne mabijili.

Isaya 30:33

Ne likombo lyo moto muwaha, lyakondya kuwikanizwa ku wulawa katali, i hanhu hono kolotakamizizwa u mutemi wa Ashuli. Ne likombo lilyo yitali, kanyhi yigazi muno, nalyo limemile lilundo yiwaha lya ngwagu. Nayo Muwaha Mulungu kololyehelela, no mwehelo wakwe wolowa malambi ga moto, gono gololikoleleza moto likombo lilyo.

Yelemiya 9:25

U Muwaha Mulungu yakutya nhavi, “I vilo vikuza, lono nolowalipiciza i wanhu wose wono walame mu miwili du,

Yelemiya 44:22

Kanyhi mulanje nha vyono, ne yisi yenyu yakondya kuwa matongo, hasina hamba munhu mono yekaye mumo. Hambi nha ceza cinhu ca kogofya muno. Sunga ne wanhu weza kulitumamila litagwa lyayo nha wulijitwe. Hambi u Muwaha Mulungu, nha si kosuma kujendelela kuwukangalila u wubi wenyu, hamonga ne mabi genyu gono mukwituma.

Ezekiyeli 44:7

Hambi nha wawenjiza mu Nyumba yangu i wajenzi wono si walame, wono wasina cihuliko kuli'ne, ho wawe mugati, mwi'pango lono wakundavizya mafuta ne sakami vye makumbiko, vyono vikulavywa kuli'ne. Na mu nzila yiyo, wakawa kuyavufya Nyumba yangu. Holeka i wanhu wangu wakondya kucibena i cilagane, ku soko ye makani gawo gose ge mawifyo gono wakwituma.

2 Zinghomo 34:25

Hambi nha wakondya kunema'ne, no kuyilavizya makumbiko milungu yinji. Holeka nane, wakondya kunghoza likuwo so zose zono wetumile. Nakondya kuyikolelwa likuwo Yelusalemi, ne likuwo lyangu, hamba si lyowuka yaye.

Yelemiya 15:14

Kanyhi nolowanoza wawetumamile i walugu wawo, mu yisi yono si wayimanyile yaye. Hambi likuwo lyangu nha linha moto, nalyo lyojendelela kwaka cibitilila.”