Yelemiya 4:2 - Luganuzi Luswanu Kuli Wanhu Wose 2002

² ale, yowa viswanu kuli'nye mwilahizize mwi'tagwa lyangu. Na mu nzila yiyo i makungugo gose wosaka'ne, niwapele wulugutwe, nawo womhela lukumyo.”

Yelemiya 4:2 Referans Kwoze

Isaya 65:16

No munhu wo wose wa mu'si, mono kosaka wumoteswe, kololomba yapegwe wumoteswe no Mulungu Mwihuwilwa. No munhu wo wose, mono kokwilahiza, kolokwilahiziza mwi'tagwa lyo Mulungu Mwihuwilwa. Ne magazo ga mu vilo vye katali, gose golomalika no kugasemwa.”

Yelemiya 9:24

Langa mono yakwikumya, yekumyaje ku soko vyono yakondya kumanya'ne, hamonga no kunyizuka. Hambi u wendo wangu nha si wupitukaga yaye, nane nitumaga ze ling'ani na zo mugoloka. Na zizi zo nghani du zono zinyendezaga. Vyo nghutya ane no Muwaha Mulungu.”

Mwamulizo 22:18

Na muli lulelo lwako, imakungugo gose mo golugutizizwa vyono agwe kulihulika lilajilizo lyangu.”

2 Wakolinto 10:17

Nha vyono i Mandiko gakulonga gakutya, “U munhu wo wose mono yakusaka kwilumba, yimunojeye yelumbile muli yono yetumo Muwaha.”

1 Wakolinto 1:31

Ale, nha vyono i Mandiko Gono Gelile gakutya, “Holeka mono yakusaka kwilumba yelumbilaje du u mulimo wo Muwaha.”

Wukumbucize wo Wulajilize 10:20

Holeka munojeye mweze ne cihuliko kuli Muwaha Mulungu, u Mulungu wenyu, muwe kumuhemba mweneco yali wene du. Kanyhi mweze muli wehuwilwa kuli mwene, kanyhi mweze kwilahiziza mwitagwa lyakwe mweneco du.

Wagalatiya 3:8

I Mandiko Gono Gelile gakulajila vyono, u Mulungu kowanoza i wanhu wono si Wayahudi ho wavumilwe hali mwene mu nzila yo wihuwilo. Holeka i Mandiko Gono Gelile galongola kumulonjela Abulahamu u Luganuzi Luswanu gakutya, “I wanhu wose wono si Wayahudi wolomotesezwa muli gwegwe.”

Yelemiya 12:16

Nawo hono wawuvumile mu zinhumbula zawo u wuhembi we wanhu wangu, kanyhi welahize wawe kutya, ‘Nha vyono Muwaha Mulungu kekalaga mumi,’ nha vyono nawo wali wawafunda i wanhu wangu, kwilahiza kuli Baali, ale, nawo baho, nhondo ho wowalilizwa hamonga ne wanhu wangu, no kumoteswa.

Isaya 45:25

Nene no Muwaha Mulungu nolowaponya we ndelo yose ya Yakobo, nawo wolonghumya no kunumbiza nene du.

Zabuli 72:17

Litagwa lyo Mutemi, lyeze no lukumyo vilo vyose, no lukumyo lwakwe lwikale sunga ha nghango, yo wung'alale we lizuwa. Ne makungugo gose, gamoteswe muli Mwene, sunga ne wanhu wose wamutye yo mumoti.

Zakaliya 8:8

Niwagomole wose wa ku wulawilila ku cilima sunga ko ku mwezi wawuye wekale mu Yelusalemi. Nawo wowa wanhu wangu, nane nowa Mulungu wawo, mono nowadimila mu mbeka na mu ling'ani.

Isaya 45:23

No wihuwizo wangu wa mbeka, hamba si wopituka yaye. Kanyhi nelahiza, nghehuwiza ko mulomo wangu nha vyono wanhu wose wolokuza wafugamile nene, wehuwize nha vyono wowa wali cihuliko kuli'ne.

1 Watemi 3:6

Nayo Solomona yakapitula yakatya, “Nhondo zose, walajilaga wendo wuwaha, kuli baba Dawudi u mwitumami wako, nayo yakawa munhu muswanu, mono yali cihuliko, kanyhi yakawa no winenenyhezi wuwaha kuli'gwe. Nagwe wukajendelela kumulajila zo lusungu lwako luwaha, wukamupela mwana we cilume, mono aluno yawuhaliye wutemi wakwe.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

Hoseya 2:19

Gwe Isilayeli, ane nolokunoza wuwe mugolece wangu, Nolowa nili wa mbeka no wihuwilwa, Nolokulajila wendo wuwaha no lusungu.

Yelemiya 5:2

Hamba yiwe mukwiyitya mukumuhemba Muwaha Mulungu, ninga mukwilonjela caka du, hamba si mukulonga mbeka.

Zabuli 99:4

Gwe go mutemi mono wulawiliciye, go mwenda wiling'ano! Kuwukangaza wiling'ano muli Isilayeli, kuleta wiling'ano ne ling'ani.

Wukumbucize wo Wulajilize 4:30

Nanye kolo mwenjila mu magayo, ne zinghani zizo zose zakondya kumwaganenyi, nhondo, ho molomuwuyila Muwaha Mulungu, kanyhi ho molomuhulika.

Lutu 3:13

Holeka wugone baha sunga wele, nane kolo wela, ho nowona hono munhu yuyo kosuma kukudima hamba ng'o. Na hono yiwe vyo yinha, ale yowa nghani swanu, na hono yilece kusumika, ale hodu. Nane nghwilahiza hali Muwaha Mulungu mumi, nha vyono nene nokudima.”

Yelemiya 3:17

Ne vilo vivyo kolo vyakondya kuza, Yelusalemi nhondo, yolocemwa, ‘I ligoda lyo wutemi lyo Muwaha Mulungu.’ Ne makungugo gose golokwikongholela baho gawe kuhemba nene du. Nawo lulo, hamba si wolokwitumila lukulu kanyhi za mu cibede cawo, hamba i zimbi za mu zinhumbula zawo.

Yelemiya 7:5

“Ninga langa muyipitule nzila yenyu ye mikalile yono mwikalilaga, mulecele lukulu kwituma i zimbi zono mwitumaga. Muwe kwitendela ze ling'ani munhu na muyagwe.

Yelemiya 10:10

Ninga agwe go Muwaha Mulungu, nha yo gwegwe du, go Mulungu we mbeka, yo gwegwe du go Mulungu mumi, kanyhi yo gwegwe du go mutemi we cibitilila. Na lono wuwe wakolwa ne likuwo, i yinze yicicimaga, sunga ne makungugo, si gakuwa kusuma yaye kulikangalila likuwo lyako.

Yelemiya 12:15

Nane kolo nakondya kuwawusiza lukulu, ale, baho langa nane ho nolowawonelela nawo lusungu, niwagomole kanyhi mu zi'si zawo, wanhu na yisi yawo.

Yelemiya 16:19

Gwe o Muwaha Mulungu, yo gwegwe du mono kundimaga, no kumhela vilungo, kanyhi yo gwegwe du mono kumhelaga wutazi mu mapango go wugaye. Ne makungugo nha golokuziza gakulawa mu zimhelo zose ze yinze wawe kutya, “I walezi wetu hamba si wahala cinji, langa wahala i milungu yo wulambi, hamonga ne vihwani viseswe, vyono visina hamba cambuzi co cose.

Yelemiya 33:9

Naho ha Yelusalemi, holowa wo mwamulizo wo wusangalale, ne cogopo, hamonga no lukumyo ku soko yangu. Ne makungugo gose ga mono'nze, golokwinjilwa no woga no kucicima, kolo gakuzihulika ziswanu zose zono nghuwatendela i wanhu wa Yelusalemi, hamonga no wumoteswe wono nghuliletela likaya.”

Yoweli 2:12

Alu Muwaha Mulungu yakutya, “Munene mu zinhumbula zenyu mumhitucile nene, ko wuleka kulya, no wulila muno.

Wukumbucize wo Wulajilize 6:13

Munojeye mweze ne cogopo kuli Muwaha Mulungu, u Mulungu wenyu, mumuhembe mweneco du yali wene, sunga no wihuwizo wenyu wose, mweze kuwunozeza mwi'tagwa lyakwe mweneco du.

1 Samwili 20:3

Ninga Dawudi yakamupitula yakatya, “U sogo yamanyile mbeka mbeka, nha vyono agwe wunyendile muno, na ku soko yiyo si yali yadahile kukulonjela zono yakuhila kunhendela, hambi nagwe nha wali wutamiswe muno mu nhumbula yako. Ninga nghwihuwiza hali'gwe mwi'tagwa lyo Mulungu mumi, vyono yisigaye nghanzo monga du ha ciligati yangu ne lifwa!”

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”