Yelemiya 4:16 - Luganuzi Luswanu Kuli Wanhu Wose 2002

¹⁶ I wanhu wawo, waza kuwasugula we makungugo, no kuwalonjela wono wekaye mu Yelusalemi, nha vyono i walugu wakuza, wakulawa ku yisi yo kutali. Ne walugu wawo kolo wakuza, wologazozeza i makaya ga Yuda.

Yelemiya 4:16 Referans Kwoze

Ezekiyeli 21:22

Ale! Luno, yayibata songa mu muwoko wakwe wo kulume yono yandicigwe ‘Yelusalemi!’ Nayo songa yiyo yikumulonjela yabite yakawikanize vinhu vyo kugakumulila majinji, yazoze lizozo lyo wulugu, yakawice mu milango vinhu vyo kukumulila majinji, yawice matuta go muhangha, yahimbe ne makombo.

Yelemiya 5:15

Nye nyo wanhu wa Isilayeli, u Muwaha Mulungu koleta likungugo ku wulawa kutali, lize limuhomenyi. Ne likungugo lilyo lyowa lili vilungo muno, kanyhi lya katali. Likungugo lyono ne milonjele yalyo, anye si muyimanyile yaye.

Isaya 39:3

Hanyuma muwizi Isaya yakamubitila mutemi Hezekiya yakamuwuza yakatya, “Alu wanhu wawa walawa hayi, na kanyhi wakulonjela cici?” Nayo Hezekiya yakapitula yakatya, “Wanhu wawa, walawa yisi ya kutali muno muno, yisi ya Babiloni.”

Yelemiya 50:2

“Muyanzaje nghani yiyi mu makungugo! Muyiganule! Mwinule cipepela, ganulenyi! Mulece kuyihundika! Mulonje mutye, ‘Babiloni yisolwa!’ Beli yikozwa cevu! U mulungu wayo Maliduki, katulanjika! Ne vihwani viseswe vya Babiloni vyakozwa cevu, ne vihwani vyawo vye liwifyo vyono wavihembaga, alu vyabenanjika.

Yelemiya 39:1

Na mu mwezi we likumi, wa mu mwaka we licenda, lono Zedekiya yali yatemile mu Yuda, Nebukadineza u mutemi wa Babiloni, yakawa kuza ku Yelusalemi, hamonga ne lipuga lyakwe lyose lye wasilikale, wakawa kuyihoma Yelusalemi.

Yelemiya 31:10

U Muwaha Mulungu yakutya nhavi, “Nye nyo we zinghungugo, muhulicizaje ye, muziganule zinghani zangu, sunga ko ku vizingwa vyo kutali. Hambi 'ne, nha naweyagaza wanhu wangu, ninga luno nowakongholela wose hamonga. Niwakamise nha vyono mudimi kakamisaga litewa lyakwe.

Yelemiya 16:6

Nawo i wagoli ne waciwa, wose wofwila mono yisi yiyi du, na holowa hasina hamba munhu monga mono kolowalilila, hamba kuwazika yaye. Kanyhi holowa hasina hamba munhu monga mono kolokwisalanga-salanga mu muwili wakwe, hamba kwiceta mu mutwe wakwe, ho yalajile wukalale wono yena nawo mu nhumbula yakwe ku soko yawo.

Yelemiya 6:18

Na ku soko yiyo, nayo Muwaha Mulungu yakutya, “Ale, muhulicize ta anye nyo makungugo, muwone cono cowaziza i wanhu wangu.

Yelemiya 5:6

Na yiyi yo soko yono yoleka simba zilawe mu mbago zize ziwawulaje, nago maminzi gololawa mu nyika gaze gawahawanje no kuwalubutula mhonje mhonje. Nago masuwi golokwiwendya-wendya mu zikaya zawo. Nawo wanhu hono waze walawile kudeha, gaze gawahawanje nhugu nhugu, hambi u wubi wawo nha winji muno. Nawo wakacila kumuleka Mulungu yizuwa ne'zuwa.

Yelemiya 4:17

Woloyipilima Yelusalemi nha wanhu wono wawulindilize mugunda, hambi i wanhu wayo, nha wakondya kumbedegala ane no Muwaha Mulungu. Vyo yakutya u Muwaha Mulungu.

Yelemiya 2:15

Alu lanje, wakumukolomela wenha simba. Ne yisi yakwe, wayinoza yawa nyika, ne vikaya vyayo, vyaweza matongo du, gono gagwiye hasi no kulekwa.

Isaya 34:1

Alu muze nye nyo wanhu we makungugo gose! Mwihangulize hamonga muhulicize. Nagwe go yinze, hamonga ne wanhu wose mono mwikaye mumo, muze muhulicize.

Yelemiya 1:15

Hambi 'ne, nha nogacema i makungugo gose, gono gekalaga ku lubavu lwa kusumuka, gaze. Ne watemi wawo, wologasimya i magoda gawo go wutemi, mu malango ga Yelusalemi, no kwidoma ne majinji gayo gose, mbavu zose. Hamonga no kugapilima i makaya gose ga Yuda.

Yelemiya 8:19

Ale, hulicizenyi anye mono muli mu yisi yose. Hambi 'ne nha nghucihulika cililo ce wanhu wangu wakulila wakutya, “Alo mwene u Muwaha Mulungu yeza yali kusina kuko ku Sayuni? Hamba u mutemi we Sayuni, yeza yali kusina kuko?” Nayo u Muwaha Mulungu, u mutemi wawo yakupitula yakutya, “Nhawulenyi nanye mwanghoza likuwo, ku soko yo wuhemba vihwani wenyu, hamonga no winamila i milungu yenyu ye cijenzi, yono yisina wutazi wo wose?”

Yelemiya 6:19

Nagwe go 'si, wuhulicize! Wuwone vyono neza kugalipiciza i mahweso gawo, no kuwongomeza i wanhu wawa, hambi nha wagalema i mejizo gangu, hamba kuzibocela yaye zinghani zangu.

Yelemiya 6:22

U Muwaha Mulungu yakutya nhavi, “Ale, i wanhu wakuza wakulawa ku yisi yo lubavu lwa kusumuka, we likungugo lyono lili vilungo, wakwiwikaniza so wulugu.

Yelemiya 6:23

Wakondya kwibata no wupinde wawo mu miwoko, hamonga ne mimaje yawo. Kanyhi wene, wo wanhu wakali muno, kanyhi wasina hamba lusungu yaye. Nawo wakukoloma wenha i mawingo ge lilenga lono wapandile mu zifwalasi zawo. Nawo wakondizye kwiwikaniza waze wayihome Sayuni.”