Yelemiya 4:12 - Luganuzi Luswanu Kuli Wanhu Wose 2002

¹² Langa yowa mbeho yono yikuziza mu wulajilize wo Muwaha Mulungu. Nayo yowa mbeho yono yili vilungo muno si nhe civulavumbi! Nayo yo Muwaha Mulungu du, mono kolavya ze ning'aniza kuli wanhu wakwe.

Yelemiya 4:12 Referans Kwoze

Yelemiya 1:16

Nane, nowalipiciza i wanhu wangu, ku soko yo wubi wawo wono wetuma. Hambi nha wandeka 'ne, wakawa kuyilavizya makumbiko, i milungu yinji, kanyhi wakenozeza ne vihwani viseswe, no kuvihemba.

Ezekiyeli 5:8

Holeka luno ane no Muwaha Mulungu, nghumulonjelenyi vyono, ane nawa nili mulugu wenyu. Nomulipicizenyi ko wulipicizwe wono i wanhu we makungugo gose wowuwona calinze.

Zabuli 11:6

Nayo kowalagaziza i wabi, makala go moto ne cibiliti, ne mbeho nghali muno muno, yowa co cilipicizo cawo.

Yelemiya 4:11

Na mu vilo vivyo, i wanhu wa Yelusalemi, wololonjelwa nha vyono, i mbeho yo moto yikuputa, yikulawa ku nyika yikuwaziza wene. Kanyhi hamba si mbeho du, yono yinha civulavumbi cono ciputaga du no kweza, aa ng'o.

Yelemiya 4:13

Ale, wulanje ta, i walugu wakuza wenji muno wenha mavunde. Ne magali gawo go wulugu, gehwanile libeho lyono likupilima-pilima, sunga ne zifwalasi zawo, zikumangha musunho muno muno kuciza 'ndi. Woyi hee! Alu langa cajilila! Alu ho cawona wusungu!

Yelemiya 51:1

U Muwaha Mulungu yakutya nhavi, “Noleta libeho lyo wuhodanje, mu yisi ya Babiloni, na muli wanhu wayo.

Hoseya 13:15

Nayo Isilayeli, hamba yawe yaficile nhe mabalwe, ane noleta mbeho ya kucilima kulawa mu nyika yono yili moto, nayo yonyaza mivwilo yawo ye malenga, hamonga ne masima. Nayo yolovipemhelusa vinhu vyose vyono vikwendeza.

Habakuki 1:11

I wanhu wawa wono i vilungo vyawo yo mulungu wawo, wopuluta musunho nha mbeho, hanyuma wawe kubita.”