Yelemiya 4:11 - Luganuzi Luswanu Kuli Wanhu Wose 2002

¹¹ Na mu vilo vivyo, i wanhu wa Yelusalemi, wololonjelwa nha vyono, i mbeho yo moto yikuputa, yikulawa ku nyika yikuwaziza wene. Kanyhi hamba si mbeho du, yono yinha civulavumbi cono ciputaga du no kweza, aa ng'o.

Yelemiya 4:11 Referans Kwoze

Hoseya 13:15

Nayo Isilayeli, hamba yawe yaficile nhe mabalwe, ane noleta mbeho ya kucilima kulawa mu nyika yono yili moto, nayo yonyaza mivwilo yawo ye malenga, hamonga ne masima. Nayo yolovipemhelusa vinhu vyose vyono vikwendeza.

Ezekiyeli 17:10

Heya, mbeka, muzabibu wakondya kuhadikwa, ninga wule, wojendelela kuwiluka hongo? Hamba si wosuma kunyazwa ne mbeho ya kucilima kolo yeza kuwuputa? Hamba lunji kunyalila baho hono ho wuli, hono wukuwilucila?”

Luka 3:17

U mwene yenha munhu mono yebate luheneko mu mawoko gakwe, ho yezeze lukulu cuga cakwe, no kututicila wuhemba mu nyumba yakwe; ninga mawaje yagaticimize no moto wono si wuzimaga.”

Matayo 3:12

U mwene yebate u luheneko mu mawoko gakwe, ho yezeze lukulu icuga cakwe, no kuwututicila u wuhemba mu nyumba yakwe, ninga i mawaje kogaticimiza no moto wono si wuzimaga.”

Hoseya 13:3

Holeka wanhu awa wokwajilila nhe nghungulyosi lya hakali mitondo, nhe buhe yono yikunyala musunho. Wowa kotya mawaje gono gapemheluswaga ne civulavumbi mu cuga. Kanyhi kotya lyosi lyono likulawa ha mafigwa.

Ezekiyeli 19:12

Ninga so likuwo, wukakulwa hamonga ne milela yayo, wukagwiswa hasi. Ne mbeho ya kucilima, yikayinyaza mikalo yayo. Ne manhambi gayo, gakabenanjika gose, gakanyala, gakapembelwa mu moto.

I Cililo 4:6

Ne wanhu wangu watuga wulipicizwe wuwaha muno si nhe wanhu wa Sodoma, wono wepamila ne lifwa lye nhinicizo mu muwoko wo Mulungu.

I Cililo 4:3

Sunga ne macewe nha gakuwa kosa mana gayo. Ninga wanhu wangu weza wakali, wenha nyacihema ya mu nyika.

I Cililo 3:48

Ne meso gangu, gakuhuluma makolongo ge mahozi, ku soko yo wongomele we wanhu wangu.

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

Yelemiya 23:19

Ninga likuwo lyakwe lyo mukukunzo, lyono linha mbeho nghali, lyowaziza i wabi wose.

Yelemiya 14:17

U Muwaha Mulungu yakandajiza niwalonjele wanhu zo wukalale wangu niwatye nhavi, “I meso gangu gasuluze mahozi misi ne cilo, galece kuduma yaye, hambi i wanhu wangu nha watuga nghomele kanyhi watamiswe muno muno.

Yelemiya 9:7

Ku soko ya zizo, holeka nayo u Muwaha Mulungu we mihanga yakutya nhavi, “Noweza wanhu wangu nha shaba, niwajele. Hambi i wanhu wangu nha wetuma zinghani zimbi, alu ho niwanoze nhawule?

Yelemiya 9:1

Na mbeka, nali nyende u mutwe wangu wanda wuwe yisima lya malenga, ne meso gangu galavye mivwilo ya mahozi, ho sume kulila misi ne cilo, ku soko ye wanhu wangu wono wakondya kuwulagwa.

Yelemiya 8:19

Ale, hulicizenyi anye mono muli mu yisi yose. Hambi 'ne nha nghucihulika cililo ce wanhu wangu wakulila wakutya, “Alo mwene u Muwaha Mulungu yeza yali kusina kuko ku Sayuni? Hamba u mutemi we Sayuni, yeza yali kusina kuko?” Nayo u Muwaha Mulungu, u mutemi wawo yakupitula yakutya, “Nhawulenyi nanye mwanghoza likuwo, ku soko yo wuhemba vihwani wenyu, hamonga no winamila i milungu yenyu ye cijenzi, yono yisina wutazi wo wose?”

Isaya 64:6

Nase wose cili wanyo wubi, sunga ne metumo getu gono gakwijela nha maswanu, gose gatipiye du. Na ku soko yo wubi wetu, ceza cihwanile nhe mahamha gono ganyalile gakuputwa no kupemheluswa ne mbeho.

Isaya 41:16

Nanye mogesa mucanyha, nayo mbeho yogapemhelusa, nago gokwiyagazwa ne civulavumbi. Nanye baho nhondo, ho mosangalala, hambi ane nha yo nene mono nili Mulungu wenyu nanye nhondo, ho momhela lilumbo ane mono nelile, u Mulungu wa Isilayeli.

Isaya 27:8

Langa Muwaha Mulungu, yawalipiciziza wanhu wakwe, mu nzila yo kuwahamya no kuwategula ku yisi yo wujenzi. Lono yawahwajiliza no mukukunzo we mbeho nghali ya kucilima.

Isaya 22:4

Alu ta, mundekaje niwalilile ko wusungu wanhu wangu wose wono wakondya kufwa, hamba mulece kusindamika yaye.

I Cililo 4:10

Ne magayo gono gawaziza wanhu wangu, galeta wogofye wuwaha muno. Hambi i wacekulu wono wali wawendile muno wana wawo, nha wakawateleka wana wawo, ho watuje ndigwa yo kulya.

Zabuli 11:6

Nayo kowalagaziza i wabi, makala go moto ne cibiliti, ne mbeho nghali muno muno, yowa co cilipicizo cawo.

Yelemiya 4:12

Langa yowa mbeho yono yikuziza mu wulajilize wo Muwaha Mulungu. Nayo yowa mbeho yono yili vilungo muno si nhe civulavumbi! Nayo yo Muwaha Mulungu du, mono kolavya ze ning'aniza kuli wanhu wakwe.

Yelemiya 13:24

Ninga luno u Muwaha Mulungu, kokwiyagaza ako na ako nhe mahanze, gono gakuwa kupemheluswa ne mbeho ya mu nyika.

Habakuki 1:6

Nane nghuwanoza Wababiloni wawe ne vilungo kanyhi wakali, kanyhi wali nghakamo. Nawo wokola haciligati ye yinze, no kutema zi'si zi'si.

Habakuki 1:11

I wanhu wawa wono i vilungo vyawo yo mulungu wawo, wopuluta musunho nha mbeho, hanyuma wawe kubita.”

Hoseya 4:19

Wolosolwa nha wakukwenghwelezwa ne mbeho, nawo wolokozwa cevu ku soko ye makumbiko gawo ge vihwani.”