Yelemiya 4:10 - Luganuzi Luswanu Kuli Wanhu Wose 2002

¹⁰ Nane nghamupitula nghatya, “Gwe go Muwaha Mulungu, alu wawakonga i wanhu wawa wa Yelusalemi! Hambi nha wawatya vyono holowa ho wuli mulamu du, ninga mumaje wolowa muwicilize ha mimelo yawo.”

Yelemiya 4:10 Referans Kwoze

Yelemiya 5:12

I wanhu wo Muwaha Mulungu wakondya kumulema Mulungu wawo, akuno wakutya, “Hambi nha si kosuma kwituma cinji. Nase hamba si cosuma kutuga magaziko yaye, hamba si cosuma kuwa no wihomi, hamba kutuga nzala yaye.”

Isaya 37:35

Nane nolidima likaya lili no kulikamisa, ku soko ye lilumbo lyangu, na ku soko yo wihuwizo wono namwihuwiziza Dawudi u mwitumami wangu.”

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

Walumi 1:26

Ku soko yiyo, holeka u Mulungu yakawaleka, ho wawutyatye u wusulumizi wubi. Sunga ne wacekulu nawo wakukawaniza inyituma yono vihwanile ne mumbwa ye miwili yawo, kuli zono si zihwanile ne mumbwa.

Walumi 1:24

Holeka u Mulungu nayo, yawaleka watyatye u wusulumizi wubi, wa mu zinhumbula zawo, no kwiyituma izinghani ze cevu weneco wose mu miwili yawo.

Ezekiyeli 11:13

Nane, Ezekiyeli lono nawilaga, baho du Pelatiya yakagwa hasi yakafwa. Nane hobaho nghawa kwigwisa hasi wugubama, nghazoza nghatya, “Gwe go Muwaha Mulungu, alu mwene, ho kowawulaga wanhu wose wono wakali wasigaye mu yisi ya Isilayeli?”

I Cililo 2:21

Alu i wadodo ne wakombi, wose nha wagwiye wafwiye mu zinzila. I wazelelo hamonga ne wacekulu, wose wakondya kuwulagwa ne mimaje ye walugu. Kuwawulajila mwi'zuwa lye likuwo lyako, wusina hamba lusungu.

Yelemiya 32:17

“Gwe go Muwaha Mulungu, hambi nha yo gwegwe du mono wawumba wulanga ne yinze, kwe vilungo vyako na ko wusume wako. Hambi nha hasina nghani yinji yo yose nghamu hali 'gwe.

Yelemiya 23:17

Wene wakuwalonjela i wanhu wono wasina cihuliko kuli'ne, nha vyono zose zowawela swanu du. Na kanyhi wakuwalonjela wose wono wasina cihuliko, nha vyono magayo go gose si gowagana yaye.”

Yelemiya 8:11

Wakuziwona zinghomele ze wanhu wangu nha wikubule kubule du wudodo. Hanyuma wawa kutya, ‘Aa! Zose swanu du,’ na kumbe hasina swanu hamba monga.

Yelemiya 6:14

Na kanyhi wakuziwona zinghomele ze wanhu wangu, kotya nha wikubule-kubule du wudodo. Hanyuma wawa kutya, ‘Aa! Zose swanu du.’ Na kumbe, hasina swanu hamba monga.

Yelemiya 4:18

Nagwe Yuda, yo gwegwe mono wileteye zizi go mweneco, ku soko ye mikalile yako mibi, na ku soko ye makani gono wetuma. No wubi wako wo wukuleteye magazo gaga, nago gokucinya sunga mo mu nhumbula yako.

Yelemiya 1:6

Nane nghamupitula nghatya, “Gwe go Muwaha Mulungu, ane nha si manyile lu kulonga, nha nghali nili mudodo muno.”

Isaya 63:17

Alu socici lu wukucileceleza cipatuce mu zinzila zako? Hamba socici lo, wukucileceleza ciwe cisina cihuliko no kukuleka? Alu wuwuye ku soko ye wetumami wako na ku soko ye wanhu wono wawezaga wako nhondo zose.

Isaya 30:10

Wakuwalonjela wawizi wanyamale twii, wakutya, “Anye nyo wawizi, mulece kucilonjela za hayi ze ling'ani. Langa mweze kucilonjela zono na sese cosaka cizihulice. Mucilekaje 'se cijendelele no wukoci wetu.

Wutuluce 9:14

Kanyhi wumanye nhondo vyono muhinzo wuwuno, hamba si nowalipiciza wetumami wako wali wene du, langa nokulipiciza sunga na gwegwe go mweneco, nagwe ho wumanye nha vyono hasina hamba monga mono yinze yiyino yose, mono yehwanile nene no Muwaha Mulungu.

Wutuluce 5:22

Musa yakawuya kuli Muwaha Mulungu, yakatya, “Gwe go Muwaha Mulungu, alu nhawule wukuwaletela magazo wanhu wako? Hamba socici wukanhuma ho nize kukuno?