Yelemiya 4:1 - Luganuzi Luswanu Kuli Wanhu Wose 2002

¹ U Muwaha Mulungu yakutya nhavi, “Nye nyo wanhu wa Isilayeli, hono muwe mukusaka kumbuyila, ale heya mumbuyilaje. Na hono musace kuwa wehuwilwa kuli'ne, muwe kuviwusa ne vihwani vyenyu viseswe, vyono nane si nivyendile,

Yelemiya 4:1 Referans Kwoze

Yoweli 2:12

Alu Muwaha Mulungu yakutya, “Munene mu zinhumbula zenyu mumhitucile nene, ko wuleka kulya, no wulila muno.

Yelemiya 3:22

Holeka anye wose, mono mwali mwakondya kumuleka u Muwaha Mulungu wenyu, alu mumuwuyilaje nhondo. Nayo komuponyenyi, no kumunozenyi muwe wehuwilwa kuli mwene. Nanye mukutya, “Heya cikuza kuli'gwe go Muwaha Mulungu, hambi 'gwe nha yo gwegwe go Muwaha Mulungu wetu.

Ezekiyeli 43:9

Ninga aluno, yowa yiwanojeye walecele lukulu kuyihemba milungu yinji, kanyhi wayiwuse i mivimba ye watemi wawo yiwe kutali nane. Na hono wanoze nhavivyo, nane, nokwikala muli wene cibitilila.”

Yelemiya 25:5

Wene wawizi wakamulonjelenyi wakatya, ‘Ale, mupituce muzilece zinzila ze mikalile yenyu mibi, na mu wubi wenyu wono mwitumaga, ho musume kubita kwinjila no kwikala mu yisi, yono u Muwaha Mulungu yamupelenyi nyenye hamonga ne walezi wenyu, ho yiwe wuhazi wenyu we cibitilila.

Yelemiya 3:12

Holeka yakawa kunyitya nha vyono mbite nghamulonjele Isilayeli nimutye nhavi, “Agwe Isilayeli, mono si wuli mwihuwilwa, ale wumbuyile 'ne. Hambi ane nha nili lusungu, hamba si nokolwa ne likuwo, hamba kukukolelwa likuwo cibitilila.

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Mwamulizo 35:2

Hodu Yakobo yakawa kuwalonjela mhuga yakwe na wose wono yali yena nawo, yakawatya, “Ale, mutajile lukulu kutali vihwani vye milungu mijenzi vyono mwina navyo, mwiyeze, kanyhi mukawanize ne vivwalo vyenyu.

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Hoseya 2:2

Wanangu, mumunene nyina yenyu hamba yiwe mwene, yaweza si mugolece wangu, nane neza si nili mulume wakwe. Mumunenaje yalece zinghani zakwe zo wusenyha, no wumalaya wakwe.

2 Zinghomo 33:8

Na hono wanhu wa Isilayeli wagebate malajilizo gangu, kanyhi wawukamise hamonga no Wulajilize wangu wose, wono Musa u mwitumami wangu yawapela, ale, nane hamba si nowaleka wawingwe mu yisi yiyo yono nakondya kuwapela walezi wawo.”

2 Zinghomo 15:8

Mutemi Asa, yali yeza kuzihulika zo muwizi Azaliya u mwana wa Obedi, zono yazilonjile, yakapegwa vilungo. Yakaviwusiza lukulu vihwani vyose vye mawipizo mu yisi yose ya Yuda na Benyamini, na mu makaya gose gono yagasola, ga mu yisi ye matunda ya Efulayimu. Yakacinozeleza kanyhi ne cikumbicilo co Muwaha Mulungu cono cali cili ha mwande ye likumbo lye Nyumba yo Mulungu.

2 Watemi 23:24

Mutemi Yosiya, yakawawusa mu Yelusalemi na mu Yuda, we macisi, ne wahawi, ne milungu yose, ne vihwani vyose, vye milungu yo wulambi hamonga ne viya vyose vyono vyetumamilwaga mu wuhembi we milungu yo wulambi. Yakafisiliza zinghani zo wulajilize, zono zandicigwe mu citabu cono Hilikiya mukohani muwaha, yaciwona mu Nyumba yo Mulungu.

2 Watemi 23:13

Mutemi Yosiya, yakavyavufya vikumbicilo vyose, vyono mutemi Solomona yali yavizenjile ku lubavu lwa kucilima ya Yelusalemi, kutakama ye litunda lyo wuhodanjice, so wuhemba vihwani vye cevu, vyono vikucemwa Ashitolete, u mulungu we Wazidoni, na Cemoshi u mulungu we Waamoni.

1 Samwili 7:3

Nayo Samwili yakawalonjela Waisilayeli yakawatya, “Hono muwe mbeka mukumuwuyila Muwaha Mulungu, kwe zinhumbula zenyu zose, ale munojeye muwusize lukulu milungu yenyu yose ye cijenzi, hamonga ne vihwani vyose viseswe vye cihwani co mulungu we cicekulu Asitaloti. Mwiyilavizye lukulu nyo weneco kuli Muwaha Mulungu, mumuhembe mweneco yali wene du. Nayo komuponyenyi mu miwoko ye Wafilisiti.”

Walamuzi 10:16

Hobaho wakayileka milungu yawo mijenzi, wakamuhemba Muwaha Mulungu. Nayo Muwaha Mulungu, yakawawonela lusungu, yakagazika muno mu mutima wakwe so wugazwe we Waisilayeli.

Hoseya 7:16

Vyo wakali du wakuwuya ne nyuma wakundeka, wakumutyatya mulungu wo wulambi, mono yasina vilungo. Waweza si wehuwilwa hamba hadodo, waweza nha wupinde wono si wukwiliye cinji. Hambi walongola wawo, nha wakulonga ko wivuni, ninga walekaje, wolofwa cifo cibi muno, sunga ne Wamisili wolowaseka.”

Ezekiyeli 18:13

Kanyhi yawe munhu mono kakopeshaga hanyuma kadaya ne ngomola. Mukwihwesa u munhu we liwala lili, kowumipa hongo? Nghukulonjela mbeka nha vyono si kowumipa yaye. Hambi nha kakondya kwituma zinghani zizi ze liwifyo, holeka kofwa du. Nayo kowa yeyambuza u wumi wakwe mweneco.

Ezekiyeli 11:18

Na kolo wawuya ku yisi yawo, yolowa yiwanojeye waze wawusize lukulu vinhu vyose vyavu, hamonga ne vihwani vyose vye mawifyo, vyono wolovyagana mumo mu yisi yawo.

Yelemiya 36:3

Na lunji i wanhu wa Yuda, kolo wakuhulika ze magazo mawaha gono nghusaka niwatendele, lunji wopituka wagalece metumo gawo mabi. Nane niwanenele masutya gawo hamonga no wubi wawo.”

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 24:9

Nane noloweyagaziza mu zinghugugo zose za kono'nze, ho watuje wongomezwe wubi. Ne wanhu wose wolowezwajiza no kuwahosa hamonga no kuwasekanga, no kuwalijita, ho hose hono noloweyagaziza.

Yelemiya 15:4

Nane nowanoza i wanhu, wawe nghani ya wogofye, kuli wanhu wa mono'nze yose, ku soko ye nghani yono Manase u mwana wa Hezekiya, yetuma mu Yelusalemi, lono yali mutemi wa Yuda.”

Yelemiya 4:4

Mukamise i cilagane cenyu cono calagana nanye, ane no Muwaha Mulungu wenyu. Kanyhi mwiyilavye kuli'ne nyenye nyo weneco, anye nyo wanhu wa Yuda na Yelusalemi. Ninga hono mwijelele du, mulece kunoza nhavivyo, likuwo lyangu lyokwaka nha moto, ku soko ye metumo mabi gono mwetuma. Na kolo likuwo lyangu lyaka, hasina hamba yunji wo wose mono kosuma kulituza yaye.”

Yelemiya 3:14

“Nye nyo wanhu mono si muli wehuwilwa, ale mumbuyilaje 'ne, hambi nha muli wangu. Nane nomusolenyi munhu yumonga yumonga, mu wulawa mu makaya gose. Kanyhi nosola wanhu wejete wejete, mu wulawa mu milango yenyu yose. Nane nomugomolenyi sunga kwi'tunda lya Sayuni.

Isaya 31:6

U Muwaha Mulungu yakutya, “Anye nyo wanhu wa Isilayeli, mwakondya kunhendela wubi, hamonga no kumbedegala. Ninga aluno muwuye, mumbuyile nene!

Yoshuwa 24:14

Ale, Yoshuwa yakajendelela kuwalonjela yakutya, ‘Mumogopaje Muwaha Mulungu, kanyhi mumwitumamilaje kwe cogopo na ko wihuwilwa. Muwusize lukulu milungu yose, yono wayihembaga i walezi wenyu ku Mesopotamiya na ku Misili. Langa mumwitumamilaje Muwaha Mulungu du yali wene.

Wukumbucize wo Wulajilize 27:15

“ ‘Malijito go Mulungu, geze muli munhu wo wose mono kosesa cihwani ce libwe hamba ce libici, hamba ca cuma, yawe kucihemba cinyele. Hambi Muwaha Mulungu, nha si yazendile zizo.’ “Nawo wanhu wapitule wose hamonga watye, ‘Heya!’

Wukumbucize wo Wulajilize 4:30

Nanye kolo mwenjila mu magayo, ne zinghani zizo zose zakondya kumwaganenyi, nhondo, ho molomuwuyila Muwaha Mulungu, kanyhi ho molomuhulika.

Yelemiya 7:3

U Muwaha Mulungu we mihanga u Mulungu wa Isilayeli, yakutya nhavi. Muzipitule zinzila ze mikalile yenyu, hamonga ne makani mabi gono mwitumaga, holeka nayo komulecenyi mwikale hanhu baha.

Yelemiya 7:5

“Ninga langa muyipitule nzila yenyu ye mikalile yono mwikalilaga, mulecele lukulu kwituma i zimbi zono mwitumaga. Muwe kwitendela ze ling'ani munhu na muyagwe.

Yelemiya 7:7

Na hono mbeka muyipitule mikalile yenyu, nane nomulecenyi mwikale hanhu baha, mu yisi yono nawapela i walezi wenyu, wuwe wo wuhazi wawo.

Yelemiya 15:19

Nayo Muwaha Mulungu yakamhitula yakatya, “Hono wuwuye, nane nokugomola, nagwe kowa wuli mwitumami wangu kanyhi. Na hono wuzilece zinghani ze cibwete-bwete, wuwe kuganula zinghani zangu, baho langa ho kowa wuli muwizi wangu kanyhi. Ne wanhu wokuziza gwegwe, ninga agwe kowa wusina soko yo kuwabitila wene.

Yelemiya 18:11

Holeka luno, wuwalonjelaje i wanhu wa Yuda, hamonga ne wanyawusi wa Yelusalemi, nha vyono, nane nhondo, neza kwiwikaniza niwalipicize. Holeka wuwalonjele vyono, yiwanojeye walece kujendelela ne mikalile yiyo yo wituma wubi. Langa yiwanojeye luno wazipitule zinzila zawo, hamonga ne zimbi zono wakwituma.

Zakaliya 1:4

Mulece kwihwana nhe wasogo zenyu wono katali i wawizi wawapela zinghani zangu ho wagalece metumo gawo mabi, hamonga no wubi wawo. Ninga wene siwahulika, hamba kumvumila 'ne yaye.

2 Zinghomo 34:33

Hodu mutemi Yosiya, yakawa kuviwusa i vihwani vyose vye mawifyo, vyono vyali vye wanhu wa Isilayeli, vyono vyali vitagaliye mu yisi yose. Na mu nghango yo wikale wakwe wose, yajendelela kuwakong'onheza wanhu, wamwitumamile Muwaha Mulungu, u Mulungu we walezi wawo.