Yelemiya 39:3 - Luganuzi Luswanu Kuli Wanhu Wose 2002

³ (Na lono Yelusalemi yali yakondya kutekwa, i wetumami wawaha wose wo mutemi wa Babiloni, wakawa kubita, wakawa kutandala ha mulango wa haciligati. Ne wetumami wawo, wali wali hamonga ne wanhu awano. Neligali Salezeli, na Samugali Nebo u muwaha we wapaswe na Selisekimu, hamonga na Neligali Salezeli yunji kanyhi.)

Yelemiya 39:3 Referans Kwoze

Yelemiya 38:17

Hodu, nane nghawa kumulonjela zono yalonjile u Muwaha Mulungu, u Mudaha vyose, u Mulungu wa Isilayeli, nghamutya, “Hono witegule go mweneco kuli wetumami wo mutemi wa Babiloni, koponya wumi wako, sunga ne likaya lili hamba si lyoticimizwa no moto yaye. Agwe hamonga na we mhuga yako wose mopona.

Yelemiya 21:4

wabite wakamulonjele Zedekiya, zono u Muwaha Mulungu, u Mulungu wa Isilayeli yalonjile, katya, “Agwe Zedekiya, ane no mweneco, yo nokwihoma ne wasilikale wako, wono wakwihoma ne wasilikale wa Nebukadineza, u mutemi wa Babiloni, niwasume. Nokongholeza sunga ne vitwalo vyawo vyose, nivilundice haciligati ye likaya lya Yelusalemi.

Yelemiya 39:13

Ale baho, yuyo Nebuzaladani, hamonga ne wetumami wayagwe wanji, nha cinji wa Nebushazibani, na Neligali Salezeli, na wetumami wanji wo mutemi wa Babiloni,

Yelemiya 1:15

Hambi 'ne, nha nogacema i makungugo gose, gono gekalaga ku lubavu lwa kusumuka, gaze. Ne watemi wawo, wologasimya i magoda gawo go wutemi, mu malango ga Yelusalemi, no kwidoma ne majinji gayo gose, mbavu zose. Hamonga no kugapilima i makaya gose ga Yuda.

2 Watemi 17:30

I wanhu wono walawa ku Babiloni, wakenozeza vihwani vyo mulungu Sukoti-benoti, nawo wono walawa ku Kuti, vihwani vya Nelegali. Nawo wono walawa ku Hamati, vihwani vya Ashima,

Ezekiyeli 26:10

Ne manghundi gono golowa kutimulwa ne zifwalasi zawo zi nyinji, golokufuniciza. Ne misindo ye mazozo ge wapanda zifwalasi, hamonga ne magali go wulugu gono gakukwegwa ne zifwalasi, gologasinjisa majinji gako, kolo yeza kwinjila mu milago yako, nha vyono wanhu wenjilaga mu kaya yono yibenigwe hanji.