Yelemiya 34:3 - Luganuzi Luswanu Kuli Wanhu Wose 2002

³ Nagwe hamba si kololekwa yaye, langa kolotekwa no kusolwa no mwene. Nagwe kolokwiwona nayo cagalanze no kulongana nayo. Hanyuma wuwe kutegulwa ku Babiloni.

Yelemiya 34:3 Referans Kwoze

Yelemiya 32:4

nayo u mutemi Zedekiya, si kololekwa yaye. Langa nayo kolotekwa nhavivyo, kolosolwa no mutemi wa Babiloni. Wolokwiwona nayo cagalanze, no kulongana nayo.

Yelemiya 21:7

Ninga agwe go mweneco, ne wetumami wako, hamonga ne wanhu wono wosigala, wono si wofwa ko wulugu, hamba nzala, hamba matamwa, anye wose nomulecenyi musolwe no mutemi Nebukadineza, hamonga ne wasilikale wakwe wono wali saka wakuwulaje. Nayo Nebukadineza kolokuwulaga 'gwe. Kanyhi hamba si kolosigaza munhu monga muli'nye. Hamba si kolomuwonelenyi lusungu, hamba ku munenelenyi yaye. Vyo nghutya, ane no Muwaha Mulungu.”

Yelemiya 34:21

Sunga no mutemi Zedekiya wa Yuda, hamonga ne wetumami wakwe wose, nowatajila mu miwoko ye wanhu wono wakuwalondola wawawulaje. Nolowatajila mu miwoko ye wasilikale we Cibabiloni, wono wali wakondya kuleka kumuhomenyi.

Ezekiyeli 21:25

“Agwe go mulongola we wanhu wa Isilayeli, go mulongola u mwituma zimbi, lizuwa lyako, lizuwa lyo wulipicizwe wako we ndumilizo, likuza.

Ezekiyeli 12:13

Ninga notandaza lwavu lwangu hanhu hose, ho nimugwizize mumo. Hanyuma niwe kumutegula sunga ko kwi'kaya lya Babiloni, i hanhu hono kolofwila, hamba kuyiwona ne yisi yeneco vyono yinha.

Yelemiya 38:18

Ninga hono wijelele du wulece kwitegula go mweneco, ale, wumanye nha vyono likaya lili, lyotajilwa mu miwoko ye Wababiloni, nawo woliticimiza no moto, nagwe go mweneco, hamba si kopona yaye.”

Yelemiya 37:17

Ninga hanyuma yayo, u mutemi Zedekiya, yakatuma wanhu waze wasole, wanhegule kuli mwene kwi 'kulu. Na kuko kwi'kulu, u mutemi yakambuza cinyele yakutya, “Wule, ho yili nghani yo yose yono yilawile kuli Muwaha Mulungu?” Nane nghamutya, “Heya ho yili. Agwe Zedekiya, kotajilwa mu miwoko yo mutemi wa Babiloni.”

Yelemiya 27:22

Navyo vyolokwikala kuko du, sunga mwi'zuwa lyono nene no mweneco nilavikumbucilila. Ale baho nhondo, ho nolovigomelela kanyhi, no kuviwika hanhu bahano. Vyo nghutya, ane no Muwaha Mulungu.”

Yelemiya 32:3

Hambi u mutemi Zedekiya, nha yali yandindila mumo, vyono 'ne nghuganula nghutya, u Muwaha Mulungu yakutya, “Ane no Muwaha Mulungu, nomuleka mutemi wa Babiloni, yaze yalisole likaya lili,

Yelemiya 32:28

Nalu wulanje! Nomupela Nebukadineza u mutemi wa Babiloni hamonga ne wasilikale wakwe likaya lili, walisole,

Yelemiya 34:4

Alu Zedekiya, wuhulicize muno kuli zono nghukulonjela. Agwe si kolowulajilwa ku wulugu yaye,

Ezekiyeli 17:15

Ninga hamba nhavivyo, u mutemi we yisi ya Yuda, yakafyula, yakatuma wetumami ku Misili, ho wamupele fwalasi hamonga ne lipuga yiwaha lye wasilikale. Ninga wule, alu mbeka Yuda kosuma kupona? Aa ng'o! Si kosuma kubena cilagane, kanyhi ho yalece kulipicizwa.”

Yelemiya 38:23

Hanyuma kanyhi nghajendelela nghatya, “I wagolece zako wose, hamonga ne wana, wose wolosolwa wategulwe ku Babiloni, nagwe go mweneco hamba si kolokwiponya yaye hali wene. Nagwe kolosolwa no mutemi wa Babiloni wuli muwopwe. Ne likaya lili lyoloticimizwa no moto.”

Ezekiyeli 17:16

Muwaha Mulungu yakutya, “Ninga mbeka, nha vyono ne nili Mulungu mumi, u mutemi yuyo kolofwila ku Babiloni, vyono yakondya, kuwubena wilahize wakwe, hamonga ne cilagane cakwe, vyono yavinoza no mutemi we yisi ya Babiloni, mono yo yamuwika mwi'goda lyo wutemi.