Yelemiya 32:2 - Luganuzi Luswanu Kuli Wanhu Wose 2002

² Na mu mapango gago, gali go mapango gono i wasilikale wo mutemi wa Babiloni, wayihomaga Yelusalemi. Nane nali ngalamiye kucanyha, mu wulawa mwi'kumbo lye nyumba yo wutemi, mono nali ndindiywe.

Yelemiya 32:2 Referans Kwoze

Yelemiya 37:21

Hodu baho, u mutemi yakawa kulajiliza nha vyono mbopwe mwi'kumbo lya mwi'kulu. Nane nekala baho, akuno nghupegwa mukate monga du nhondo zose, wono walawaga ku wateleka mikate, sunga mikate yose nhondo yikamalika mwi'kaya.

Nehemiya 3:25

Nayo Palali, u mwana wa Uzayi, yakanozeleza lubavu lunji, lono lwali lwanzize ha cipeto ce lijinji sunga ko ku munala wa ha kacanyha, behi na ha wikalo wo mulindilizi.

Yelemiya 38:6

Ale, hobaho wakawa kuza kusola, wakawa kunhimya ne milejehe mwi'kombo lya Malikiya u mwana wo mutemi, lyono lyali lili mwi'kumbo lya mwi'kulu. Ninga lyali lisina malenga yaye, langa lyali lina nhope du. Nane nghawa kudodomela mu nhope yiyo.

Yelemiya 33:1

Nane lono nali nghali mumo mu jela, mwi'kumbo lye Nyumba yo Mulungu, i nghani yo Muwaha Mulungu yikanyiziza kanyhi.

Yelemiya 32:8

Na lulolulo du baho, u Muwaha Mulungu yali yeza kukondya kulongana nane, nayo Hanameli yakawa kunyiziza mumo mwi'kumbo lye nyumba yo wutemi, nha vyono yanonjela Muwaha Mulungu, yakawa kunonjela nha vyono mwene yakusaka niwugule mugunda wakwe. Nane baho nghamanya nha vyono, mbeka nghani yiyi yilawa kuli Muwaha Mulungu.

Matayo 5:12

Musecelele, kanyhi muwe musangalaye, hambi nha mwina wuhumbilizwe wenyu wuwaha ku wulanga. Hambi nha vivyo nha vyo wanhu wawagaza i wawizi wono wamulongolelenyi.

Yelemiya 36:5

Hanyuma, nghawa kumulajiliza Baluku nghatya nhavi, “Alu Baluku, ane no muyago, si nghomboligwe ninjile mu Nyumba yo Mulungu.

Yelemiya 32:3

Hambi u mutemi Zedekiya, nha yali yandindila mumo, vyono 'ne nghuganula nghutya, u Muwaha Mulungu yakutya, “Ane no Muwaha Mulungu, nomuleka mutemi wa Babiloni, yaze yalisole likaya lili,

Zabuli 88:8

Wanhemanula ne wendece wangu, kunoza niwa nha cinhu cavu hali wene. Alu mbopigwe, hamba si nosuma kwiwopolela.

Yelemiya 34:1

U Muwaha Mulungu, yakanonjela kanyhi, mu mapango lono Nebukadineza u mutemi wa Babiloni, ne wasilikale wakwe wose, no wutemi wose wa mono'nze, lono wali wuli mu vilungo vyakwe, hamonga ne makungugo gose, wehomaga na Yelusalemi ne vikaya vyayo vyose vye behi behi.

Yelemiya 37:4

Na mu mapango gago, nali nghali si nawopwa mu jela yaye, nali nghali nghujenda-jenda du ako na ako muli wanhu.

Yelemiya 38:13

nawo wakawa kunghwega no kumbusa mwi'kombo. Na ku wulawa baho, nhondo wakawa kumbika mwi'kumbo.

2 Watemi 25:1

Ninga hanyuma yayo, mutemi Zedekiya, yakamubeza mutemi Nebukadineza, mutemi wa Babiloni. Na ku soko yiyo, mutemi Nebukadineza, yakawa kuza ku Yelusalemi, hamonga ne lipuga lyakwe lye wasilikale, mwi'zuwa lye likumi, lya mu mwezi we likumi, wa mu mwaka we licenda, wo wutemi wa Zedekiya. Wakasita nghambi kunze ye likaya, wakazenga magomawakali, wakalipilimya likaya lyose.

Yelemiya 37:15

Nawo i wetumami wakanghalipilanga muno, wakalajiliza nhowangwe, no kutajilwa mu jela, mu kaya ya Yonazani, u mwandici. Hambi nha yo wanoza yiwe yo jela.