Yelemiya 32:19 - Luganuzi Luswanu Kuli Wanhu Wose 2002

¹⁹ Hambi nha yo gwegwe du mono wina mahweso ge mahala, kanyhi kwitumaga metumo go wizine. Mono kuziwonaga calinze i zinghani zose, zono i wanhu wetumaga. Kanyhi kuwapelaga i wanhu, munhu mu nghango ye metumo gakwe.

Yelemiya 32:19 Referans Kwoze

Yelemiya 17:10

Ninga ane no Muwaha Mulungu, yo nene du mono nigajelaga mahala, no kuzisunjilila zinhumbula ze wanhu, ho nimutendele munhu mu nghango ye zinzila zakwe, mu nghango ye mikalo ye metumo gakwe.”

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Isaya 28:29

Ninga wumanye nha vyono, mahala gaga gose, galawaga kuli Muwaha Mulungu we mihanga. Ne mahweso gakwe go ge cihalahala muno muno, kanyhi nhondo zose gena cambuzi ciwaha.

Zabuli 62:12

heya, u lusungu nha lwakwe Muwaha Mulungu, hambi agwe nha kumupelaga munhu wo wose, mu nghango ye metumo gakwe.

Wugubule 22:12

Yesu yakutya, “Wuhulicize! Ane nghuza musunho muno muno, kanyhi nghuleteleza no musahala wono nomupela munhu wo wose nha vyono genha i metumo gakwe.

Yelemiya 16:17

Hambi'ne, nha nghuziwona zose zono wakwituma, hasina hamba cinji co cose cono cihundicigwe ha meso gangu. No wubi wawo wose nha wijeye du calinze ha meso gangu.

Jobu 34:21

“Hambi meso gakwe nha galangaga zinzila ze wanhu

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono, yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.’

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.

Yohana 5:29

nawo wolawila, mu vitenjelo, nawo wono wetumaga viswanu, wozuka no kuwumipa, na awalya wono wetumaga wubi, wozuka no kuling'anizwa.

Yelemiya 23:24

No munhu wo wose hamba si kosuma kwihundika ha meso gangu, nane ho ndece kumuwona. Hamba si mumanyile yaye vyono ane nikaye hanhu hose, ku wulanga na mono 'nze?

Isaya 40:13

Hamba lunji munhu kosuma kumulonjeleza Muwaha Mulungu cono yetume? Hamba nani mono kusuma kumwijiza, hamba kumulanjiza?

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Zimbazi 5:21

Ninga wumanye vyono, Muwaha Mulungu kaziwonaga zose zono kwitumaga. Nayo kakulanjililaga ko kose kono wukubita.

Waefeso 1:11

Ivinhu vyose vinozezwaga mu wuhile no wulamuzi wo Mulungu, nayo u Mulungu yakacihagula ase, ho ciwe wanhu wakwe mu wendo wakwe, so wilunze wetu na Kilisito, ku soko yo wutemye wakwe wo wulawa mwamulizo.

2 Wakolinto 5:10

Hambi ase wose nha yowa yicinojeye kwima he'goda lyo wuling'anizi lya Kilisito, u munhu wo wose, ho yabocele zono zimunojeye, nha vyono genha i metumo gakwe gono yetumaga, lono yali yakali yekaye mononze, hono maswanu, hamba mabi.

Danyeli 4:35

Mono yakuwalanga wanhu wa mono yinze kotya si cinji, Wamalayika ku wulanga ne wanhu wose wa kono'nze, wali mu wutonji wakwe. Hamba hasina yunji mono kobena wulajilize wakwe hamba kuziwuza zono mwene ketumaga.

Muganuzi 12:14

Hambi Mulungu nha koloyiling'aniza milimo yetu yose, hamonga ne metumo getu gose, gono cetumilaga mu cinyele, hono gawe maswanu hamba gawe mabi.

Zabuli 34:15

Hambi u Muwaha Mulungu, nha kawalanjililaga i wanhu we ling'ani, no kuwahuliciza cililo cawo.

2 Zinghomo 16:9

Ninga wumanye nha vyono, Muwaha Mulungu kayilangaga yinze yose, ho yawapele vilungo wose wono wamogopile mwene. Ninga agwe kunoza wulele. Holeka ku soko yiyo agwe ku wulawa lulu, kokwikalila milewo du.”

1 Watemi 8:32

Gwe go Muwaha Mulungu, wuhulice kuko ku wulanga wumuling'anize mwitumami wako. Wumulipicize musutyi, wumulecele ayulya mono yasina lisutya.

Wutuluce 15:11

“Gwe go Muwaha Mulungu, Alo nani 'mbi mono yehwanile gwegwe mu milungu yose? Hamba nani mono yehwanile gwegwe go Muwaha Mulungu mono Welile, mono wukogofya so mapoto gako, ne milimo yako ye vilungo no wizine?

Jobu 34:11

Mwene kawatendelaga wanhu mu nghango ye metumo gawo, no kuwalipa mu nghango nha vyono wanojeye.

Zimbazi 8:14

Nane nghali kwihwesa, ho niwawusize lukulu hambi nha nina wizuce kanyhi nili vilungo.

Yelemiya 21:14

Ninga 'ne nokuhoma nghulipicize, ku soko ye metumo gako. Nolipembela moto, likaya lyako lyo wutemi, nivikongojeze ne vinhu vyose vyono vilipilime. Vyo nghutya ane no Muwaha Mulungu.”

Danyeli 2:45

Kanyhi wawona vyono libwe lyono si lyapamizwa na munhu, likapanduka wulawa mwi'talawe, likacitijinha cihwani ce cuma, ne shaba, ne lilongo linamu, ne fweza, hamonga ne zahabu. Muwaha Mulungu yakukulonjela Gwe mutemi, zono zokwijela mu vilo vyono vikuza. Alu ane nakondya kukuloloseza ze ndoto yako vyono yinha, hamonga ne nhunizo yayo ye mbeka.”

Zabuli 92:6

U munhu mulele, hamba si kosuma kwizuka, nayo muwula mahala, hamba si kosuma kuyimanya nghani yiyi yaye,

Zabuli 111:2

Metumo go Muwaha Mulungu, nha ga wizine muno muno! Na wose wono wakugasangalalila, wakusaka wagamanye viswanu.

Isaya 59:18

Kolowalipiciza i walugu wakwe mu nghango ya vyono wetuma, hamonga na wose wono wekaye mu zi'si zo kutali.

Yelemiya 25:14

Nane nolowalipa i Wababiloni mu nghango ye metumo gawo. Ne makungugo menji, hamonga ne watemi wawaha, wolowanoza Wababiloni wawe wawanda wawo.’ ”

Zakaliya 9:1

Ayi yo nghani yono yikulawa kuli Muwaha Mulungu. Muwaha Mulungu yakalavya lilajilizo lyo wulipicizwe we yisi ya Hadelaki, ne likaya lya Damesiki. Ninga wulipicizwe wuwo si wowa so zimhuga ze Waisilayeli du, langa hamonga ne likaya lya Siliya, likaya lyo Muwaha Mulungu.