Biblia Todo Logo
Bib sou entènèt

- Piblisite -




Yelemiya 3:9 - Luganuzi Luswanu Kuli Wanhu Wose 2002

9 akuno yasina ne cevu yaye. Yakayavufya yisi, yakasenyha mu nzila yo wuhemba mabwe ne mibici.

Gade chapit la Kopi




Yelemiya 3:9
16 Referans Kwoze  

Nanye wose molokozwa cevu, anye wose mono mutezaga u mubici awulya, yo sogo yenyu, ne libwe alilya, yo nyina yenyu. Na zizi zolomwijelelenyi vyono anye mwakondya kundeka 'ne, hamba si mukusaka no kumbuyila yaye. Ninga kolo mwenjila mu wugaye, hobaho mukuwa kunondola ho nize nimuponyenyi.


Alu wugalamile ta wulanje mu matunda mucanyha, wule, ho hali hanhu hanji hono agwe si wetuma nha munhu musenyha? Hambi agwe nha wekalaga ha mhelo ye zinzila wuwalindiye wendece wako, wukawa wehwana u mwalabu mono kehundikaga mu nyika, ho yawatendele vibi i wakola nzila. Nagwe Isilayeli wakondya kuyavufya yisi, ku soko yo wusenyha wako.


Kanyhi muwa kusola ne mabwe gono gatelemeye ga mwikolongo, muwa kugahemba nha milungu. Hanyuma muwa kusola ne divayi, muwa kugalavizya cilavywa, hamonga ne vilavywa vyo wusaje. Ninga mulece kwihwesa nha vyono nane nghwendezwa ne metumo genyu gago, aa ng'o.


Wose nha walele du, kanyhi wasina mahala. Ale wene, wakwihwesa hamba wosuma kwiyijiza cicici, mumo mu vihwani lo vye mabici?


Nane nghawaleta sunga ku yisi yono yina moso muno, ho wayisangalalile mikalo yayo, hamonga ne vinhu vinji viswanu vyono vili mumo. Ninga wene wakayihodanga yisi yiyo, wakayavufya i yisi yono nawapela.


Woyi hee kuli 'nye! Mono mulilonjelaga libici mukutya, “Usinhuce!” Hamba kwi'bwe lyono si likulonga mukutya, “Winuce!” Alo mukwihwesa vyono cihwani cosuma kumugubulilenyi nghani yo yose lo? Heya, cidahile kuwa cihiliwe ne fweza hamonga ne zahabu, ninga hamba nhavivyo vyo cisina wumi du.


Wakulomba wugubulilwe ku wulawa mu cihwani ce libici! Ne nghome yawo yo wuganga, yo yikuwalonjela zono wakuhila wene kuzimanya! Mbeka, wakondya kundeka 'ne. Wakondya kwiyilavya kuli milungu yinji, kotya mucekulu malaya.


Nawo wakamuvula myenda yakwe, yakekala yali cipwi, wakawasola i wanangwe we cilume na we cicekulu, u mwene wakamuwulaga ko mumaje. Ne wacekulu wakawa wakulonga i zakwe du hanhu hose.


Wukawa kuyisola zahabu, hamonga no wihambo wono nakupela, wukayinoza vihwani vye cilume wulawa kusenyha navyo.


Ninga ane nghumutyenyi, mono komupela u mugolece wakwe talaka, langa hono si ku soko yo wusenyha, yuyo yakumwambuza du yasenyhe, no munhu yunji hono yamutole u mucekulu mono yapejigwe talaka, nayo yakusenyha.”


Nane nowalipiciza nghanghulo nyejete, ku soko yo wubi wawo, ne metumo gawo mabi. Hambi nha wayavufya yisi yangu ku soko ye milungu miseswe, yono yisina wumi, yihwanile ne mivimba du. No kuyimemya yisi yangu ne milungu yawo yo wulambi.”


Nawo lono wali wakali wadodo, wekalaga ku Misili. Wakawuhodanga wunyacipale wawo, wakawa malaya.


Nhavivi agwe Oholiba, vyo wawukumbucila wusenyha wono wetumaga ha wuhinza wako, lono wali ku Misili, lono walume wedawalilaga vitombo vyako, sunga no wunyacipale wako, wukawa kuwuka.


Wanangu, mumunene nyina yenyu hamba yiwe mwene, yaweza si mugolece wangu, nane neza si nili mulume wakwe. Mumunenaje yalece zinghani zakwe zo wusenyha, no wumalaya wakwe.


Ninga anye nyo wabi, muze ho muling'anizwe! Hambi nha muli wabi kuciza no muhawi, hamba no musenyha hamba no mucekulu malaya.


Ane nghukulilila agwe go Muwaha Mulungu, ku soko yo wudimo hamonga ne mibici, vyono vyanyala kotya nha vitakamizwe no moto.


Swiv nou:

Piblisite


Piblisite