Yelemiya 3:5 - Luganuzi Luswanu Kuli Wanhu Wose 2002

⁵ Holeka si kosuma kwikala ne likuwo lyako nhondo zose, hamba kungholelwa likuwo cibitilila.’ Heya 'gwe Isilayeli, nhavivi vyo kulongaga, ninga akuno vyo wukwituma ne makani mabi du, nha vyono wukusaka gwegwe.”

Yelemiya 3:5 Referans Kwoze

Mika 7:3

Wose wanghula muno ku wituma zo wavu. Wanhu wawaha hamonga ne mahakimu, wakulomba mafupo. Nayo u munhu muwaha yakuwalonjela zono yakuhila mu nhumbula yakwe nawo wawa kwilumbaniza nayo.

Mika 2:1

Woyi he, kuli wono wagonaga meso wakwihwesa zo wavu! Na lono wela hakali mitondo, kolo wakutuga cilejeho du, hodu wawa kwituma zizo zo wavu zono wali wazipanjile, hambi nha zili mu vilungo vyawo.

Ezekiyeli 22:6

Ne walongola wose we Waisilayeli, nha weyitumbiye weneco vilungo vyawo, kanyhi wawulaji.

Yelemiya 3:12

Holeka yakawa kunyitya nha vyono mbite nghamulonjele Isilayeli nimutye nhavi, “Agwe Isilayeli, mono si wuli mwihuwilwa, ale wumbuyile 'ne. Hambi ane nha nili lusungu, hamba si nokolwa ne likuwo, hamba kukukolelwa likuwo cibitilila.

Isaya 57:16

Yo nene mono nawapela wanhu wangu wumi, holeka si nosuma kujendelela kuwahosa hamba kuwakolelwa likuwo cibitilila.

Isaya 64:9

holeka dedede wulece kucikolelwa likuwo lyako, hamba kuwukumbucila wubi wetu cibitilila. Hambi'se nha cili wanhu wako, holeka cikukunena wuciwonele lusungu.

Zabuli 85:5

Alu 'mbi kojendelela kucisimbila cibitilila? Alu mwene, wukali wako, wojendelela sunga ku zindelo zose lo?

2 Zinghomo 29:10

“Aluno mbona viswanu cinoze cilagane no Muwaha Mulungu, u Mulungu we Waisilayeli, ho yaze yalece kucikolelwa likuwo kanyhi.

Zabuli 85:6

Alu hongo, si kocipela kanyhi mikalile mipya, i wanhu wako ho wakusangalalile?

Yelemiya 8:5

Ninga anye 'lu, nhawule vyo mukali du muvidindimiye i vihwani vyenyu viseswe, hamba si mukusaka kumbuyila ng'o.

Yelemiya 8:6

Ane nghuwa hulicize du, ninga hamba si mulongaga ze mbeka yaye. Kanyhi muli nyenye, hasina hamba monga mono yakulajila vyono yakunena ku soko yo wubi wakwe ng'o. Hamba hasina mono yewuza mweneco yatye, ‘Mwene wubi wangu cicici?’ Ninga wanhu wose, munhu yatyatizye na nzila yakwe du, wehwanile nhe zifwalasi zono zikumanyhila ku wulugu.