Yelemiya 3:3 - Luganuzi Luswanu Kuli Wanhu Wose 2002

³ Na ku soko yiyo, holeka nayo mvula si yikutonya, sunga ne mahalavu gose hamba si gakuza yaye. Hambi nha wehwana i wanhu wasenyha, akuno wusina hamba cevu yaye.

Yelemiya 3:3 Referans Kwoze

Walawi 26:19

Nociwusa cibede cenyu, hamonga no wu wula cihuliko wenyu, na howa hasina mvula, ne yisi yenyu yonyala yiwe nghavu kotya cuma.

Yelemiya 14:4

Hambi nha heza hasina mvula, no muhangha wababala, ne walimi wose, watuga wusungu mu zinhumbula zawo nawo weza kwihundika sunga no wusu wawo.

Yelemiya 14:22

Hambi mu makungugo gose, nha musina cihwani co cose cono cosuma kutonyeza mvula, sunga ne mavunde, nha sigosuma geneco du kunyunyutya mvula. Holeka ase, witumbilo wetu wose, wuli kuli 'gwe go Muwaha Mulungu go Mulungu wetu. Hambi nha yo gwegwe du mono kwitumaga zizi zose.

Yelemiya 5:24

Musina ne lihweso hamba hadodo, lyo kumhela cogopo, ane mono nghumuletelenyi mvula ye mhinga na ye mahwela mu vipango vyayo. No kumupelenyi vilo vye nhwanga mu myaka yose.

Isaya 5:6

Nowuleka wutite ne masukuzi, hamonga ne maselegwa gayo. Hamba si nowupanyulila yaye ne mizabibu yayo, hamba si nowulimila. Langa nowuleka du vititane ne vikungugu hamonga ne mabijili. Kanyhi nolajiliza mavunde, galece kuwutonyezeza mvula.”

Wukumbucize wo Wulajilize 28:23

Hamba mvula si yotonya yaye, ne yisi yonyala yiwe kotya yibwe.

Hagayi 1:11

Nane nghayimila mvula yilece kutonya mu yisi, na mu matunda gayo, na mu migunda yo wuhemba, na mu migunda ye zabibu, na mu migunda ye mibici yono yilelaga mikalo, muli vilimwa vyose vyono yisi yilavyaga, na muli wanhu, ne zinimu, na muli vyose vyono mukuhila kuviwilusa.”

Amosi 4:7

Nane nghayimila mvula yilece kuvitonyela vilimwa vyenyu lono vilimwa vyayisakaga muno. Nghayitonyeza mvula mwi'kaya ali, na linji nghalizumha. Mvula yikatonya mu mugunda awu, ninga mugunda muyagwe wono vihegame, wukanyala.

Yelemiya 9:12

Ninga nane Yelemiya, nghamuwuza nghatya, “Alu Muwaha Mulungu, i nhunizo ye yisi yiyi, holeka yilekwe yinyale yiwe nha nyika cicici, sunga hamba no munhu wo wose yalece kukolela mu ciligati yayo? Alo we mahala mono kosuma kuzizuka zizi yo nani 'mbi? Hamba gwegwe go mweneco go Muwaha Mulungu, kumuloloseza nani lo, nayo ho yasume kuwalonjela na wanji?”

Yelemiya 8:12

Ninga wule nyo wanhu wangu, mwakolwa cevu so makani gago ge cevu gono mwagetuma? Waco nye, hamba si mwakolwa cevu yaye, hamba si mwapuwa ng'o! Holeka luno nanye kolo nghumukundujizenyi, mogwa nha vyono wanji wagwa. Nanye nhondo, wuwo wowa wo mudumo wenyu. Vyo nghutya ane no Muwaha Mulungu.

Yelemiya 6:15

Wule, wukwihwesa wene wakuwona cevu, ku soko ye makani gago ge mawifyo, gono wetumile? Waco! Wayago hamba si waziceleleye yaye, holeka hamba ne cevu, wene si wacimanyile yaye. Holeka ku soko yiyo, nawo wologwa, nhe wayawo wanji vyono wagwa, kolo neza kuza nghuwalipiciza. Na wuwo wo wolowa wo mudumo wawo. Vyo nghutya ane no Muwaha Mulungu.”

Zefaniya 3:5

Ninga Muwaha Mulungu, yali mwi'kaya, yakwituma ze ling'ani, si yakwituma zimbi ng'o. Nayo kawaletelaga wanhu wakwe ze ling'ani, nhondo zose. Ninga i wanhu wono wasina ling'ani, vyo wajendeleye du ku wituma zimbi, hamba kuwona cevu yaye.

Ezekiyeli 3:7

Ninga muli wanhu wa Isilayeli, howa hasina hamba yumonga mono kokuhulika yaye. Kanyhi hamba na nene siwosuma kuhulika yaye. Hambi wose nha wasina cihuliko, kanyhi wali cibede.

Yelemiya 5:3

Mwene u Muwaha Mulungu kalangaga wihuwilwa, hambi nha yamutowenyi, nanye hamba kuhulika ng'o, yakamukunhulanjenyi, ninga anye mukalema ku wiyijize. Hambi nha mwali musina cihuliko, hamba si mwasaka kuwuleka wubi wenyu.

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze, si wapona yaye. Alu ase cosuma kupona wule hono cileme kumuhuliciza ayulya mono yakucisugula, mono yalawa ku wulanga?

Nehemiya 9:17

Wakalema kuwa na cihuliko, wakasemwa zose zono wetuma. Wakasemwa sunga ne mapoto gono wetuma. Na mu cibede cawo, wakahagula mulongola, ho yawagomole ku yisi ya Misili, yisi yo wuwanda. Ninga 'gwe, wuli Mulungu wo wunenezi. Mono wumemile wendo ne lihewa, kanyhi si wuli mupelu kukolwa ne likuwo. No lusungu lwako luwaha, hamba si wawaleka yaye.

Yelemiya 14:3

I wagoli nawo, wakuwatuma i wetumami wawo ku lulenga, wetumami wawa kubita ku visima, hamba kutuga malenga yaye. Hodu wawa kuwuya wali bwete wasina malenga. Akuno wakoligwe ne zisoni, wakuwona cevu, wakwihundika sunga no wusu wawo.

Yelemiya 36:2

“Alu gwe Yelemiya, wusole kalatasi mhalinje ye ligolo-golo, wandice zinghani zose za Isilayeli na Yuda, hamonga ne makungugo gose, zono nakulonjelaga. Wandice zinghani zose zono nakulonjelaga, ku wulawilila ha mwamulizo lono namula kulongana nagwe, lono Yosiya yali yakali yatemile, sunga mwi'zuwa lye zuwali.

Zefaniya 2:1

Anye nyo likungugo lyono lisina cevu, ale mwikongholelaje hamonga,

Mwamulizo 19:34

I mitondo yaco, u mwana we cicekulu muwaha, yakawa kumulonjela u mwanakwawe yakutya, “Wayiko mwanakwetu, ane no muyago, yigolo ne cilo, nagona na baba, holeka izuwali cimupelaje kanyhi divayi, yang'we yakolwe, hanyuma nagwe ho wubite wukagone nayo, ho cituje lulelo ko sogo yetu.”

Zimbazi 21:29

I wanhu we ling'ani, wena witumbilo. Ninga i wabi, wajelaga kwinoza weneco, ho wawe nha waswanu.

Yelemiya 5:25

Ninga 'lu, u wubi wenyu, wakondya kumwimilenyi zizi zose iziswanu, zono zali zinojeye muzituje.

Yelemiya 14:1

Ku soko yo wu wula mvula mu'si kwa vilo vinji, u Muwaha Mulungu yakanonjela yakatya,

Amosi 4:8

Wanhu wakasocela so nyhilu, wanhu we makaya ganji wakabita mwi'kaya linji lyono wakwihwesa wotuga malenga, ninga hamba kuko kwali kusina gono gakukondya ku wung'we. Hamba nhavivyo si mwambuyila yaye.