Yelemiya 3:2 - Luganuzi Luswanu Kuli Wanhu Wose 2002

² Alu wugalamile ta wulanje mu matunda mucanyha, wule, ho hali hanhu hanji hono agwe si wetuma nha munhu musenyha? Hambi agwe nha wekalaga ha mhelo ye zinzila wuwalindiye wendece wako, wukawa wehwana u mwalabu mono kehundikaga mu nyika, ho yawatendele vibi i wakola nzila. Nagwe Isilayeli wakondya kuyavufya yisi, ku soko yo wusenyha wako.

Yelemiya 3:2 Referans Kwoze

Yelemiya 2:20

U Muwaha Mulungu yakutya nhavi, “Agwe Isilayeli, wulawa katali walema wutonji wangu, wukalema kuhulika 'ne no kuhemba nene. Langa wukawa kubita mwi'tunda litali, na mu masina ge mabici gono gadedewaye, wukawa kuhemba i milungu yinji.

Yelemiya 2:7

Nane nghawaleta sunga ku yisi yono yina moso muno, ho wayisangalalile mikalo yayo, hamonga ne vinhu vinji viswanu vyono vili mumo. Ninga wene wakayihodanga yisi yiyo, wakayavufya i yisi yono nawapela.

Mwamulizo 38:14

mwene Tamali yakawa kuyivula myenda yakwe yo wufwile, yakawa kwigubika ne shela ku wusu wakwe, ho yunji yalece kumumanya. Hanyuma yakawa kwikala ha mulango wo kwinjilila Enayimu, citumbi cono cali cili mu nzila ku wubita ku Timuna. Tamali yanoza nhavivyo, vyono yawona Shela yeza munhu mututu, ninga hamba si yakombolwa ho vitole nayo.

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Wukumbucize wo Wulajilize 12:2

Kolo mweza kwinjila mu yisi yiyo yono mukuyisola, muhamwagulaje hanhu hose hono i wanhu wayihembelaga milungu yawo, mu matunda matali, na mu vigongo, sunga na hasi ye mibici yose yono yidedewaye.

Luka 16:23

Yuyo mugoli, lono yali yali mu wusungu wukali kuko ku hanhu ha myuhe ye wabi, yakenula meso gakwe, yakamuwona Abulahamu, na Lazalo yali behi nayo,

Ezekiyeli 16:16

Wukawa kusola sunga ne myenda yako yinji, no kuyihamba mu hanhu hako hono kuhembelaga, nha vyono wenha i wacekulu wasenyha. Wukawa kwilavya kuli munhu wo wose du.

Yelemiya 7:29

“Ale, mulile, anye nyo wanhu wa Yelusalemi, mucete zimvwili zenyu muzitaje kutali. Mwimbe zinyimbo ze maziko mu vizuli vye matunda, hambi ane no Muwaha Mulungu, nha ngholigwe ne likuwo, nakondya kuwalema ne wanhu wangu.

Yelemiya 3:21

Ne lizi likuhulikwa ku wulawa mu matunda mucanyha. Lizi lye wanhu wa Isilayeli, so wulile wawo, no wulombe wawo. Hambi nha wekalaga mu mikalile yo wubi du, wakondya kumusemwa u Muwaha Mulungu, u Mulungu wawo.

Yelemiya 3:9

akuno yasina ne cevu yaye. Yakayavufya yisi, yakasenyha mu nzila yo wuhemba mabwe ne mibici.

Yelemiya 2:23

Alu mwene, ho kosuma nhawule kutya, vyono agwe si wiyavufye yaye, hamba wukali nahembela lukulu Baali? Ninga wulanje vyono wetumila wubi mwi'lolo, wuziwone ta zono wetuma kuko! Agwe wehwana ngamiya, yono yilecigwe si mbope, yikumangha caka du ako na ako!

Zimbazi 23:28

Wakutejeye nhe wahizi, no kunoza wanhu wenji wawuka mu wihuwilwa.

Zimbazi 7:11

Yena meso makali, yasina ne cevu, yali yazoweye kujendajenda mu zinzila, hamba

2 Watemi 23:13

Mutemi Yosiya, yakavyavufya vikumbicilo vyose, vyono mutemi Solomona yali yavizenjile ku lubavu lwa kucilima ya Yelusalemi, kutakama ye litunda lyo wuhodanjice, so wuhemba vihwani vye cevu, vyono vikucemwa Ashitolete, u mulungu we Wazidoni, na Cemoshi u mulungu we Waamoni.

1 Watemi 11:3

Mutemi Solomona yali yatolile wacekulu magana mupunghati, kanyhi yakawa yena wajitulwa magana madatu. Ne wacekulu wawa, wakamunoza Solomona yamulece Mulungu.

Ezekiyeli 20:28

Ninga nane, lono nawenjiza mu yisi yono nali nehuwiza nha vyono nowapela. Nawo wali weza kugawona matunda matali, hamonga ne mibici yono yidedewaye, ati hodu, wakawa kuvilavizya makumbiko. Nane nhondo, ho wakanghoza likuwo muno, so makumbiko gawo manyanywe, hamonga ne divayi yono wayilavya.

Zabuli 106:38

Wakawawulaga wana wono wasina, hamba masutya bwete, no kuwalavya makumbiko kuli vihwani vya Kanani, sunga ne yisi yikatipizwa so wuwulaji wuwo.

Yelemiya 3:13

Langa ane yono nghusaka kuli 'gwe, wuvumile masutya gako gose nha vyono wali wamubedegala u Muwaha Mulungu, u Mulungu weko. Kanyhi wunene, nha vyono wali kusenyha ne milungu mijenzi, hasi ye mibici yose yono yina mahamha gono gadedewaye, hamba kugebata malajilizo gangu yaye. Vyo nghutya ane no Muwaha Mulungu.

Yelemiya 12:12

Ne wanhu wakulawa mu yisi yose yono yili mu matunda, mu nyika, wakuza kuyiteka yisi yangu. Holeka nane luno, nayiletela wulugu wuyongomeze yisi yose. Na howa hasina hamba monga mono kokwikala yapolile.

Hoseya 2:5

hambi wene nha wana wo mucekulu malaya, mono yasina hamba cevu. Hambi nha yalonga mweneco yakatya, “Nane nobita kuli wono wanyendile wono wakumhela ndigwa ne malenga, no wusinga, no wuhamba, hamonga ne mafuta ne divayi.”