Yelemiya 3:16 - Luganuzi Luswanu Kuli Wanhu Wose 2002

¹⁶ Nanye kolo mweza kuwa mwenjipa, no kuwa wenji muno mu yisi yiyo, ne wanhu hamba si wololonga kanyhi ze Lisanduku lyangu lye Cilagane yaye, hamba si wolowa kulihwesa kanyhi hamba kulikumbucila kose, hamba kulisaka kanyhi, hamba kuwa no wuhile wo kunoza Lisanduku linji kanyhi lye Cilagane.

Yelemiya 3:16 Referans Kwoze

Ezekiyeli 37:26

Nane nolonoza cilagane co mulamu hamonga nawo, cowa cilagane ce cibitilila. Nowatandaza no kuwonjeleza wonjelezece wawe wenji. Noloyiwika ne Nyumba yangu mu yisi yawo, nayo yolokwikala mumo cibitilila.

Isaya 65:17

Muwaha Mulungu yakutya nhavi, “Nghuwumba yinze mhya, no wulanga wupya. Ne zinghani zinongozi, si zokumbucilwa kanyhi hamba kwihweswa yaye.

Matayo 3:9

Mulece kwihwesa 'mba vyono mosuma kwitetela no kutya, “Ase cili wana wa Abulahamu! Ane nghumulonjelenyi mbeka, vyono u Mulungu kosuma kuganoza imabwe gaga gawe wana wa Abulahamu.

Yelemiya 31:8

Nane nowakongholeza ku wulawa ku lubavu lwa kusumuka, nowakonghola hamonga ku wulawa mu zimhelo zose ze yinze. Nawo wolokuzana ne wabofu na we vilema, ne wacekulu wono wena mida, hamonga sunga na wose wono wali mu nghunga yo lusawo. Nawo wolowuya kono kwawo nghungugo mbaha muno.

Yelemiya 30:19

Ne wanhu wono wowa wekaye mumo, wolokwimba zinyimbo zo lukumyo, wolowa wazozize so nyemo mbaha. Nane nolowamotya, waze welele wawe wenji muno, no wumoteswe wangu wolowaletela lilumbo liwaha.

Isaya 61:4

Kanyhi wologazenga ne makaya gono gali gakondya kuwa matongo.

Isaya 60:22

Holeka ku soko yiyo, sunga ne mhuga ndodo ya muli'nye kanyhi yono yisoceye, yolowa nghungugo mbaha muno kanyhi yili vilungo kolo vipango vyayo vyafika. Nane nozinoza zizi zijele mbela mbela, ane no Muwaha Mulungu!”

Matayo 1:11

Yosiya nayo yakamulela Yekoniya, ne wanduguze. Na mu vilo vivyo, vyali vyo vilo vyono i Wayahudi wahamizizwa no kutegulwa ku Babiloni.

Zefaniya 3:11

Na mwi'pango lilyo, anye nyo wanhu wangu, molowa musina soko yo kuwona cevu, vyono mwali mwambedegala. Hambi 'ne nha nowawusa i wewoni wose, hamonga ne wevuni wose. Nanye lulo, si molombedegalila lukulu kanyhi mwi'tunda lyangu lyono lyelile.

Amosi 9:9

“Langa nolavya wulajilize no kuwapemenha wanhu wa Isilayeli, nha vyono wapemenhaga wuhemba mu luheneko. Nowapemenha wene, ku wulawa mu makungugo, no kuwawusa wose wono wasina cambuzi.

Yelemiya 31:27

“Ne vilo vikuza, lono noloyimemya yisi yose ya Yuda na ya Isilayeli, wanhu wenji, hamonga ne mitugo minji.

Yelemiya 7:4

Mulecele lukulu kwitumbila zinghani zizo zo wulambi, zo wutya ‘Ase cipolile, hambi ayi nha yo Nyumba yo Mulungu! Nha yo Nyumba yo Mulungu! Nha yo Nyumba yo Mulungu!’

Yelemiya 3:17

Ne vilo vivyo kolo vyakondya kuza, Yelusalemi nhondo, yolocemwa, ‘I ligoda lyo wutemi lyo Muwaha Mulungu.’ Ne makungugo gose golokwikongholela baho gawe kuhemba nene du. Nawo lulo, hamba si wolokwitumila lukulu kanyhi za mu cibede cawo, hamba i zimbi za mu zinhumbula zawo.

Ezekiyeli 15:5

Ayo yowa nha nghani ya bwete du, vyono sunga na lono wali wukali si natakamila, vyo wali wusina mulimo wunji wo wose. Holeka lu lono wakondya kutakamila, ho wokwila mulimoci waco, langa yo nghani ya bwete du.”