Yelemiya 3:12 - Luganuzi Luswanu Kuli Wanhu Wose 2002

¹² Holeka yakawa kunyitya nha vyono mbite nghamulonjele Isilayeli nimutye nhavi, “Agwe Isilayeli, mono si wuli mwihuwilwa, ale wumbuyile 'ne. Hambi ane nha nili lusungu, hamba si nokolwa ne likuwo, hamba kukukolelwa likuwo cibitilila.

Yelemiya 3:12 Referans Kwoze

Ezekiyeli 33:11

Ninga alu agwe, wuwalonjele vyono ane no Muwaha Mulungu, mono nili Mulungu mumi, mbeka si nghuwa kwendezwa kuwona u munhu mubi yakufwila mu wubi wakwe. Langa nyendile yapituce yawulece wubi wakwe yekale mumi. Holeka anye nyo wanhu wa Isilayeli, alu mupituce, mulece kwituma u wubi wenyu wono mwitumaga. Alo nhawulenyi mukusaka kufwa anye nyo wanhu wa Isilayeli?

Zabuli 86:15

Ninga agwe go Muwaha Mulungu, wuli Mulungu wo lusungu, kanyhi wina lihewa, agwe wuli mukangalizi muno, kanyhi wumemile lusungu ne mbeka.

Yelemiya 33:26

Holeka vyono mbeka netuma zizi, ale, nane nocikamisa cilagane cangu, cono nacinoza no lulelo lwa Yakobo no mwitumami wangu Dawudi. Kanyhi nolomuhagula yumonga wa mu lulelo lwa Dawudi, yateme mu lulelo lwa Abulahamu, na Isaka na Yakobo. Nane nolowa no lusungu kuli wanhu wangu, kanyhi nolowamotya muno.”

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

Yelemiya 3:22

Holeka anye wose, mono mwali mwakondya kumuleka u Muwaha Mulungu wenyu, alu mumuwuyilaje nhondo. Nayo komuponyenyi, no kumunozenyi muwe wehuwilwa kuli mwene. Nanye mukutya, “Heya cikuza kuli'gwe go Muwaha Mulungu, hambi 'gwe nha yo gwegwe go Muwaha Mulungu wetu.

Yelemiya 3:18

Mu vilo vivyo, i wanhu wa Isilayeli ne wanhu wa Yuda, wolokwilunza hamonga. Nawo wolowukana hamonga ku wulawa ku wuhamywe, mu yisi yo lubavu lwa kusumuka, wawe kuwuya kanyhi ku yisi yono ane nawapela i walezi wenyu yiwe wuhazi wawo.”

Yelemiya 30:11

Ane nolomuzizenyi, nimuponyenyi. Nologongomeza i makungugo gose, i hanhu hose hono namwiyagazizenyi. Anye langa, si nolomongomezenyi yaye. Ninga hamba nhavivyo, si nolomulecenyi du, ndece kumulipicizenyi yaye, langa nolomulipicizenyi kwe ling'ani du, vyo nghutya, ane no Muwaha Mulungu.”

Yelemiya 23:8

Langa wolowa kwilahiza mwi'tagwa lyangu ane no Mulungu mumi, mono nawawusa wanhu wa Isilayeli ku wulawa mu yisi ya kulubavu lwa kusumuka, na mu ma'si ganji gose, kono nali niweyagazize. Nawo nhondo, ho wolokwikala mu yisi yawo weneco.”

Yelemiya 4:1

U Muwaha Mulungu yakutya nhavi, “Nye nyo wanhu wa Isilayeli, hono muwe mukusaka kumbuyila, ale heya mumbuyilaje. Na hono musace kuwa wehuwilwa kuli'ne, muwe kuviwusa ne vihwani vyenyu viseswe, vyono nane si nivyendile,

Yelemiya 3:5

Holeka si kosuma kwikala ne likuwo lyako nhondo zose, hamba kungholelwa likuwo cibitilila.’ Heya 'gwe Isilayeli, nhavivi vyo kulongaga, ninga akuno vyo wukwituma ne makani mabi du, nha vyono wukusaka gwegwe.”

Zabuli 145:8

Muwaha Mulungu yo munya nheto no lusungu, mwene si kakolwaga ne likuwo mbela, yena lusungu luwaha.

Zabuli 86:5

Hambi agwe go Muwaha Mulungu, nha wuli muswanu, kanyhi wuli munenezi nhondo zose, kanyhi wuli lusungu kuli wose wono wakukulomba.

2 Watemi 18:1

Na mu mwaka we kadatu, wo wutemi wa Hosheya u mwana wa Ela, mutemi wa Isilayeli, nayo Hezekiya u mwana wa Ahazi, ho yatemela mu Yuda,

2 Watemi 17:23

Na kundumo ya zose, Muwaha Mulungu nhondo, yakawa kuwawusiza lukulu ha meso gakwe, nha vyono yali yakondya kuwasugula, mu nzila ye wawizi, iwetumami wakwe, na vyono si koleka kwituma zizo. Holeka i wanhu wa Isilayeli wakasolwa wakawahamizya ku Ashuli, kono wakali wali kuko sunga nalu.

Wukumbucize wo Wulajilize 30:2

Na hono mwihwese nyenye hamonga ne wana wenyu, mumuwuyile Muwaha Mulungu, u Mulungu wenyu, kwe zinhumbula zenyu zose, kanyhi mugebate ne malajilizo gaga gono nghumulajilizenyi izuwali,

Hoseya 6:1

Wanhu wakutya, “Alenyi ciwuye kuli Muwaha Mulungu! Mwene yacitamisa yakondya, ninga yamanyile vyono kociponya! Yacipela zinghomele, ninga kociponya zinghomele zetu.

Ezekiyeli 39:25

U Muwaha Mulungu yakatya, “Ninga aluno hodu, nowawonela lusungu i wana wa Yakobo, i wanhu wa Isilayeli, niwamotye kanyhi. Hambi nha nghuliwonela wivu i litagwa lyangu lyono lyelile.

Yelemiya 31:8

Nane nowakongholeza ku wulawa ku lubavu lwa kusumuka, nowakonghola hamonga ku wulawa mu zimhelo zose ze yinze. Nawo wolokuzana ne wabofu na we vilema, ne wacekulu wono wena mida, hamonga sunga na wose wono wali mu nghunga yo lusawo. Nawo wolowuya kono kwawo nghungugo mbaha muno.

Yelemiya 3:14

“Nye nyo wanhu mono si muli wehuwilwa, ale mumbuyilaje 'ne, hambi nha muli wangu. Nane nomusolenyi munhu yumonga yumonga, mu wulawa mu makaya gose. Kanyhi nosola wanhu wejete wejete, mu wulawa mu milango yenyu yose. Nane nomugomolenyi sunga kwi'tunda lya Sayuni.

Yelemiya 3:7

Nane nghawa kwihwesa nha vyono, kolo yakukondya kwituma zizo zose, nhondo ho kosuma kumbuyila'ne. Ninga mwene hamba si yasuma kumbuyila 'ne hamba nhavi, sunga no lumbulye Yuda mono si mwihuwilwa, nayo yakaziwona zizi zose.

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Isaya 44:22

Nakondya kuwupatila lukulu wubi wenyu nhe livunde. Holeka mumbuyilaje. Hambi nha yo nene du mono nghumuponyenyi.”

Zimbazi 28:13

Na hono wujendelele kuwuhundika wubi wako, mbeka hamba si komoteswa mu mikalile yako. Holeka yikunojeye wunene wubi wako, wuwulece, nayo Mulungu kokuwonela lusungu.

Zabuli 103:17

Ninga lusungu lo Muwaha Mulungu, lwikalaga cibitilila, kuli wose wono wamogopile, no wuswanu wakwe wikalaga mu zindelo zose,

Zabuli 103:8

Muwaha Mulungu yo munghala lihewa no lusungu, mwene si kakolwaga ne likuwo mbela, kanyhi yena lusungu lwinji muno.

Zabuli 79:5

Gwe go Muwaha Mulungu, alu kosimba cibitilila? Alu likuwo lyako lyokwaka nha moto sunga nili?

2 Zinghomo 30:9

Nanye hono mumuwuyile Muwaha Mulungu, na wa walya nawo wono wawasola wandugu zenyu no kuwategula kutali nha wafungwa, nawo wowawonela lusungu, wawalecele wawuye ku zikwawo. Hambi u Muwaha Mulungu wenyu, nha yena lihewa no lusungu. Holeka hono mumuwuyile, nayo komubocelenyi.”

2 Watemi 17:6

mu mwaka we licenda wo wutemi wa Hosheya, nayo mutemi wa Ashuli yakaza, yakayihoma Samaliya yakayisola. Yakawahamya ne Waisilayeli, yakawategula ku Ashuli wawopwe. Yakawawika wanji wayawo wekale mwi'kaya lya Hala, na wanji yakawawika behi ye likolongo lya Haboli mu yisi ya Gozani. Na wanji kanyhi yakawawika mu makaya ga Mediya.

2 Watemi 15:29

Na mwi'pango lyono Peka yali yatemile, lyo lipango lilyo, nayo Tigilati Pilesa mutemi wa Ashuli, lo yagasolela makaya ga lyoni, na Abeli-beti na Maaka, na Yanowa, na Kedeshi na Hazoli, hamonga ne zisi za Gileyadi, na Galilaya, na Nafutali. Yakawasola mateka ne wanhu wose yakawategula ku yisi ya Ashuli.

Mwamulizo 4:7

Alu, wule, si yili mbeka vyono nagwe wali wuvumilwe nhavivyo, hono wali witume viswanu? Ninga alu vyono witumile vibi, holeka u wubi wehwana lilimu, wikaye ha mulango wako wukukusulumila wukuhawanje, ninga yikunojeye agwe wuwusumize.”

Walawi 26:40

“Ninga i wana wenyu wo wolonena u wubi wawo, no wubi we walezi wawo, vyono wesumaniza nane, wakambedegala,

Zabuli 103:9

Mwene si kakalipilaga-kalipilaga nhondo zose, hamba ne likuwo lyakwe si likalaga cibitilila yaye.

Yelemiya 11:6

Nayo Muwaha Mulungu yakanonjela yakatya, “Alu, wubite mu makaya gose ge yisi ya Yuda, hamonga na mu zinzila zose za mwi'kaya lya Yelusalemi. Wubite wukayiganule nghani yangu kuko, wuwalonjele wanhu vyono, yiwanojeye wazihulice zinghani ze cilagane no kuzitumama.

Yelemiya 12:15

Nane kolo nakondya kuwawusiza lukulu, ale, baho langa nane ho nolowawonelela nawo lusungu, niwagomole kanyhi mu zi'si zawo, wanhu na yisi yawo.

I Cililo 3:22

U lusungu no wendo wo Muwaha Mulungu, si vidumaga yaye.

Ezekiyeli 11:17

Holeka wuwalonjelaje zose zono nghulonga ane no Muwaha Mulungu. Hambi nha nowakongholeza wose hamonga, ku wulawa mu ma'si kono nali niweyagazize, niwagomolele kanyhi yisi yawo ya Isilayeli.

2 Zinghomo 29:10

“Aluno mbona viswanu cinoze cilagane no Muwaha Mulungu, u Mulungu we Waisilayeli, ho yaze yalece kucikolelwa likuwo kanyhi.

Isaya 31:6

U Muwaha Mulungu yakutya, “Anye nyo wanhu wa Isilayeli, mwakondya kunhendela wubi, hamonga no kumbedegala. Ninga aluno muwuye, mumbuyile nene!

Yelemiya 31:21

Holeka anye nyo wanhu wa Isilayeli, mwiwicilaje citanjilo ce nzila, cimutonjenyi kanyhi mu nzila yono mwayileka. Alu wuyenyi kwenyu, mubite ku vikaya vyono mwali mwavileka.

Zakaliya 1:4

Mulece kwihwana nhe wasogo zenyu wono katali i wawizi wawapela zinghani zangu ho wagalece metumo gawo mabi, hamonga no wubi wawo. Ninga wene siwahulika, hamba kumvumila 'ne yaye.