Yelemiya 3:10 - Luganuzi Luswanu Kuli Wanhu Wose 2002

¹⁰ Ninga hamba nhavivyo, mwene Yuda u lumbulye lya Isilayeli mono si mwihuwilwa, nayo yakenoza nha yakumbuyila 'ne, ninga hamba si yali mbeka, langa ko wulambi du. Vyo nghutya ane no Muwaha Mulungu.”

Yelemiya 3:10 Referans Kwoze

Hoseya 7:14

Hambi nha si wakusuma kulomba kuli 'ne kwe nhumbula yo winenenyhezi yaye, langa wakwigwisa no kwigalagaza hasi nha vyono wanozaga wono si wamumanyile Mulungu. Na lono wakulomba so wuhemba ne divayi, wakwisalanga-salanga mu miwili no kwipela nghomele nha wono si wamumanyile Mulungu. Nhondo hamba watye, wo wubedegazici waco wuwu.

Yelemiya 12:2

Alu wawahadika, nawo wahimbiza milela, weza kuwiluka, wakulavya mikalo. Na nhondo zose, walongaga zako, ninga walongaga kwe milomo yawo du, mu zinhumbula zawo, hamba si wakuceleleye bwete.

Isaya 10:6

Nowategula Waashuli wakalihome likungugo lyono lisina cihuliko, wono wanghoza likuwo. Nowategula wakasole vinhu mateka, kanyhi wakahize no kuwakanyanjiza wanhu kotya nhope mu zinzila.”

Zabuli 66:3

Mumulonjele Mulungu mutye, “Imetumo gako, mbeka go metumo go wizine muno muno! Na ku soko ye vilungo vyako viwaha, sunga ne walugu wako lu, weza kukufugamila gwegwe.

Zabuli 18:44

Ne wajenzi wonyiziza kwe cogopo, nawo wohulika kamonga du, kolo wakuhulika i zangu.

2 Zinghomo 34:33

Hodu mutemi Yosiya, yakawa kuviwusa i vihwani vyose vye mawifyo, vyono vyali vye wanhu wa Isilayeli, vyono vyali vitagaliye mu yisi yose. Na mu nghango yo wikale wakwe wose, yajendelela kuwakong'onheza wanhu, wamwitumamile Muwaha Mulungu, u Mulungu we walezi wawo.

Isaya 31:6

U Muwaha Mulungu yakutya, “Anye nyo wanhu wa Isilayeli, mwakondya kunhendela wubi, hamonga no kumbedegala. Ninga aluno muwuye, mumbuyile nene!

Yelemiya 11:10

Alu nha wawuwuyila u wubi we walezi wawo, wono walemaga kwituma zono nawalonjelaga, wene wakayihemba milungu yinji. Holeka ku soko yiyo, wawa wose, Isilayeli na Yuda, wakondya kucibena cilagane cangu cono nacinoza ne walezi wawo.

Amosi 4:9

“Nghayileta mbeho, yivinyaze vilimwa vyenyu. Ne zinzije zikalya migunda yenyu yose ne mizabibu, mikuyu yenyu hamonga ne mizeyituni. Ninga hamba simwambuyila yaye.

Isaya 29:13

Ninga nayo Muwaha Mulungu yalonga yakatya, “I wanhu wawa, wenozaga nha wakuhemba nene, ninga kumbe ne zinghani zawo ho zisina nhunizo yo yose, ne zinhumbula zawo zili kunji caka. Ne cogopo cawo ca kuli'ne nghani ya bwete du, hambi wene nha wakutyatya wulajilize we wanhu, hamonga ne myoto yono wayizoweye nha vyono wakondya kwiyijiza.

Yelemiya 9:1

Na mbeka, nali nyende u mutwe wangu wanda wuwe yisima lya malenga, ne meso gangu galavye mivwilo ya mahozi, ho sume kulila misi ne cilo, ku soko ye wanhu wangu wono wakondya kuwulagwa.

Malaki 2:11

I wanhu wa Yuda, wakondya kuwubena wihuwizo wawo hali Mulungu, no kwituma zo wubi mu Yelusalemi, na mu yisi yose. Wayihodanga Nyumba yo Mulungu yono Muwaha Mulungu yayendile. Wanhu watola iwacekulu wono wakuhemba imilungu mijenzi.