Yelemiya 26:9 - Luganuzi Luswanu Kuli Wanhu Wose 2002

⁹ Alu nhawule wukulonjela mwi'tagwa lyo Muwaha Mulungu, nha vyono Nyumba yiyi yo Mulungu, yolokwihwana Shilo, kanyhi na vyono, likaya lili lyolokongomezwa, na vyono kanyhi, holowa hasina hamba munhu monga mono kolokwikala mumo?” Hodu, hobaho i wanhu wenji wakawa kumhilima mbavu zose.

Yelemiya 26:9 Referans Kwoze

Metumo ge Watumwa 22:22

Iwanhu wakamuhuliciza Pawulo sunga yakayidumya nghani yiyi, hanyuma wakawa kwanza kuzoza wakutya, “Munhu mono yenha yuyu, mumuwuse mononze, mumuwulagaje, hambi u munhu we liwala lili, nha si yanojeye kuwumipa.”

Metumo ge Watumwa 21:30

Likaya lyose likasagahala, iwanhu waketang'anila lumangho, wakamwibata Pawulo, wakamukwejenhela kunze ye Nyumba yo Mulungu, na ho baho imilango ye Nyumba yo Mulungu yikawa kudindwa.

Metumo ge Watumwa 13:50

Ninga Wayahudi wakawasagahaza iwacekulu we lilumbo wono wali si Wayahudi, wono wali wehuwilwa muli Mulungu, hamonga ne walume watambule wa mwi'kaya lilyo. Wakawa kwamula kuwagaza wa Pawulo na Balanaba, wakawawinga wawuce mu yisi yawo.

Metumo ge Watumwa 6:14

Hambi nha camuhulika yakutya ati, ayu Yesu wa Nazaleti, kohahodanjila lukulu ihanhu baha, no kuyiwusiza lukulu imyoto yono yacilajiliza Musa.”

Metumo ge Watumwa 5:28

“Ase camulemezenyi cagalanze, vyono mulecele lukulu kwijiziza mwi'tagwa lyo munhu yuyu, alu kumbe anye mwagatandaza imafundo genyu hanhu hose mu Yelusalemi, sunga nalu mukuhila kuciletela lilema lyo wufwe wo munhu yuyo.”

Yohana 8:59

Holeka wakatondola mabwe wamugumilile, ninga Yesu yakehundika, yakalawila mu Nyumba yo Mulungu yakabita.

Yohana 8:20

Yesu yazilonga zinghani zizi lono yejizaga mu Nyumba yo Mulungu, lono yali mu cinyumba cono cali wuwiko we cisanduku ce vilavya. Hamba munhu si yamwibata, hambi i cidaha cakwe nha cali cikali si nafika.

Maluko 15:11

Ninga i wakohani wawaha wakawasagahaza wanhu ho wamulombe Pilato yawawopolele Balaba.

Matayo 27:20

Ninga i wakohani wawaha hamonga ne wanyamhala, wakawalonjela iwanhu, wamusace Balaba yo yawopolelwe, ninga Yesu yawulagwe.

Matayo 21:23

Yesu yakenjila kanyhi mu Nyumba yo Mulungu yakawa yakwijiza mumo, na lono yejizaga, i wakohani wawaha, hamonga ne wanyamhala we wanhu wakamuwuza, wakutya, “Alu mwene, wukwitumila zizi zose mu wulajilize wa hayi? Hamba yo nani mwene mono yakupelile u wulajilize wuwuno?”

Mika 2:6

Nawo wanhu wakunganulila wakutya, “Wulece kuganula hali'se. Wulece kuganula muli zizi zose. Hambi Mulungu nha si kocikoza cevu.

Amosi 5:10

Anye wanhu mumusulile mono kawatacilaga wono si wali ling'ani, mono kulongaga mbeka yose ha mahakama.

Yelemiya 9:11

U Muwaha Mulungu yakutya, “Nane noyinoza Yelusalemi yiwe malundo ge matongo, hawe hanhu hono macewe gowa kwikala, nago makaya ga Yuda, gowa nyika, hawe hanhu hono yunji si kosuma kwikala.”

Isaya 29:21

Mulungu kolowongomeza wanhu wose wono wendile kuwasonjeza-sonjeza wayawo. Hamonga na wono wendile kuwahijila i wabeno lajilize, na wono wendile kulonga zo wulambi ho wawapamanjize iwanhu we ling'ani walece kunozezwa i ling'ani yawo.

2 Zinghomo 25:16

Nayo Amaziya yakapitula musunho, yakatya, “Mwene 'gwe, ku wulawa na nili cikakuwika wuwe mulonjelezi wo mutemi? Holeka wunyamale lulu baha. Na hono wujendelele, ane nokuwulaga!” Nayo muwizi yakatya, “Ale hodu'ne nanyamala. Ninga manyiye lukulu vyono Mulungu yakondya kudumula nghani, yakongomeze, ku soko ya zizo zono witumile, na vyono kanyhi, kuyibedegala ne nghani yangu.”

Metumo ge Watumwa 3:11

Iwanhu wose lono wali wakali no wizine wuwaha, hobaho wakanza kwikongholela lumangho i hanhu hono hatezagwa “Likumbo lya Solomona,” ihanhu hono yuyulya munhu, vyali vikali vityatyizye na Petelo na Yohana.

Metumo ge Watumwa 5:12

I Watumwa wakanoza mapoto ne mezino menji muli wanhu. Wono wehuwila, wakawa wakwitang'anila kuko wose hamonga, kwi'kumbo lya Solomona.

Yoshuwa 18:1

Lono mhuga yose ya Isilayeli, waza kuwa wakondya kuyisuma yisi. Waketang'anila ha Shilo, wakalikoma baho Lihema lyono Lyelile.

Yelemiya 32:3

Hambi u mutemi Zedekiya, nha yali yandindila mumo, vyono 'ne nghuganula nghutya, u Muwaha Mulungu yakutya, “Ane no Muwaha Mulungu, nomuleka mutemi wa Babiloni, yaze yalisole likaya lili,

Yelemiya 33:10

U Muwaha Mulungu yakutya nhavi, “I wanhu wakutya nha vyono, i hanhu baha heza nhe nyika, hono hasina cinhu cono colokwikala cumi mumo, wanhu hamba malimu. Na zizi, wakulonga mbeka, hambi mbeka vikaya vya Yuda hamonga ne zinzila za mu Yelusalemi, nha zisina mbeka wanhu hamba malimu wono wekaye mumo. Ninga hamba nhavivyo, kolosuma kanyhi kuhulika mumo,

Yelemiya 36:29

U Muwaha Mulungu yakanhuma mbite nghamulonjele mutemi Yehoyakimu nimutye nhavi, ‘Alu Yehoyakimu, vyono wakondya kuyiticimiza mu moto ayilya kalatasi mhalinje ye ligolo-golo, na kanyhi kuwa kumuwuza Yelemiya wukutya, ku sokoci kandika, nha vyono u mutemi wa Babiloni kolo kuza yayihodanje yisi yiyi, yawawulaje ne wanhu wayo wose, hamonga ne zimitugo zayo.

I Cililo 4:13

Heya, zizi zejela, ku soko wawizi wawo wetuma wubi, ne wakohani nawo wakasutya, no kwambuza lifwa, kuli wanhu wono wasina masutya.