Yelemiya 26:5 - Luganuzi Luswanu Kuli Wanhu Wose 2002

⁵ Kanyhi na vyono, munojeye muzicelelele zinghani ze wetumami wangu i wawizi, wono nikalaga nghumuletelenyi ku wulawa na katali. Ninga anye si mwazicelelela yaye zono wamulonjelajenyi.

Yelemiya 26:5 Referans Kwoze

Yelemiya 11:7

Hambi nha nawahomelela no kuwasugula i walezi wawo, lono nawawusiza mu yisi ya Misili, vyono yiwanojeye wahulice'ne. Kanyhi hamba si naduma baho du, langa najendelela kuwasugula wanhu sunga nalu.

Yelemiya 7:25

Na ku wulawa lono i walezi wenyu wawucila mu yisi ya Misili, nghali niwatumaga kuli'nye wetumami wangu i wawizi sunga nalu.

Yelemiya 7:13

Nanye mwetuma u wubi wuwu wose, hamba niwe namulonjelenyi zizi zose kali kenji na kenji, ninga nye mukalema kuhulika 'ne. Yali yiwe yili ciba le, hono mwali mulece kwidika, lono nali kumucemenyi.

Ezila 9:11

gono wacipelela mu nzila ye wawizi. Wakacilonjela vyono, yisi yono cobita cikayiteme, yo yisi yo wubi winji, ku soko i wanhu wono wekalaga mumo, wali wakondya kuyimemya wubi, hamonga ne makomaza.

2 Watemi 9:7

Holeka yikunojeye wumuwulaje mutemi wako. U mwana wa Ahabu, nane ho sume kumulipiciza Yezebeli ku soko yo kuwawulaga wawizi wangu, hamonga ne wetumami wangu wanji.

Wugubule 11:18

Wanhu wono si wamumanyile Mulungu wakakolwa likuwo, vyono lidaha lye likuwo lyako lyakondya kuza, lyo kuwaling'aniza i wafu. Naco co cipango co kuwapelela ligawo lyawo wetumami wako wawizi wanhu wako, na wose wono walikumyaga, litagwa lyako, wawaha ne wadodo. Kanyhi co cipango co kuwongomeza wono wakuyongomeza yinze.”

Wugubule 10:7

Langa mu cipango cono malayika wo mupunghati kololavizya lizi lyakwe, lono kolotowela ndulele yakwe, u Mulungu ho kolowukondeleza u wuhile wakwe we cinyele, nha vyono yali yawalonjela wetumami wakwe, wawizi.”

Zakaliya 1:6

Nane nghawapela i wasogo zenyu suguzi hamonga no wulajiize, mu nzila ye wetumami wangu wawizi. Ninga wene wakalema kuzityatya, hodu nane nghawa kuwaleka, wakatuga wugaye wuwaha. Ninga kanyhi wakanena no kumanya vyono, Ane no Muwaha Mulungu, we Mihanga, nakondya kuwalipiciza nha vyono yiwanojeye, nha vyono nali nalamula niwatendela.

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.

Ezekiyeli 38:17

Hambi agwe Gogu, nha yo gwegwe mono nalongaga i zako ku wulawa katali, mu nzila ye wetumami wangu i wawizi wose we Waisilayeli, na vyono na mu vilo vyono vikuza, nokwenda nize ndete munhu yayihome Isilayeli.” Vyo yakutya u Muwaha Mulungu.

2 Watemi 24:2

Muwaha Mulungu yakatuma cipuga ce Wababiloni ne Wasiliya, ne Wamowabi, hamonga ne Waamoni, wayongomeze yisi ya Yuda, nha vyono Muwaha Mulungu yalonjela muli wetumami wakwe wawizi, nha vyono kozinoza zizo.

2 Watemi 17:23

Na kundumo ya zose, Muwaha Mulungu nhondo, yakawa kuwawusiza lukulu ha meso gakwe, nha vyono yali yakondya kuwasugula, mu nzila ye wawizi, iwetumami wakwe, na vyono si koleka kwituma zizo. Holeka i wanhu wa Isilayeli wakasolwa wakawahamizya ku Ashuli, kono wakali wali kuko sunga nalu.

2 Watemi 17:13

Ninga Muwaha Mulungu yali yakondya kuwasugula Isilayeli na Yuda, mu nzila ye wanhu wono yawatumaga, hamonga ne wawizi, yakuwalonjela yakutya, “Mupituce muzilece zinzila zenyu zimbi, mwibate wuhile wangu, ne mejizo gangu gono gali mu wulajilize, wono nawalajiliza walezi wenyu, nghamulonjelelenyi nanye mu nzila ye wetumami wangu wawizi.”

Yelemiya 29:19

Na zizi zose zolomuzizenyi, vyono si mwasaka kuzihulika zinghani zangu, zono namulonjelajenyi kenji na kenji, mu nzila ye wetumami wangu i wawizi, nanye hamba kuzihulika yaye.

Yelemiya 32:33

Hambi nha wakondya kundeka 'ne, hamba niwe neyoha muno kuwejiza, ninga wene hamba si wahuliciza 'ne yaye, hamba kwiyijiza kose.

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 35:17

Holeka ku soko yiyo, alu mowona! Ane no Muwaha Mulungu, u Mulungu wa Isilayeli, nomuletelenyi anye nyo wanhu wa Yuda na Yelusalemi, i magazo gose gono nehuwiza. Nomutendelenyi nhavivyo, vyono anye si mukusaka kuwa ne cihuliko kuli 'ne, nghamucemenyi, nanye hamba kumhitula yaye.”

Yelemiya 44:4

Ninga hamba nhavivyo, nane vyo nghajendelela du, kumutumilenyi wetumami wangu wawizi, wono wazaga kumulonjelenyi vyono, mulecele lukulu kwituma makani gago ge cikomaza, gono si nigendile yaye.